مدري صافحته بيدي ولا في صدري حضنته .....!!!!
صافحت كفي زمانن راح وعوّد يبيني
مدري صافحته بيدي والا في صدري حضنته
ياهلا باللي ضلوعه في غيابه تحتويني
وياهلا باللي زفيره طيب ليمني شهقته
كنه في رجعته غيمه واختلط رملي وطيني
ضاعت علومي وصبري كل ماجاني فقدته
ارتبك فيني شعور كلي من رجلي لجبيني
ارتبكت ولادريت باللي سويته وقلته
من عذاب البعد جاني يطلب اشواقي وحنيني
من كثر فرحة لقانا قمت للبعد وشكرته
عوّد ونظرة عيونه ترتجي..لاتخذليني
مادرى اني في بعده عمري والله ماخذلته
بعده اغرق في خطايا والمسافه تحتويني
ماتحملت فغيابه اكثر من اللي وصفته
القصيده في غيابه كانت في نومي تجيني
واللي باقي من قصايد ليلة الفرقى كتبته
صافحت كفي حبيبن من زمن عوّد يبيني
مدري كفي اللي تحضن رجعته والا حضنته
تحياتي لكم
|