خابرتها وخابرتني وموعد وياها اطلبت
ردت منها يكون باجر كالت اصبر للسبت
و يوم يوم اصبر واعدهن ومن كثر الحساب اتعبت
وحان مو عدنه وبسرعه اتشيكت واتعطرت
وطريق اصبح طويل واحس روحي اتأخرت
ومن وصلت للموعد اني هناك كلشي ما شفت
انتظر واحرك بروحي واحس روحي اتقشمرت
وعلى اقرب هاتف اني بكل غضب اركض رحت
وهي من دكه اولا شالت واني صحت بيها وشتمت
وكتلها انتي هيج وهيج وانتي اتعس ما شفت
ومن هدئت شويه كالت ها يا محبوبي شردت
كتلها علموعد اجيتك تالي فشلان ارجعت
ضحكت ضحكه طويله وكالت انته استعجلت
يا حبيبي اليوم جمعه واحنه موعدنه السبت