كسرت سنك يا قلم
وحرمتنى من الكتابه
رميتنى فى ركن السواد
آدمنت الكآبــه
جردتنى من الإحساس
تايهه بين الناس
ليه رسمتلي وردة وقلب
ليه عيشتني إحساس الحب ؟؟
ليه كتبت مشاعرى
وساعدت
يكبر جوايا حبي
و لـ ايدى هجرت
ليه يا قلم
وصفت ورسمت بحر وشراع
وعليه اسمي واسمه كتبت
ونسيت يوم الوداع!!
ليه جملت الدنيا
بلونها الوردي
ليه كنت عارف ومخبي
انه جاى اليوم لقلبي
العذاب والهجر !
ليه يا قلم محاولتش تهرب
لا تقرب من عقلي
ولا افكاره تكتب
عايشه معانى بأمانى وردية
حسستنى معاه بكل حنية
بحلم اتمنيته وانت كتبت !!
وفجأه كسرت سنك وبعدت
عذبتني
توهتني
هربت وسيبتني
خلاص
لا فى خواطر تاني
ولا كلام من وجداني
ده قلمي خلاص رماني
لا هيكتب كلمة ولا حرف
ولا قلب هيحب تانى
خلاص يا قلمي ارتاح
حياتي آصبحت جراح
لا احساس ولا قلم يكتب
حتى لو بالكدب
وانكسر قلمي
ومعاه
انكسرت
ليه يا قلم
عيشتنى معاك
حلم الحب
ليه يا قلم
نسيت
عذاب القلب
ليه يا قلم ؟؟
بقلمي
ملك الاحزان