هو
ليش عفتيني ونسيتي وليش ضيعتي السنين
وليش ماهزج ضميرج دمعتي وذاك الحنين
انتي مو كلتيلي ارجع يمته يمعوده تجين
""2.هي
انه ماعفتك حبيبي انت ماتدري بعذابي
الدنيا بعدك حاربتني وذبلت زهره شبابي
انت لاتعتب عليه وياك ماينفع عتابي
هو""
ماالومج وابقه اعاتب يألـــ نسيتي وعد حبنه
لاتكولين شبديه وذنب وكتي ومو ذنبنه
احنه ذبلنه المحبه وشوك حطينه بدربنه
هي""
فدوه لاتقسه بعتابك انت كل عقلك اعوف
وانه احس روحي حمامه وبس على ديارك تطوف
وزرعت حبك بكلبي اي ليش خضر بيه اوف
وعيني من حاربهه شوفك حرّمت بعدك تشوف
هو""
جان حبك سر وجودي معلك امالي عليج
هسه ضيعتي المحبه وانه هم ضعت من اديج
رحتي بس ماخذتي روحي جدمي مايخطي ويجيج
هي""
من ردت اكتب عتابي تبجي وياي الحروف
جان سيف الدنيه ضدي واحن من كل السيوف
انت لو فعلا تحبني جا صرت عكس الضروف
هو""
ياضرف واحساسي شاعر حزني وي احساسه بات
وحبنه راح وماله رجعه وبقت بس الذكريات
ياحياة العنهه تحجي واحنه كلشي البينه مات
هي
""
موتت حبنه بسهوله وبالعجل شفتك نسيت
اتضح حبك روايه وبيهه بس انه الهويت
انه مااريدك تردلي انت من كلبي انتهيت