06-30-2011, 12:11 PM
|
 |
|
|
رقـم العضويــة: 93299
تاريخ التسجيل: Jun 2011
الجنس:
 المشـــاركـات: 9
نقـــاط الخبـرة: 10
|
|
|
عشق الخيل
الولع شين .. ياراع الولع لاتكود
روحك اللّي تقود المجد 000ويقودها
ماتخيّرت .. حب الخيل .. ورث الجدود
حيّ ورثٍ يرد النفس000 لجدودهـا
ماتقل قلبك العليا عليها ورود
وماتقل عقبك البيضى على حدودها
قالوا إنك عشقت الخيل والخيل خود
عشقها يستبيح الروح 000ويكودهـا
مهرتك في تعجرفها تحدى الحسود
لوله ألفين عين ٍ ماحوى000 زودهـا
لو يفرّق حـــلاها للغواني 000 يزود
يرهي الما .. على كل الدلي جودهـا
فلوة الشمس ترفه .. وين عنها الصدود
حي ماها ومجناها .. ومولودهــا
سرجها الريح ويديها سراديب نود
ونار قرم معارفها من000 وقودهـا
وخصرها للغواني مثل خصر العنود
وجيدها جيد جادل .. ليّن عودهـا
سيندريلا العوادي .. مالها بالوجود
كفو .. إلا أنت سيدها ومحسودهـا
كنها من غلاها بالمحاني ترود
تصطفق ضلوعٍ .. تبرق رعودهـا
كن عينك لها سِيدَه .. ورموشك حشود
لا انثنت شفت قلبك زمّ 000بعضودهـا
منوة اللّي يبي طرد السهل والنفود
فارس ٍ تحتميه الناس ويذودهـــا
ركضها .. واذكر الله .. ركض ((( ريم ٍ ))) شرود
مخطر ٍ من حوافرها .. على خدودهــا
كنها تدري إنك في هواها ورود
فلوةٍ تقل طفله .. حلو جحودهــا
اذكر الله عليها عن عيون الحسود
من حدود البياض .. لمنتهى سودهـا
طلال الرشيد
|