تذكــــــــــــــــــــــــــرون....

تذكرون

:sm182:

تذكرون.. يوم إيّيك واحد ماصخ من العايلة أكبر منك ويقول لك: تبا أرسملك ساعة وانته تمد له إيدك ويعضّك هذيك العضة اللي تصارخ منها .

‏تذكرون.. يوم كنا نصوّر فوري عند مصوّر الجمعيةوطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كلهشعر.. وبعدين يغسل لك الصورة بالآلة اللي عنده أم ذراع والأطراف مشرشرة ‏ويعطيكالصور بعد أسبوع.
:sm192:
تذكرون.. أول يوم دوامبالمدرسة كانوا يسلمونا الكتب كلهم مع بعض وصافينهم من الكبير إلى الصغير وطبعاًالكبير كتاب العلوم وكانوا يربطونهم بحبل عشان ما يطيحون مع 6 ‏دفاترمجاناً.


‏تذكرون.. المعجون الصغير اللي ريحتهتعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخعشان نسوينفافيخ وطبعا ما تطلع النفاخة لين تطلع بلاعيمكوياها.
:sm170:
تذكرون.. يوم كنّا نشوف افتح يا سمسم ونتأثربكعكي اللي ياكل بسكوت ونشتري بسكوت كاكاو ونتم ناكل مثله

ويا البسكوتالمالح.

تذكرون.. يوم الجمعة ... ‏نقوم منالصبح على شان نسمع أغنية في قصص الشعوب قصائص لا تنتهي

وعالم حلو بهي يسكن فيالقلوب في قصص الشعوب .

:sm180:
تذكرون.. تيلفون بوقرص اللييتعب صبوعك وانته تتصل ويا ويلك يطلع الرقم مشغول لأنه ما فيهريدايل.



‏تذكرون.. يوم كنا نربط الشرشف علىرقابنا مثل سوبرمان ونصعد فوق الكبت وانط على الدواشق وآخر شي ناقز غلط ومنكسرةإيدك.
:sm192:
‏تذكرون.. يوم كنا نحط بالفريزر العصير الطويل بونصين عشان يثلج وكلما تسير تبغي تاخذه تلقى الوالدة منزلتنه تحت وما ثلّج.. يا حسرة راحتالفرحة.


تذكرون.. يوم كانوا الأولاد يغسلون الحوشبالبروش والصابون قمة الوناسة.. يمسك البروش أونّه بيساعد وآخر شي طايح له سكيتنجعلى الكاشي والزولية وفي الليل وارمة ريله.
:sm194:
تذكرون.. يوم كنا نستقبل الحجاج من زود الفرحة واللهفة على الصوغةوآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنودوساعة.

تذكرون.. يوم كنا نشوف مسرحيات الأطفال مثلالسندباد والزرزور وألف باء تاء اللي فيها عبدالرحمن العقل ويوم الحرامي يكونوراه.. نصرخ من قمة راسنا: ورااااااك وراااااااك وهو يقول وينه وينه يميييييينيميييييين....

‏ياعيني على الاستهبال .

تذكرون.. عزايم قبل والسفرة المفروشة على كبر الصالة اللي على صورة ميوه (‏فواكه) ‏وريحتهالازم مثل ريحة المطبخ وجالسين على الزولية اللي يوم تقوم تلقى ريلك كلها شخوط منالزولية.
:sm170:
تذكرون.. أيام الدراسة قبل يعني يكون بنشدحيلنا بالدراسة ونشتري قلم فسفوري أصفر وإلاّ برتقالي عشان نظلل على الشي المهموآخر شي مظللينعلى كل الكتاب.. وين الشي المهم؟؟ ما أدري!!!!
:sm194:
تذكرون.. أول ما يسرقون الأولاد سيارة أبوهمكانت الريل اليمين على البترول والريل اليسار على البريك من الثوارة .... ‏ولازمطبعاً يمر على الربع في الفريج يصيّح ويلات عليهم....‏ويعطيه بريكوبترول



تذكرون.. يوم كانت جائزة البيبسي سيارةفي غطاة الغرشة كنا الظهر نسير وراء الدكان ونبطل الغراش كلها وبعدين نرد نسكرهم أيكلام تشوف الغازات كلها طايرة ومتبخرة ومستوي البيبسي ماي .
:sm182:
‏تذكرون.. يوم يقول الأستاذ أو المعلمة ان هذي الصفحاتملغية
تعالشوف الشخابيط اللي على الصفحة من فوق لين تحت وإلاّ نطرها من الكتاب.....‏ليشهالحقد عاد؟
:sm194:
تذكرون.. يوم نتضارب مع ولد اليرانوتقول له: خوز عن بيتنا وعن رصيفنا..

يقول لك: مب رصيفكم هذا رصيف الحكومة

كلاممنطقي, ‏ويتم يحوس جدام البيت ويمر جدام ويقول لك ما جستك ماجستك.


تذكرون.. يوم يسيرون الأولاد السوق ويّاأبوهم يشتري لهم قطع كنادير للعيد ..وآخر شي شاري طاقة كاملة نفس اللون وتشوفهمبأول يوم العيد من الوالد لين الأخو الصغير نفس لون لابسينه كلهم ‏تقول فرقةعيالة.
:sm170:
تذكرون.. يوم يبغون الشباب يشلون حديدقبل يترسون قواطي النيدو اسمنت ويحطون بينهم بيب حديد وهووووووووب وآخر شي منكسرةظهورهم.

:sm182: للعلم كنا انسوي بلاوي اكثر من جيه :sm194: