|
امانه عليكى تستنى
أمانه عليكى تستنى ماتترجيش دروب البعد تدبحنا وتصلبنا .. حكاوى فينا منسيه ماتترجيش ساعات بعدك تمد الخطوه ف الرايحه وف الجيّه تعكر صفو أحلامنا تبعترنا تقطّع حبل أفكارنا وانا دايما أصيغ الحزن بحروفى مع خوفى لابكره تبعدى عنى وتتمنى أكون ذكرى ف أيامك وأحلامك طريق واعر ومتكتف بأوجعنا ياكل الدنيا ياعمرى ياطير .. رفرف على كفوفى وساكن جوا ف عروقى ياعزة نفس مرسومه على الشريان يانور حاضن خطاويا فى كل مكان قابلتينى … وساعة عينك الحلوه مابصت لحظه ف عيونى عرفتينى وشفت البسمه ف رموشك فعادت رسم تكوينى ساعتها عرفت ان الدنيا دى غنوه وألحنها بنبض القلب مرسومه ومعدومه ساعات الحزن جواها قابلتينى … كأن الدنيا قدامى جناين ورد مزروعه وموسوعه من الافراح وكنتى زى ماكنتى ملاك طاير بأحلى جناح وصوتك زى ماهو بيتسرسب لوجدانى ويضحك جوا شريانى فى نبض القلب من جوه مانيش قادر على وصفك مع انك كأنك شمس قدامى ولاتحبى الخداع أبدا ولا بتخونى أيامى طريقك ع الصراط مرسوم ودايما ع اللقا تحكى تقولى : الحظ والمقسوم وانا راضى أكون دايما سحابة صيف بأيامك ونسمة بحر مزروعه بأحلامك ومش عاوز أكون معشوق ولا عاوز اكون مشنوق ببعدك أو بنسيانك أمانه عليكى … خليكى وماتسيبنيش وكونى بس غنيوه وهمزة وصل تجمعنا وماتلومنيش لان القلب مش ملكى ولا ملكى مشاعر فيا مدفونه هاتستنى ؟؟؟ أمانه عليكى … تستنى عشان خاطر تخلينى أكمل عمرى متهنى أكرم عبد السميع سوهاج – البلينا – نجع مازن غرب |
رد: امانه عليكى تستنى
شرفُ لي ان اكون اول من يقرأ طرحك الرائع موضوع رائع جداً يعطيك العافيه ع النثر الراقي |
رد: امانه عليكى تستنى
يسلموا ايديك
رووووووعه وكلمات راقيه |
رد: امانه عليكى تستنى
يسلموا على الخاطرة الرائعة
|
رد: امانه عليكى تستنى
رائع جدا الله عليك وعلى كلامك الجميل تقبل مرورى |
رد: امانه عليكى تستنى
مشكور خيو على الكلمات الجميلة تسلم يداك
|
| الساعة الآن 04:43 PM. |
Powered by vBulletin® Copyright ©2000 - 2025, Jelsoft Enterprises Ltd.