السلام عليكم ..

ايش ولا .. بدكش تقصّر من مواضيعك ؟ وعفكره كل مواضيع نفس الحكي .. نصيحه روح افتحلك مدونه وضلك احكي عا كيفك .

قرأته عالسريع .. اشي انقرأ معي وإشي لأ .. بس انا فكرت بتحكي عن المخنثين .. او احكي الشباب اللي بيتصرفوا زي البنات من حركات ولبس .. عنا بسموه الفافي وبمصر الفرفور بس بعرفش بدول تانيه شو بسموه .

غير انك اخدت جانب واحد انثوي .. يعني انا عندي كم جانب انثوي بحبه بالشباب منها بالشكل :~

الشعر الطويل الناعم .. السنسال الدهب .. بلايز كبه 7 .. يحلق مناطق من جسمه خاصه اد بده يسبح بحبش الشعر عا صدره .. ويحط لوشن عا ايديه وتمه ..

نيجي للأسأله :~

1- عادة البنت تطيع الرجل لأنها ......... "تحترمه - تحبه - تامن شره - هكذا وحسب"

استنى استنى !! مين حكي اطيع ؟ ممكن بالمستقبل لما الوحده تتجوز اطيع جوزها لاجل الحسنات فقط ..

احترمه ؟ قليل اللي بحترمهم وما بطيعهم حتى لو بحترمهم

احبه ؟ بعيد عن اهلي ما حبيت الا واحد الله يهديه ويسعده ومع هيك ما بطيعه يمكن لهيك بضيع وقت .

أمن شره ؟ ما بقطع الراس الا اللي ركبها

فش هكذا.. البنت بتفكر مليون مره وبتحسب حساب كل تصرف حتى وهي باضعف وقت .

انا بشكل عام ما بطيع حد الا امي .. واد مرات وافقت عا حد بكون بدي امشيه عشانه حمار

||

2- اسوأ شئ قد تتعرض له البنت من الرجل هو

بشكل عام قصدك ؟ ياخد شرفها !

بشكل خاص وعندي اسوأ اشي عندي بين كل الرجال اللي بعرفهم هو الكزب .

||

3- اسوأ شئ قد يتعرض له الرجل من البنت هو

تكسره باي وسيله من خيانه للي بيعترف فيها او تطلع سره ..فا الله يسعدكم لا توقعوا الشباب وتتركوهم .
تكشف انك بتخونها .. والله لتنكد عليك حياتك واد التانيه عرفت انت بتروح من الجهتين .. فا الله يسعدكم اتمعشك بدون ما واحده تعرف عن التانيه .

||

4- بماذا تنصح رجل لا يشعر بالرضا عن شكل زوجته ويتحصر عند رؤية البنات الاخرى وزوجات الاخرين ؟

اد مش مخلف طلقها وروح اتجوز واحده عالمقص .. بس حط ببالك انت تكون قد القيمه مش ابو كرش .. وغير انه تكون عارف لو اخدت اللي بدك اياها بتثبت معاها ولا دق المي وهي مي ؟
اما اد كنت مخلف فا الحلاوه بالسوق وعالنت .. وانت اتفرج وبتقدر تنول بس بالحرام .

||

5- قد تصبر بنت على رجل مشلول احبته او حتى لم تحبه مدى الحياة .. في حين ان الرجل يستثقل البنت المريضة وبالكاد يتحملها اشهر وكانه يختنق .. ما تفسيرك للامر ؟!

مين حكي ؟ مش بحكيلك انت بتحكي هبل .
انت جاي تحكيلي انو واحده عاديه ما حبت الا احد مشلول ؟ اكيد هاي بكون عندها ظروف وماده اديها عا قد الحافها .. لهيك اخدت المشلول .. الله يعافي الجميع يا رب
هلكيت انت بتعرف شو مبدأ الجيزه والشلل من الامور اللي بتعوق الجيزه .. فا انا بحكيلك ما بصبر واحد عالتاني الا الظروف .. الا انه فش بيت غير اللي عايش فيه .. لهيك بخليه صابر .. مهو ما بدلك عا المر الا اللي امر منه .

||


6- هل تشعر بأن للرجل جانب انثوي مدفون ؟ او رايك بالامر ؟

لأ .. سبب حبي لصداقه الرجال هو جانبهم الخشن .. هو فش مياعه وعياط ودلع .. هو امان .. هو حيط بقدر اركي عليه .. هو بير بيطلعش سري .. واهم اشي فش غيره مني .. يعني اتخيل اكون ماشي مع حد من اصحابي وتجيني تعليقه من حد بسواش البزكه .. وصاحبي ما يحكيش اشي ؟ لأ يا عمي بدي طوشه وشوارع بالوجه ودم .. مش بدي كلمه شعب متخلف !

لما اوقع باكبر مصيبه وبلحظه ضعف وبكون بدي حد يخبطني كفين وهما اصحابي الرجال مش اصحابي البنات .. ما بصبروني بكلمتين لأ .. عندهم اساليب بتخلني افكر بزاويا مختلفه
فا الحمد لله الرجال اللي مرو بجياتي كانوا نعم الرجال .. الله يساهل عليهم ويوفقهم .. طبعا عالواقع والاهل بيعرفوا بعض وعشره فوق 10 سنين .

اد في هدول الفافي والفرفور بكونوا تقليد بس .. فش شب فافي .. انت بس بتضحك عا حالك .. او بدك تكون مميز واطلعتلي بقصة تكون انثوي .. واد بتفكر انك بسكوتك ولطافتك وتقلك بتجذب البنات بتكون يا روح امك بمرحله الانفصام عن حالك وبتخسر حالك قبل ما تخسّر البنات بكزبك ونفاقق .. بتخسر اللي بتحبها لانها راح تدعس عليك وتحكي مع 10 غيرك وانت رضيان يا حمار .


ومع هيك حلو التفاهم وشكرا .