وعليكم السلام واهلاً فيك ...~

؛

اكيد غريزة .. لأن ربنا خلق حوا من أدم ! وحرم الخلوه !
لأن الشب مستحيل يقاوم صبايا ئدامه إلا اد كان عنده مخافة رب كبيرة ومن جواه ~
وللأسف مضلش متلهم ؛ طا مع انه البنات بزودوها بس لو مين ما كانت ئدامه بيتصرف الشب بأصله ومخافته !
في مقولة بتحكي "الرجل لو ئد ما يكون مدايق ومخنوق اد بده يرتاح ينام ع الآرض (التراب) لأنه خُلق منها ؛ معناتن حوا حتى ترتاح وين راح تكون ؟

غير ان الشباب بشكل عام بحب اللعب والخطورة ؛ والصبايا (المرأة) هي اللعوبة الأكتر خطورة لهيك بحب الحديث معها ؛ والأغلب بحب الفتيات الدلعات والمايصات والبايخات ؛ عنجد لليوم ما بعرف ليش بتجه الشباب لهيك نوع من الفتيات ؛ حتى يكون زلمة يعني ؟؟ يا ريت حد يشارك ويجيب عن هدا التساؤل !! فش فيها غلط لو حد بيحكي ليش بفضل الفتيات الدلعات ؟

؛

بخصوص حديثك عن الشب انا ضده لأن كتير كتير في شباب ملان بنات راميات حالهم عليهم ؛ أمبين هالشب اللي ما بلاقي تعليق من صبايا بكون مش لعوب ولا لسانه بنقط عسل ومش جنتل مان او إله كرايزما .. يا حرام ! لأنه اد لهدرجة بهمه هالآمر معناتن يكون كداب وخراااط ودواونجي ليكسب هالتعليقات الفاضية لأن الحياة هيك بالعكس ؛ واد بتحكي لو كانت التعليقات كانت ضده ومسبات فَ بنظري بتكون أحلى وأجمل من الدلع والزناخه لأن الشخص اللي علّق حكى من جواه وبشخصيته وما كدب وضامن انه ما راح ينترك ~
اما بخصوص هالتعلقيات الحلوه تجاه الصبايا فَ بتكون ئد ما بئدروا هالشباب المعلقين تعلقياتهم حلوه وملانة مجاملات حتى ما يخسروا هالكائن اللطيف ع اساس فش إلا هي ~

شي تاني أي شخص سواء شب او صبية كتب موضوع ما لازم ينتظر الرد او ينتظر الشكر والسؤال عن احواله ؟! لازم يكون عنده ثقة بحاله وبحب حاله ومش حاجة كلام فارغ من اشخاص مش معروف شو أصلهم حتى يعدلوا المزاج ! إلا يعني اد كان هدا الشخص من النوع اللي كلمة بترفعه وكلمة بتنزله ؛ من اشخاص ف عالم وهمي سراب مش معروف مين الصادق ولا الكداب ~

ممكن تعليقي ما يعجب حد ويكون بزاوية التحيز للشاب وضد الجنس اللطيف ودلعهم وزناختهم .. بس انا ربنا ما خلقني حتى احاكم الناس .. لهيك هم حرين يعملوا شو ما بدهم خلق ربنا بروسهم عقل وبيعرفوا يميزوا بين الصح والغلط واد قصة دلعم ومايصاتهم وضحكم على الشباب بيسعدهم وبيرضهم هُم حرين بالتوفيق إللهم وإلى الأمام ؛ ونفس هالحكي للشباب ~

يعطيك الف عافيه على طرح الموضوع وبتمنى اقرأ رأي بعض الشباب والصبايا !
وبتمنى احوالك احلى حلاوه وعال العال وكتير من مواضيعك بالهقسم واشوف من افكار الأعضاء ومواضيعم بالهقسم ~