الأهداء
الى اغلى شخص في حياتي الذي فقدته فجأة
الى اخــــــــــــــــــــــــــــــــي
قصيده......دنيه ليل
دنيه ليل.......دنيه ليل
وحالي بفكدك مثل حال العليل.........
دنيه ليل وما لكيتك من نخيتك
و انته يمي وفاركتني والحمل كلش ثكيل..
دنيه ليل....
وأنته لعيوني ضواهه...وما اصّدك من نظر عيني تشيل..
حن عليه...وادري خلصان العمر بس مو بديه.
حن عليه....
مو كضت كل السوالف...
ودمعي خلّصته بذكر ذيج السوالف..
حن عليه....
حتى باجر من أشوفك...
بيدي اسكّت حالي لويبجي عليه
لهسه أذكر موقفك من صافحتني...
بلا شعور شفافي سجدت باست لعينك أديه
وآنه اصيح شبيك مــــا ترحم دمعتي
فكري حار....ودمعي حار...
وحتى من كثر الدمع ذابت وجنتي....
اللـــــــه واكبـــــــــــــــــــــــــــر
كلشي بهل دنيه من بعدك تغير
وباقي بس حال اليتامه.....
بيهه طبع الناس تفرح لويمرهه العـــــــيد
متهم بضلامه
واحنه من دون الخلك لو مرنه عيد...
منّه عزرائيـــــــــــــــــــــــل ياخذ الأبتسامه
جبال الكون لجلك ماشي أفتهه
ودوه علتي الليالي ماشفتهه
يخويه البسمه بعدك ما شفتهه
لأن فركاك حيا أثّر عليه