كتبت هذه الكلمات وانا في الصف الثالث متوسط
بعدما أُصبت فِي قَدَمِي
وعجز أغلب الأطباء عن المعالجة
فندبت حظي في هذهِ الكلمات
ألَتِي هي أشبه بألقصيده
يحاچيني الوكت ويگلي كافي اتلوج
أگله إضحك اليَ وانــه مانــــــــوح
إشلون أفرح وإديه امچتفه إبآآخ
طفل وآنه الألولي لمهد الجروح
على راگ الشفايف تنتهي الضحكات
إشلون اتعيش ضحكه ابدمع مسفوح
حظ النـــاس يبـــحر عــله الشـــــراع
وحظي انه اعله راگ الخيس مطروح
تنــــخيته يــــگوم اويــــاي ماگــــام
إشتــترجه يـــگوم اويـــــاك مذبوح؟؟
بـــخت النــــاس جنة تطگ بيها اعيون
وانا بخت وزرعته إبگـــاع الســــطوح
شلـع ماشـفت الفرح..ماإجــه خطـار
من يوم الصرت ومعـلعـله الـروح
وظل يبچي وگتي وتهل منه العين
وصار الوگت من اجروحي مجروح
گال إصعد سماك وشوف حظك غاد
گتله بعـــــيده سمــانه وانا مــالوح
تعودت اعله الحزن ياخايب هنا
بنيت ابگاعه طابو وبعد ماروح
بنيت ابگاعه طابو وبعد ماروح
بقلمي
تحياتي