وعليكم السلام ...~

زمان عن موضوع نقاش بقسم النقاش ؛ عنجد واخيراً ~

موضوع كتير بخطر ببال الكل بس اول مره بينذكر بقسم النقاش وبهدا التوسع ؛ الف عافية ~

كانت مشكلتي الوحيده بالموضوع هي انه طويل لو اختصرتيه شوي !

وبخصوص فكرة أن الأطفال الصغار بشكل عام بيمتلوكوا هاتف ذكي انا ضده بشكل كبير إلا في بعض الحالات ولبعض الظروف اللي ما بتتجاوز ايام ! لأنهم بكونوا جُهال وما عندي الثقة ابداً بالعالم الحواليهم شو تأثيرهم ! وع خير لو يصير عندي اولاد تحت 15 لو يموت ما بحملّه جهاز هاتف ولو ئد ما بثق فيه ؛ بعرف بكون لسا جاهل وممكن ينضحك عليه ~

×

"هل جربت أن تشرح لوالديك ما هي المنتديات ؟؟ , هل تعتقد أنهم قد فهموا ؟؟ "

جربت بس لأ ما فهموا ؛ ما اهتموا للآمر ~

"هل شعروا بالفضول ليعرفوا المزيد و يشتركوا ؟؟؟ "

لأ ؛ مستحيل ~

"جربت أن تشرح ذلك لأخوتك الصغار ؟؟ هل فهموا ذلك ؟؟ "

أنا الصغيرة ^^ وحتى لو بحبش اشرح للصغار !

"هل تظن أن من واجبنا أن نعلمهم ؟؟ "

لأ ؛ ليش ؟ لأن المنتديات بنظري تسلية ومش هادفة وتضيع وقت ؛ وانا راضية بتضيع وقتي ؛ بس آهلي ضد تضيع وقتهم على شي ما بفيد بآخرتهم ؛ ومعندهومش البال والفضاوى لهيك قصص ~

اما اد بتقصدي التكنولجيا بشكل عام من هواتف وهكذا ؛ كمان آهلي يا دوب يعرفوا يتصلوا او يردوا ع الأتصال ومعنهومش الفضول ليعرفوا اكتر

"حتى نخفف عنهم شعور الغربة عن هذا الزمان ؟؟؟ ..... "

مش عارفة يعني بضلوا يحكوا انه (هدا خيال ومكناش متوقعين انهم يصنعوا هيك قصص ) بس زي ما حكيت آهلي ما فاضين لهيك قصص ؛ بيستمتعوا ع استمتاعي وبس ~

"أم أن لك رأياً أخر في هذا الموضوع ؟"

كل القصة ان كل واحد إله زمن وشو ما بيظهر بزمنه عليه يجاريه ؛ واد اصحيت ع زمن مش عارف راسك من اجريك .. بسيطة وما خربت الدنيا ؛ لو شوفت بحالك المقدرة لتجارية بكون حلو ؛ ولو شوفت صعب طنش وانساك ~

عنجد شكراً ع طرحك للموضوع ويا ريت دايماً لأن القسم صار زمبي واخيراً بموضوعك رجعتي إله الروح ~