السلام عليكم يا صاحبي .. كيف حالك ؟ كالعادة إلا ما تغيب وتجيب موضوع شيّق وواقعي !

؛

بخصوص مشهدك :~

عن نفسي للآن الحمد لله ما شوفت هيك مشهد ؛ لأن عنا الشعب الشباب اطلاقاً ما بيلاعبوا فتيات الحضانة اد ما كانش بينهم صلة دم . أحكيلي ليش ؟
اولاً الاغلب تربّا ع هاي القصة واد بده يلاعب ف بيلاعب اولاد الحضانة مش الفتيات !
الشباب عنّا باله مش فاضي ولا مزاجه ؛ 100 هم وهم فوق راسه ومش رايق ليلاعب بنات العالم
فتيات الحضانة اللي بتحكي عنها اكبر من اعمارهم كتير كتير ؛ ممكن يحكوا حكي يجاوز عُمرهم من كتر الفساد المنتشر حواليهم !
هاي كل الآمور بتخلّي الشب ما يلاعب فتيات العالم الصغيرات

عن نفسي انا ضد المشهد .. لأن يعني ما اظنش هالشب لهدرجة فافي وهبيلة حتى بحب الأولاد الصغار بشكل عام وهو مفش بينهم صلة دم او حتى معرفة كجيران ؛ إلا اد بيكون بدّه يزّبط الصبية اللي معها اد كانت اختها \ بنت صاحبتها هيك إشي ~


؛


بخصوص التجنب والتهمش :~

أنا شو بضّمني انه لما اتركها تلعب مع الاولاد ما تنصاب أشياء ؟ هي بضّل جاهلة ببعض الآمور ؛ وممكن انهم يطبقوا امور بشاهدوها في التلفزيون ؟ الحرص واجب ! يعني لا سمح تعمل متل الأولاد واضّل هيك ؛ او ممكن تتعقد لأن بعض الأشياء انصابت !!

ليش ما تلعب مع بنات زيها زيهم ؟ ليش ما تلعب مع اخوتها ؟ ليش ما تلعب مع اشخاص إلهم قرابة رحم ؟ هيك أضمن !

وكيف راح يكون تجنب وتهميش اد في اشياء تانية راح تعوضها عن هدول الأولاد ؟


؛

تركها وإرسالها للغرباء :~

أكيد أكيد مش معه .. من مره ما الواحد يتركها بين اشخاص قلب الواحد متوسوس منهم ؛ومتل ما حكيت الفقرات السباقة ~


؛

السلام باليد :~

أنا ضده ؛ بحبش تمد إيدها لحد إلا فيه قرابة صلة الرحم فقط ~

؛

بشكل عام ومساحة حُره :~


عن نفسي أنا بكره الأولاد الصغار سواء ذكور وإناث ؛ بئدرش اتحمل تواجدهم بنفس المكان اللي متواجدة فيه ؛ لانهم مزعجين ومايصين ودلعين ؛ كل شي بدهم إياه ؛ بغلبّوا اهلهم ؛ فاسدين من الاشياء اللي بشاهدوها في التلفزيون ووين مكان !
لهيك كل الآمور بترجع للتربية والتعويد ؛ بشكل عام موضوعك اهم صفة لازم تتواجد في الاهل هو التربية الصح وتعويد اولادهم ع النظام والاحترام ومش كل شي إلهم ولازم يحصلوا عليه !
وهدا هو للأسف متواجد بين كل فتيات قليل جداً تلاقي حد عنده اولاد صغار ويكونوا خالين من هاي الصفات ؛ وهدا شيء سيء وبغضبني !

بتمنى فقط الأهل يراعوا هاي الآمور ؛ ينتبهوا ع اولادهم وبناتهم ليحدث آمر سيء يندموا عليه ويخرب بيت بناتهم !
وبتمنى يراقبوا اولادهم بشكل عام بطرق ما تأثر على اولادهم .. لان عنجد وين مكان فساد وبأثر على عقل الطفل الصغير وممكن اضل راسخة بعقله !
ما يخافوا الاهل اد بحسوا انه ممكن شدوا ع اولادهم ؛ بالعكس لان الطفل الصغير بيرسخ الإشي فيه لازم تشدوا لان مع الزمن راح ترتحوا من قصصهم !
وأبنك وبنتك على ما ربيته

بشكرك ع طرح الموضوع ؛ وبتمنالك رمضان كريم وصيام مقبول ؛ بالتوفيق يا صاحبي ()