الموضوع: دخيلك !!!!!!!!!!
عرض مشاركة واحدة
  #1  
قديم 10-07-2008, 10:30 PM
الصورة الرمزية الشاعر الأليم  
رقـم العضويــة: 675
تاريخ التسجيل: Sep 2008
المشـــاركـات: 991
نقـــاط الخبـرة: 10
افتراضي دخيلك !!!!!!!!!!


لاتعاتبني دخيلك انتهى وقت العتاب
دام ما للحب قيمه ويش له نعيد ونزيد

ودامك اللي للخطايا مشرع عشرين باب
العتب ما ظن يقدم لا ولا حتى يفيد

من هويتك وكني الظامي ويتبع له سراب
لا اقترب يمه تلاشى وابتعد عنه بعيد

حاير تاه بدروبك ولا نقل غير الصواب
كم نزفه الشوق لجلك وللأسف قلبك جليد

وكم تعثر به سؤالي ولا لقى منك جواب
غير جورك والتجني ما جنى شي جديد

اشهد ان الحب كافر واكثر ايامه عذاب
لا غدى منهو تحبه قاسي رايه عنيد

وعشرة فيها مذله يا عساها للذهاب
ليتها تفنى وتبقى عزة عيت تبيد

لجل لو حتى طرالي وصلكم قلت الغياب
ولا اعتزمت الا رحيلي والشديد

بتركك يا حب عيا ينجلي عنه الضباب
ايه نعم هذا قراري وانتهى قدرك اكيد

وكان قصدك في مجيك تفتح ابواب العتاب
أنصحك وفر كلامك لا تعيد ولا تزيد


ودمتم ,,
رد مع اقتباس