بالنسبة لية ما اعتقد انه حرام ما اقدر افتي بدا الشي
لانه مافي دليل من القرآن ولا من السنة انه حرام هالشي
اللي حرام صحيح تجسيد الرسول صلى الله عليه وسلم لانه بشر مافي احد زيه ولا احد اشرف منه
اما الصحابة يعني زينا زيهم بشر وشرفاء لاكن الله اعلم انها توصل لعظمة شرف الرسول صلى الله عليه وسلم
وكمان ايام مسلسل خالد بن الوليد ليش ما اتكلمو وقالو حرام وحرام ؟ مع انو خالد بن الوليد اتجسد وابي سفيان اتجسد
ومسلسل قصة سيدنا يوسف عليه السلام , جسدو يوسف بنفسه وماقالو شي
اش المعنى دا المسلسل اتكلمو عنه ؟
+ معلومة مسلسل عمر رضي الله عنه ماحيجبولك القصة حقت الاسلام بالكامل وبالتفصيل , لانه اساسا اللي يبغوه ويعرضوه قصة عمر رضي الله , اما لو جابو كل قصة الاسلام بالتفصيل ماحيخلص المسلسل الا لبعد 3 شهور خخخخخ
وتقولو انهم خلو الصحابة واسائو فيهم ومدري ايش
واكتشفت السبب انهم يقولو خلوهم يجلسو مع الحريم وكدا
طيب الصحابة كيف كانو قبل الاسلام ؟؟!!
عمر رضي الله عنه قبل الاسلام كان يصنع صنم من تمر ويعبده ولما يجوع ياكله
يعني بيمثلو كيف كانو الصحابة قبل الاسلام وكيف صارو بعدها ما اشوف فيها شي ابدا
وبالعكس انا استفدت من دا المسلسل اشياء كتيرة وعبر وحكم بنفس الوقت : )