منتديات العاشق - عرض مشاركة واحدة

ϻϭѕтєг Ξǥγῥɫ · #1 04-23-2011, 09:07 AM

|| السلام عليكُم ورحمة الله وبركاته ||
-----------------------------
أحبابى العُشاق شخباركُم جميعآ .؟ إن شاء الله تكونوا عال العآآآآل .،

أحب أهدى لكُم قفشات ونُكت على مُباركـ وأفريقه d:

في طره لاند ومن عالباب ...
العادلي يقابلك بالترحاب ...
وجوه تلاقي جرانة معاك ...
وعز برضه بيستناك
وجيمي حبوب وكله ألاطة ..
خلى بلدنا على البلاطة ...
....... عادلى .....
تعالى بينا يلا ... احنا وشله
نقتل و نسرق فلوس كتير..
-------------------
طره لاند بيت مبارك الكبير ...
تعالى وزوره هناك كتير
طره لاند: ليه تسرق مره لما ممكن تسرق مليووووووووووون مرة

**************************************
جمال مبارك في حالة هيسترية، يمسك بالكلابشات ويلوح بها ويصيح: شقا عمري .. شقا عمري ضاع .. شقا عمري .. لأ ا ا ا اه
زكريا عزمي: مش عيب ابن الرئيس مبارك مايعرفش أصول التخزين
فتحي سرور: التخزين كان من اختصاص الشاذلي وأمن الدولة
زكريا عزمي: في حد في الدنيا يحط شعب في صفيحة ويسيبه تلاتين سنة في مية مالحة
جمال مبارك: والعمل يازكريا ؟
زكريا: يعوض عليك ربنا
و الملاحة الملاااحة ......

**************************************

عاجل : نزلاء بورتو طرة يطالبون المجلس العسكري برفع سور .. علشان نظيف مايشوفش البحر من جوه

**************************************

حسنى عمل عيان و مرتضي أغمن عليه عشان ميروحوش السجن
بعد اقتراب صدور قرار حبسها ، سوزان مبارك : أنا حامل هههههههه

**************************************

كُــل الـدول عـندُهـم رئيـس سـابق ,,, واحنـا عندنـا رئيـس سـوابـق

------------
ليه بكار جدير بتولي منصب رئاسة الجمهوريه ؟
.
.
.
.
.
.
.

1 - من قلبه و روحه مصري : يعني هيحب مصر ويخاف عليها
2 - النيل جواه بيسري : و كدة هتتحل مشكلة مياه النيل لأن النيل جواه و محدش هيقدر
ياخده
3 - كفه رقيق و صغير : و ده هيتعكس على الظباط في الاقسام و ايديهم هتبقى حنينة على قفانا
4- معزته رشيدة : شوفوا بيحب المعزة ازاى و بيخاف عليها هى صحيح بتضيع منه كل حلقة بس مخُلص لها , تخيلوا بقى هيخاف على البلد اد ايه
5 - اصحابه كتير كتير اده و ادهم : يعني هيعرف يسيطر عليهم و يفهمهم و لو كان فيه فساد تامر أمين مش هيقدر يقول ان الناس اللي حواليه ضحكوا عليه
6 - محمد منير غنى له : و طبعا محمد منير عنده خبرة في الأغاني الوطنية و السياسية مش زى مثلا حمادة هلال ..

**************************************

مره واحد بيسأل مبارك عندك فلوس اد ايه فى البنك قاله معنديش و هو عنده

**************************************

قررت اتصالات وفودافون وموبنيل ان لو الاخوان مسكوا الحكم
تتغير الرسائل إلى
.
.
.
................

كلمني جزاك الله خيرا
اشحنلي بالله عليك
الهاتف الذي تحاول الاتصال به مغلق والله أعلم
**************************************

وبالأخر باقول كمان كلمة أخيرة

حسني مبارك “آسف على الازعاج” انت عملت أكبر “مطب صناعي” في تاريخ مصر والله إنت “وش إجرام” وطول عمرك “دبور” ودلوقتي معاك “زهايمر” باختصار إنت ” محترم إلا ربع” كل الشعب بقى ينادي “جعلتني مجرمًا” وعملت الحلو “عسل إسود” ومن السجون “العيال هربت” سرقت من عيونا ” الفرح” إنت فاكر مصر “كباريه” وعامل فيها “الزعيم” وكنا نقول يا عم عديها “حين ميسـره ” “ليه.. يا دنيا” “هي فوضى” باختصار حسني مبارك . “طير إنت" ...

------
فـ الآخر أتمنى أن تكونوا تمتعتُم

سلااااااامى يا أحلى عُشاآاآاآق ...