ويسعد صباحك اد الشمس منورة او القمر ساطع ~

اوه بتعرف ئديش بحب المواضيع اللي حضرتك بتطرحها ~

؛

أكيد الكل بوصل لمرحلة اليأس والأحباط .. بس كُله مجرد سحابة صيف بتعدّي !

واليأس والإحباط في منه إيجابية لأن بيخرج الوحش من جواك وأنتَ وشطارتك بالتحكم فيه .. يا أما بتصير بطّل يا أما تراب ~

بتوصل لمرحلة تحكي بعئلك (اوه انا مستحيل ائدر اعيش ) مع الوئت بتشوف حالك انك عشت وجربت نفس المصيبة ونفس الهم كمان مره .. فَ بلاش تستعجل لحالك الموت وانا مش مجهز نفسك لبعده للموت ~

"لاشيء" هه كيف اهدافنا ؛ احلامنا ؛ طموحتنا ؛ آمالنا بالناس لاشيء ؟

"نشعر بـ الملل الدائم يمر اليوم كـ الامس لا شيء جديد . !" هه محدش يحكي بأنه بِ ملل وزهئ .. احسن ما ربنا يبعتلك بلوى تخليك تتمنى تشم ريحته للزهئ !

غير انه حتى لو تحكي (كل يوم نفس اللي قبله ؛ ما اتغير شي) بس بعد فترة طويلة بتحس انه جد في تغيير .. فّ انساك من الكلمة اللي معلئة بلسانك لانك بتسمعها من غيرك .

الروتين حلو .. البساطة والهدوء حلوة .. عن نفسي بفضلّها عن كُل المغامرات والتهور لأن جد اتعبت من التهور والمغامرة والقلق والخوف اللي بصاحب هيك آمور .. آخ ليش أكبّر ~~

الكل عنده اهداف ع ئد ما يكدب ع حاله (لأ مفش) آمبلا ؛ بالزبط متل ما دكرت {العبادة} نياله اللي هدا هو هدفه .. الله يهدينا ~

استنى استنى {فضّي} "مساعدة الفقراء " ههه تا اساعد نفسي وآهلي و انشال من الفقر بفكر بفقر غيري ! انانية ~

"وعاش النووي 40 سنة فقط ولم يتزوج" نياله .. ترى الجيزه هاي الأيام هي بوابة المصايب والمشاكل والهموم وزيادة السيئات ~~

ما بهتم للأبطال اللي صاروا من ولا شي وكانوا افقر الناس واصحاب حظ سيء

انا مع الدنيا شو بتعلمني وكيف بتقرصني ؟ لان حياتي غير عن هالأبطال .. قرصاتي غيري عن قرصاتهم .. وجعي غير عن وجعهم !!

بالنسبة إلي بحب الإحباط من بعض الآمور اللي بتحدّث معي ؛ بساعدني اتحكم بنفسي أكتر ؛ أفكر و أوازن بالعقل .. اوعى واقوى من ئبل حتى لو مرات بخسر اشخاص .. ما بهتم المهم رضاي (رضا نفسيتي وشعورها بالمتعة) ع حساب الغير !!

عن هدفي وهو وحيد كَ صاحبته .. لأجله حطمّت كل شي .. تركت أعز وأغلى أشخاص عليّ .. بخرّت كل مشاعري .. لأنه يا سيدي العزيز الضمير بعد كل هالآمور ما بأُثر .. الضمير ما بخليك ما تعمل الآمر هو بس بخليك ما تستمتع بالآمر اللي عملته ! وانتَ اجاك الخيار يا بتعمله يا ما بتعمله .. ف اد عملته ما اضلك تحكي " اه ندمان ومتوجع" ما بأثر لأنه خلص عملته وانتهى .. انا هيك لأجل هدفي لانه اهم من اشخاص ومبادئ ومشاعر ~

بتمنى يكون للكل اهدافه لانها راح تكون سبب ئومتك من الفراش الصَبح !! لو يكون هدفك بنوتة او شب تتسلى فيه وتنبسط ؛ لو يكون هدفك فلم او مسلسل تشاهده ؛ واهم شي العبادة ~

كتير بتشكرك لطرحك للموضوع .. حلوه ان صراع مع الذات ببالك بتظهر فيه كل فترة
بتمنالك ايام حلوة وسعيدة وخالية من اي يأس واحباط ()