انا مالي معــك ذكـــــرى ولكـن داخلي كابـــوس

يصحي الليل بعيـون (ن) بكـت في يوم من شانـك

وكثر ما هو البخت مايل لعنت بحظي المنحوس

على انــه فيــك اوهمنــي وتوهمنــي بعـنوانـــك

ولكن هالـزمــن عبــره وحكمـة هالسنيـن دروس

وش اللي يمنــع اني مـا اتعلـــم كذبــة احزانــك

مادام ان الوفا طبعــي ومحلــه داخلي مغــروس

عسى تكسرني الفرقــا .. ولا صــدك وحرمانـــك

عيـوبك للأســف تفضــح بقايـا همـك المحبـوس

وضميـرك انعدم حتى جـذورك تقتــل اغصانـــك

انانــي حتى مع نفسـك وهمــك داخلـك ملبــوس

عليك اللــه علمنــي وش اللي فيـك ما خانــك ؟

ألا ليــت الكرامــة والمحبـه صمتهـا محســوس

لأوضـــح لـك عدالتهــا لجــل يختــل ميزانـــــك

وعلى فكـره ترى قبلــك يا ما انحنــت لي روس

واخــذ منــي الدليــل اللي يحطــم ذل نسيـانـــك

اذا كان الحكي يثبـت ويكـرم عــزة (ن) بنفــوس

فانا لـي عزة (ن) تســوى ابــوك وجـد جدانــك