كتلك من كبل ما نرهم انا وياك
حلم ضايع املنه وما اضن نطوله ..
نعرفها النهايه الدرب صار بعيد
عليمن نتعب احنه الواضح انكوله..
سوله البينه جانت ..و العشك جذاب
خلي انتوب يله ..ونترك السوله ؟..
مو وحدك غلطت اثنينه مذنبين
والمفروض اتوب بغلطتي الاولى..
من كتلك تحبني؟ كتلي اموت عليك
كل ظني بهواك الكلمه مسووله ..
صح نمشي سوه وكدام هاي الناس
بس باجدامنه الخطوات مجهوله ..
اخر كطره منك نشفت من الخوف
واكسباير حنانك خلص مفعوله ..
لاترسم شمس وعيونك مغمضات
عين الشمس ترفض تنرسم حوله ..