هتجيب ايه في عيد الام ؟؟

السلام عليكم و رحمة الله و بركاته

ها يا شباب
استعديتم ؟؟

خلاص 21 مارس قرب
ايه ده .. ده انهاردة


انت مجبتش هدية عيد الام و لا ايه ؟؟

ها هتجبها بكام ؟

ب 5 جنيه ؟؟

بخيـــــل


طب 10 جنيه ؟

طب خمسين .. طب مية ؟


هااااااااا .. هتدفع كام عشان تشيل شوية ذنوب ؟؟

ايه ده .. ايه ده ؟؟

انت قلبت ليه يا عم انت ؟


ااااااااااااه

طب خليك معايا شوية و متخرجش
اصبر يمكن تقتنع بعقلك


هبدا معاك خطوة خطوة لكل اللي ممكن يدور في بالك

انا قلت ليه هتاخد ذنوب ؟؟

اه عشان بدعة

طب بلاش هي ايه البدعة ؟

هي كل محدثة في امور الدين

حيث قال الرسول

شر الامور محدثاتها و كل محدثة بدعة و كل بدعة ضلالة و كل ضلالة في النار

ايه انواعها بقة ؟؟

البدعة نوعين

الاول .. بدع حقيقية - بدع العبادات -

و هي انك تيجي تعمل عبادة مكنش الرسول بيعملها و دي قليل جدا لما حد بيقع فيها
لانها بتبقى واضحة وضوح الشمس

بس لحظة سامع واحد ورا بيسئل وبيقول
طب ما كدة السيارات بدعة و المستشفيات و المدارس ؟

هرد عليك و اقولك بص تاني على عنوان النوع الاول هتلاقيه موضحلك انها بدعة العبادات
هل المستشفى عبادة ؟؟
و السيارة عبادة ؟؟


ده على كدة بقة الواحد يصحى من الصبح يجيب عربية عشان ياخد ثواب


العربية و المستشفى و المدرسة هي امور دنيوية
و قال الرسول

انتم اعلم بشئون دنياكم

طب نيجي بقة على النوع التاني بس في البوست (الرد) اللي جي ان شاء الله