السلام عليكم..

واال لحكتوا.. لسا ما جاوبت عالنقاش الأول..

تبا

،

السلام عليكم من جديد، بعرفش كيف الوقت بيأخد الواحد وبنشغل عن الموضوع؟ خلينا أمشي بالحديث.

في البداية نوع الكذب اللي بتتحدثي عنه احنا بنحكي عنه "الخرّاط والهشّات" هو كدب خيال، كا قصة.
معنديش أيّ مشكلة مع هيك أشخاص كمثال : واحد كان يسوق بالصحرا وخلّص البنزين بالسيارة فا شو الحل اللي طِلع معه؟ أنه لقى أرنب واخد حليب الأرنب وحطّه بدّل البنزين بالسيارة والسيارة اشتغلت معه.. وهي قصّة حدّ من الخراطيّن اللي حكاها قدّامي.. فا في 3 ردود افعال :
فعلّي الأول وكتير بستخدمه مع هيك أشخاص هو الضحك، بتكون عبارة عن نكتة بالنسبة إلي، ما بتكون كدّبة بالنسبة إلي.
الفعل التاني بحب أشوفه من والدي وهو بمشي معه بالخرط، وبعمل نفسه أنه مصدّقه عالآخر.
الفعل التالت وهو بستخدمه مع الأشخاص الخراطيّن اللي بكرهم، وهي جواب منّي " واال خرّيط عينك عينك، شو شايف عا جبيني نقطة حمرا"

؛

أما الكدب المعروف ما بهمني او بأثر عليا كدب الأشخاص الغرباء، ما بهمني دوافعهم، او انواع كدبهم، لأنهم غرباء.
أما بخصوص الأصدقاء والأهل والأحبه، فا عندي الكدب هو رقم واحد بالأمور اللي بحاسب عليها وبتركهم لأجلها لو شو ما كانت علاقتنا، او اد ارجعت واتعاملت معهم داخلياً بكونش طايكهم.
بس أكيد الخرط ما بحسبّه لأن ما بعتبره كدب، بعرفش كيف بعرف الفرق بين النوعين!

؛

اغلب أسألتك كانت عباره عن أجوبة، فا راح اختار المناسب منها.

✓ _صدقاا هل كذبت مرة وخرجت من مأزق ما؟ وان حصل معك الامر؟ هل ندمت ام كررت الامر؟! ان كان غير مؤذي لشخص مثلا اوسبب سعادة لشخص اخر غالي عليك "كــ ابويك مثلا".
اكيد وانا صغيره وحتي بداية مرحلة المراهقة وكان الكدب عا اهلي، لدرجة كدبي عمل مشاكل وخسرّني أهلي وثقتهم فيا، كان كلامي ما يعتبروه انه انحكى.
اندمت؟ ما اظنش لان هاي المشاكل اللي صارت بيني وبين اهلي بسبب الكدب ، خلتني اتعب عا حالي لفترة طويله حتى ارّجع علاقتي معهم، ورجعت علاقتي معهم احسن من أول وضلت الحمد لله، فا لأ لانها سبب لعلاقة ممتاز مع اهلي ولأنها بداية تكوين مير اللي بتكره الكدب وبدها الصدق بس.

؛


✓ _ لنشرح هذا الموقف !" صديق غالي عليكـــــ وقع في مشكلة!! وانت بيدكــ اخراجه من تلك المشكلة! شريطه ان تكذب لانقاذه!!" ماذا ستفعل؟!!

بشكل عام اصدقائي الغالين بيعرفوا مير انو وجهها كتاب مفتوح فا مستحيل ابدا يحطوني بهيك موقف لان بدّل ما انقذهم وجهي راح يفضحني ويفضحهم، حتى لو اعطوني كدبة جاهزه وحكولي احكيها لفلان! فا ما اظنش انحطيت بهدا الموقف.
بس لو كان عندي معرفه بسر من اسرارهم وحد حكالي بتعرفي سره؟ بكون جوابي لأ واظن هدا كدب.
وانا معeror بأنه عنجد لو شو ما كانت مبادئنا، وقت الجد ولما نكون بموقف بنعرفش بالزبط شو ممكن يصير وشو بتكون ردة فعلنا.

وشكراً.