بس بكلمتين او اقل!...
تقدر تنهيني...تنهيني من وين؟!...
من الحيااه مستحييل...
يمكن من حياتك هيه...
بس من الحياه ماتقدر.. ماتقدر...
انا اقولك ليش...
لان ف غيرك يباني...
ف غيرك يتمنى قربي...
ف غيرك يبي يواسيني ...
ف غيرك يبيني امسح دمووعه...
تراني دخلت قلووب الناس ف اقل من دقيقه...
اسمع...لا ليش تسمع...
ترى الدنيا دواره ...
يوم لي ويوم عليك...
بتي عندي وتقوول...
تكفين رديلي انا احتاج لج...
بس تدري شو بقولك...
تذكر هذاك اليوم الي فيه قصيت علي...
بهذيك النظرات الي كنت فيها تناظرني...
وانا استحي وانزل عيني...
وكنت احاول اسوي اشياء ماتقهرك...
تدري ليش كنت اسوي جي كله ...
لاني حبيتك بجنون...بجنوون...
حبيتك محد كان يدري الا الاقليه...
وكانو دوم يقولون ليش تحبينه؟..ليش تحبيه؟...
تدري شو كنت ارد عليهم...
كنت اقلهم بكل فخر...
انا ما احب حد مِني وطريق...
حبيتك لانك اول شخص دخل قلبي...
هيه انت انت!!...
دخلت قلبي بدوون استئذان ...
دخلت ولقيتلك مكان تيلس فيه...
وما كان ودي تطلع منه...
بس كان حبي لك كله ع الصامت...
ع الصامت!...ليش ع الصامت!!...
لاني سمعت كلاام واايد عنك...
كنت اقوول لا هو موجي...موجي...
ماصدقتهم...يريتني صدقتهم يريت!؟!...
مليت مني ورميتني...
وما عطيتني سالفه!...
تدري يوم قلتلك:انا مستحيل ازعل منك!...
كانت غلطه...هيه كانت غلطه...
الحين منو بداوي جرح قلبي؟!...
للمره الثالثه انجرح...
خلاص خلاص ياقلبي لابعده تحب...
خوفي تنجرح رابع مره...