كيف حال الشباب الطيبين ( والبنات كمان علشان لا يزعلوا)

الى كل الشباب
هل حلمت يوما؟
ما هو حلمك؟
كنت في احد الأيام امشي بجوار روك كافيه بشارع سلطانه بالمدينة(طبعا غني عن التعريف)
ولقيت شباب جالسين حبيت اعرف حلم الجميع
دخلت عليهم
سلام عليكم يا شباب بعد اذنكم ما باخذ منكم غير دقيقة وحده بس مو اكثر لو تسمحوا لي
بس ابغى منكم رد على سؤالي
ايش حلمك وتتمنى يتحقق لما تكبر؟
عارفين ايش جواب الشباب كلهم الي في المقهى؟
اشتغل بالحكومة براتب عالي
اتزوج بنت حلوه وبنت ناس
واجيب عيال
يا جماعة سؤالي واضح
ايش حلمك
مو كيف تتمنى حياتك والا ايش هي حقوقك؟
لماذ كل ما تسأل شخص عن حلمه يتكلم عن حقوق بالحياه؟
لهذي الدرجة وصلت الحال فينا؟
انه يكون حلمنا بالحياة تحقيق حقوق لينا
كان نفسي واحد يقول: نفسي اصير مهندس وتكون عندي احسن شركة بالخليج
والا نفسي اكون دكتور وعندي مستشفى
دحين برجع اسأل نفس السؤال لشباب وفتيات المنتدى لأنه لكل واحد حلم
ايش حلمك وتتمنى يتحقق لما تكبر؟
قول حلمك وبأذن الله تحققه
وبتابع معاكم بأذن الله كل يوم
تحياتي