رد: وَ مَضيتُ وَحْدي فِي الطَريق. قدْ جِئتُ أبْحث عَن رَفيقْ ضَاعَ مِني مِن سِنينْ.. قَد ضاع في هذا الطريق ..َ
# معنى_العيــــد ..،
السلام عليكم ورحمة الله وبركاته يا متابعيني الأعزاء ,,
شسمه ذا ..
صارت لي سالفة خطيــرة جداً .. ف جهزوا إستكانة شاي والسجارة و أسمعوا ..
يوم الأحد كان عندنا إختبارين انجلش +أحياء ..
طبعاً انا في الويكند ذاكرت الأحياء مذاكرة قوية .. والانجلش تصفحته وع السريع ذاكرته ..
جا يوم الأحد 
الأحياء جاب الأسئلة سهلة جداً وحليتهم والأمور طيبة ..
ولكن الانجلش صارت لي نكبة عظيمة  ..
شوفوا شصار ..
يوم خلصنا اختبار الإنجلش وجا البريك (الفســحة )
انا - وأعوذ بالله من كلمة أنا - ولله الحمد معروف في المدرسة اني خطير في الإنجلش ..
ف جا واحد من كلاس ثاني وقالي كيف إختبار الانجلش ؟.. وعطني الأسئلة وأكتب الأجوبة على ورقة ..
ف أنا أحب أسم إني أحب الخير للناس .. فأخذت ورقة .. وكتبت له السؤال الأول الإختيارات كذا وكذا .. والسؤال الثانية كذا .. والسؤال الثالث ...
كتبت له الأجوبة كلهم على ورقة  وأهو خذهم ومشى ..
طيب خلص البريك الأول (الفســحة الأولى ) ..
بعد ثلاث حصص بدأ البريك الثاني (الفسـحة الثانية) ..
ولا أشوف واحد من كلاس ثاني (غير كلاس الشحص الي جاني ) يقولي :
ترى خطك دماار بالأنجلش .. انا صار وجهي 
قلت له وش جيب الورقة عندك  ؟؟
قالي الفصل الثاني أختبروا و خلصوا منها وجابوها عندنا ..
انا استغربت واستانست لان الورقة معتمدين عليها وواثقين فيني ..
ولكن النكبة الي صارت .. ان اليوم الإنجلش قال الدرجات ..
وطلعت انا ناقص درجتين  ..
ولكن في فقرة كنت أدري اني غلطان فيها - ويوم أكتب الأجوبة للشخص ذاك عدلته له - ..
والفقرة الثانية مادريت اني غلطان فيها ..
(والورقة الي وصلت للكلاسين فيها غلط يعني  )
وبكرة كلهم متأملين بيجبون 10 .. وراح يتحطمون بسببي لأسف 
أنبني ضميري وربي .. وأنقهرت أنهم وثقوا فيني وجبت العيد فيهم ..
الله يستر بكرة شبيسون لسمعوا درجاتهم ..
^
الزبدة شتتوقعون يصير بكرة ؟
يتقبلون الموضوع بشكل عادي .. ولا بيصير وجهي ملون ..،
التعديل الأخير تم بواسطة d.snake ; 11-11-2014 الساعة 02:04 PM
|