"ضرر الشرع ممَّن ينصره لا بطريقه أكبر من ضرره ممّن يطعن فيه بطريقه"
كلام لازم يفهمونه متخلفين كثير الاقيهم بكل مكان .. اولهم واكبرهم الدواعش وانا اقصد البيادق المعمّاه الي يبغون يموتون ويروحون الجنة .. اما الرؤوس الكبيرة فهم صنع امريكي ايراني قذر خططهم واضحه وقاعدة تتضح اكثر
والي يقهرني بعد الي عرفون انجليزي وادخلين على كل مقطع انجليزي يسبون براعي المقطع "ذا يشوه الاسلام وذا يشوه الاسلام" ويكون المقطع ماله دخل فيهم وراعيه ما طق لهم خبر
وشغالين سب بالناس وبراعي المقطع باسم الاسلام .. وهم اصلا قاعدين يشبعون رغباتهم ولو همهم الاسلام صدق ما دافعوا عنه بذي الطريقة
حتى ان بعض الغرب صاروا يطقطقون على ذي النوعية ويروحون عند مقاطع مالها دخل ويقولون هذا يسيء للاسلام .. دليل انهم يحسبون عموم المسلمين عندهم ذا التفكير!
واكثر فئة تقهرني اشوفها كثير بالفيسبوك -زمان- واشوفهم الى الآن في مواقع التواصل .. يحط لك قرآن ويقولك كم لايك تستحق الصورة؟ وكأن قيمة القرآن محصورة بعدد اللايكات .. والي يحط واحد مريض ويقول حط لايك وقول الحمدلله .. والاوصخ يستغل اوضاع المسلمين لكسب تعاطف الناس ويحط صور اطفال مقتّلين في سوريا او فلسطين ويطلب لايكات
واذكر ايام الفيسبوك بعضهم يحط من هذي الصور ويقول اللهم دمر جهاز كل من شاف الصورة وما وضع لايك وقال الحمدلله .. انا هنا لازم اخذ لتر ابر مهدئة , يفجرون المرارة! والي استغرب منه كثيرين كثيرين يعطونهم لايكات!!
اختتم بهذا المثل
"عدو عاقل خير من صديق جاهل"