أميرة الذوق ........................!
الغادة اللي لها فـ القلب موطن فريد
مُتسلطنه والحَشا وأعماقي بلادها
كنّ الشرايين حُرّاس وظلوعي عبيد
تأمر وتنهى على روحي وتقتادها
أميرة الذوق والرقّه وعَذْب القصيد
تهْدِي سنابل مودّتها لحَصّادها
تمدّ عذْب الغلا وتقول : هل من مزيد
غيمة حنانٍ روَت بالعطف وَرّادها
في قرْبها كنّ ما غيري عشيقٍ سعيد
وفي بُعْدها تشعل الايام وقّـادها
من كثـْر ما احبّها حَسّيت كنِّي وحيد
اللي طعَن قسْوة الأقدار واعْنادها
قالت : لك أيام ما امطر من قصيدك جديد
قلت : ابْشري .. والسحابه دنّ رعّادها
وشلون ما اكتب لنبْض الروح عذْب النشيد
وأنا ابتهــــج واحتفل في عيد ميلادها
اللي غلاها ملاني من وريد لـــ وريد
سيطر على مُهْجتي بالحُبّ واقتادها
للشاعر / بعيد الهقاوي ...
أتمنى تنال أعجابكم مع أعذب التحايا
|