اووه واخيرا! من فتره بدخل المنتدى وانا استنى بالموضوع! عم بكتب بالرد ، ويمكن لأ برجعله.. بس اكيد رجعتله.
،
السلام عليكم.
طيب من وين اجى اسم النرجس؟ بأنه بعد ما مات طلع مكانه زهره النرجس حسب ما انا متزكره ، هلكيت زهره النرجس بعد بحثي زمان عن قصصها وانا مش متأكده منها وهي بان الرسول عليه الصلاه والسلام استفرغ ومكان ما استفرغ طلع مكانه زهره النرجس، شو بتتميز زهره النرجس؟ بانها إلها رائحه رائعه ومن اجمل روائح الورود ، فا يمكن انها استفراغ الرسول، انا بعشق زهره النرجس لاسباب شخصيه وهي لانه الوالد والوالده الله يطول بعمرهم دايما كانوا يحطوا بغرفتي مزهريه فيها زهر نرجس لحبهم للورد.
نيجي للأسئله وكالعاده كل واحد حر برأيه.
اخ تبا منسختش الأسئله وانا بكتب من البلفون، احفظ اللي كتبته وبرجع
بسم الله :
✓ _ هل انت شخص نرجسي؟!
أجل انا بالعاده شخصية نرجسية بحت باستثناء اهلي بحبهم اكتر مني، وهاي مشكله شوي مع علاقتي بالشب اللي بحبه وهو مرات بفضل حالي عليه وهات عاد.
،
✓ _ تحب ان ينبهر الاخرون بكل ماتقدم ؟!
لأ، بشكل عام بهتمش بالآخرون وبأثروش عليا، فا بهمنيش اللي بعمله يعجبهم ولا عُمره ان شاء الله عاجبهم، حتى اهلي باستثناء امي وابوي، بمعنى اخوتي لا اهتم ببعض الامور اللي بتخصني وبتأثرش عليهم فا لا اهتم ابدا.
،
✓ _ هل تتقبل النقد على شخصيتكــــ؟!
هلكيت بحب النقد من امي وحبي، غيرهم بيدخل من ذان وبيطلع من ذان، صعب حد يقنعني، ومحدش بيعرف شو صاير معي حتى يكعدوا يتفلسفوا، فا فقط بمشي معهم بانتقادهم لكن بس ينكلعوا كلامهم بيتبخر معاهم .
فا لأ لا اقبل النقد ايجابي او سلبي لانو بهمونيش وبأثرش عليا.
،
✓ _تعشق ذاتكــــ ولاتبخل عنها بشي؟!
نعم اعشق ذاتي وخاصة بامور الترفيه، وخاصة باوقات مرت عليا سيئه وبدي اكافئ نفسي بنفسي فا لازم اعمل اشي لنفسي لارضيها وبستناش حدا لان محدش جاي.
،
✓ _عندكـــــ ثقه عالية بنفسكـــــ لايهزها شيء مهما كان؟!
الحمد لله عندي ثقة لكن الا ما يجي يوم مش بس تنهز، لأ، يلتعن اساسي واساسها، في ايام بكونش عندي ثقة بنفسي من مره.
،
✓ _هل تفرط بلاعتناء بمظهركــــــ الخارجي؟!
أجل عالاخر ولا اقصد ملابس وهبل، لا اهتم بالملابس اد كانوا ماركات او يلبق عا بعض، اقصد كريمات وعطور، أشياء تخليني جميله طبيعيه وتريح جسمي ووجهي من الارهاق من العمل او الهموم وقلة النوم وهكذا، فا اهتم بمظهري لاكون جميله اول ما استيقظ وليس بمكياج، وبصراحة بدفع بلاوي عا هيك قصص . ومع هيك في ايام لازم اهتم بملابسي ومكياجي خاصة اد في مخططات براسي لايقاع حد.
،
✓ _ هل من صفاتكــــــ حب الظهور ولفت الأنظار ومركز انتباه الجميع.؟
لأ انا بحبش لفت الانتباه ولا الظهور، بحب امشي الحيط الحيط واحكي يا رب الستر، بس مرات شو اعمل اد بلفت الانتباه بدون قصد؟ فش حل، لان الناس بتطلع، ومرات خلينا نحكي مشاهده ممتعه الله يكلع عينكم.
،
✓ _ هل تعشق النجاح والسلطة، ؟!
النجاح دايما مش طموحي، لان النجاح بده تعب وحظ، وانا بتعب وبتعب وبتوصل اللقمه للتم وبيجي حضرت الحظ بيأخدها، بس السلطة اعشقها، ومع اني الصغيره بس عشت كتير من حياتي بتحكم بالبيت لما امي تسافر وكنت احب اتحكم فا اعشق السلطه وابوي الله يطول بعمره كان يفتحلي المجال.
،
✓ _هل تفتقر الى شعور التعاطف مع الاخرين؟!
افتقر؟ ههههه! الفقر عندي هو "فش مصاري يا روح امك، طفرانه والجيبه مخزوئه ومش بس عالحديده! الحديده للبيع طا "
انا بصراحة بكل صراحة، حبيبتي الصراحة لا اهتم بأحد واتعاطف بأحد باستثناء الاهل ومرات بدخلش اشي لجواي حتى لو عالاهل لان بحب نفسي وصحتي وبديش انجلط وامرض ، محدا لحدا يا حبيبي، بس انا بتوقفش عن سؤال الاصدقاء عن الأحوال واكون معاهم باصعب مواقفهم بس بدخلش اشي لجواي.
،
✓ _لماذا ينجذب النااس الى الشخصية " النرجسية"؟
مين حكى؟ انا نرجسية ومحدش منجذب إلي، وعندي صديقه ايضا اطكع مني بالنرجسية لسا هديك عالاخر محدش منجذب إلها.
الناس بشكل عام صارت تبحث عا اشياء تخليها مميزه فا صارت نص الناس تحكي عن حالها نرجسيه مشان تكون مميزه بس وهما بالاصل بعروفش ايش يعني نرجسيه، او هما ضعاف شخصية مهابيل كل شوي بمديل.
هلكيت اشي لازم ينعرف وهو النرجسية مش الانانيه اللي بتحكوا عنها، الاناني بده كل شي اله، النرجسي بهموش كل شي، بهمه حاله بس وبيطلعش عا شغله غيره لانه بهموش غيره او انه يكون احسن من غيره، بالاصل النرجسي مش شايف حدا من اصله، بس شايف نفسه.
وبعدين شو النرجسي دلع؟ ومايع؟ حرام عليكم لعنتوا للنرجسي.
وشكرا وموضوع جدا حلو بس اتأخرتوا هاي المره وانا اجيت عالموعد، ومجرد طرح فكره وهي غيروا الفواصل يا عالم. وشكرا.