مرحبا


هادا الموضوع بيحكي عن برامج الاتصال المجانية عن طريق الانترنيت (عم نحكي على الاتصال من الكمبيوتر الى رقم تلفون)

طبعا هي البرامج قليلة و اغلبها ما تعطي مدة طويلة للحكي

انا جربت كتير برامج و لقيت هدول افضل الشي

اول شي
tuitalk

طبعا انا لقيت هادا البرنامج افضل شي لانو بيعطيك مدة المكالمة 6 دقايق و بخليك تعمل 3 مكالمات باليوم
يعني 18 دقيقة باليوم ببلاش
البرنامج بيتصل باوروبا (بس الخط الأرضي)
و باميركا و كندا (ارضي + موبايل)
وبباقي الدول بيعطي مدة مكالمة اقصر

موقع البرنامج http://www.tuitalk.com


سجل بالموقع بعدين نزل البرنامج من نفس الموقع
بعدين وقت بدك تتصل بتطلعلك دعاية لشي شغلي (اغلب الأحيان دعاية ال BMW x6 )
بس لتخلص الدعاية بيتصل بالرقم و بتحكي
طبعا العيب الوحيد يلي في انو كل ما بدك تحكي مكالمة بدا تطلعلك دعاية(مدة الدعاية حوالي 30 ثانية) و لازم تستنى لحتى تخلص لحتى يفتحلك الخط


تاني برنامج

voip buster



اول برنامج كنت اتصل في
هادا البرنامج بيعطي 5 دقايق مجانا لكل يوزر جديد و بتقدر تتصل على اوروبا (تلفون ارضي ما عدا انكلترا)
+اميركا وكندا (ارضي و موبايل)
و كل ما خلصو ال5 دقايق بتعمل يوزر جديد لحتى تصير عامل 3 يوزر على نفس جهاز الكمبيوتر ببطل البرنامج يقبل يعمل يوزر جديد حتى لو حذفتو و رجعت نزلتو الحل انك تروح لهون
ابدأ-----------تشغيل------>اكتب regedit
بعدين روح على هادا المجلد
HKEY_CURRENT_USER\Software\VoipBuster
و حذيف مجلد ال voipbuster الموجود و رد عميل يوزرات جديدة و حكي اد ما بدك

موقع البرنامج:http://www.voipbuster.com



اخر شي برنامجين
voipwise
voipcheap








هدول البرنامجين من نفس شركة ال voipbuster
بس بيفرقو عنو انو بيحكو على انكلترا و على دول اكتر
بس كمان نفس المشكلة كل ما صارو 3 يوزرات بيقفل البرنامج و بدك تعمل نفس الخطوات يلي عملناها مع ال voip buster مع النتباه انو اسم المجلد اخر شي رح يتغير حسب اسم البرنامج

موقع البرنامجين:
http://www.voipcheap.com
http://www.voipwise.com

طبعا انا جربت احكي بهدول البرامج من خط البيت (وقت كان عندي مودم) فأغلب الأوقات ما يشتغلو و اذا اشتغلو يكون الصوت غير و اضح
فالحل انو تاخد شي برنامج على فلاشي و تروح على شي محل نت هادي و تنزل البرنامج هنيك و تحكي على كيفك
او تركب dsl
و اي سؤال او مساعدة انا جاهز