رد: هل الحب أعمى؟؟؟
السلام عليكم ..~
غريبة محدش معلّق ؟؟ هل لان الكل مؤمن بأن الحب اعمى او انه فش حب من اصله ~~
؛
قصة حب ربنا ورسوله عليه الصلاة والسلام مفش فيها حكي .. أكيد بنحب ربنا ورسولنا !!
؛
نفكفك الجملة : حب + اعمى
هل انا مؤمنة بالحب بشكل عام وبالزاوية الكبيرة ! فا نعم ! لان في اشخاص بحياتي بحبهم حب اقتل حالي لأجلهم (صلة دم )! في اشياء جمادات بحبهم ! احاسيس وتصرفات بجبها ! حيوانات .. الخ !
اما بخصوص الزاوية اللي انت بتحكي عنها " الحب بين الجنسين " هدا إشي بخصني ^^
؛
اعمى :~
صاحبي كلمة اعمى يعني اشوف الغلط واعمل حالي مش شايفته او هو من كتر ما انهوست ووقعت بالحب مش شايف اشي !
طب هدا يعني ان الحب بمرضني ؟ ان الحب بخليني بدون عئل ! كيف نسميه حب وهو سلبي بآموره تجاهي !
قصة الشهوات دليل ع ان الشخص ما بحب الطرف التاني هو بتمتع من الطرف التاني بتلبية شهواته يعني " ان الشخص بحب شهواته وبده يرضيها والطرف التاني هو برضيها معناتن شو ؟ الشخص بحب نفسه مش الطرف التاني !
؛
انا اللي شايفته بوقتنا هدا ؛ الحب هو مصلحة ! محدش معه مصاري ليصرف عحاله فا بيدخل بعلاقة حب مع شخص حتى يكون البنك تبعه ؛ بده شخص يكون موضوع حديث ويخلي إله ئيمة عند معارفه فا بيتعرف ع حد ولازم يكون حلو حتى يرتفع مستواه !
الشخص بغير من نفسه ليرضى الطرف التاني !! طب مهو عرفك زي ما انت ليش بدك تغير حالك ؟ معناتن بلش يزهئك ! كيف زهئك وهو بحبك ؟
تحطيم مبادئ والتضحية بكل شي ! لان بحب فلان وهو بدوش اعمل هيك ولا هيك ف خلص بدّي ارد عليه لان بحبه ... بالله !!!
غير انه اد انفصلوا بعد الانفصال مفش اشي الا بفصحه ع شريكه ههه
كل هالأشياء بدّل انه مفش حب إلا بالافلام والمسلسلات اللي بنشوفها ؛ اد نفسهم صاروا يحاولوا يكونوا واقعين !
؛
لما اشوف شخصين وئت ما يتقاتلوا مع بعض اسمع كل واحد بحكي " الله يسامحه ويهديه غلط والكل بغلط لشو اكرهه " ساعتها بأمن بالحب !
مش اسمع االاول بحكي كل مره هيك
والتاني بلش يكرهه ويلغط عليه ويحكي شو سلبياته ولا سأل !
وكالعادة واحد بمشي بطريئه والتاني وائف مكانه ع الاطلال لان في الاغلب هيك بكون !
؛
ف نعم الحب اعمى عند المؤمنين فبه والله يعينهم !
والحب مصلحة والله يهديهم !
ومفش حب عند البعض ف يا رب يصبر قلوبهم !
؛
شكراً عطرح الموضوع ()
|