السلام عليكم من جديد .. تبا اتأخرت عالاخر ~

يلا بسم الله ..~

✓_ هل تتقبل النصيحة من اي شخص كان؟!

لأ كحياه وواقعي حتى من الاصحاب والمعارف اطلاقا ما بقبل النصيحه .
ك شغلات ترفيه وشغلات مرور الكرام كا فلم ولعبه اه .

؛

✓_ بنظرك هل كل النااس مؤهلون لتقديم النصح للاخرين؟!

لأ , بحياتي كلها ما شوفت الا كم شخص نصائحهم مفيده وواقعيه من تجاربهم , اما الباقي حكي فاضي محدش مجرب اشي ..~

؛

✓_ هل استغللت صديق في حاله ضعفه وقمت بجرحة جروح موجعة بحجة النصح؟!

اللي بكصدني بنصيحه اكيد بساعده , بتركه يغرق مره ومرتين وخمسه وانا اشوفه من بعيد , بعدها اد شوفته لسا بغرق , ساعتها اه بلعن اساسه وبحمله وبخبطه في الحيط انو خلص عاد اصحى , بكفي دلع .
وعملتها مش استغلال ولا بحجه النصح ,, زي ما حكيت لما هو يطلب النصيحه وانا بعزه ف اكيد بكطع راسه كمان .

؛

✓_ هناك نصائح خاطئة تودي الى تأزم الامور بدل اصلاحها ؟!! كيف يحصل ذلك؟!

زي بكتير شغلات انا بعملها مع اصحاب قراب عليا عالعظم , بنصحهم بامور لكن عالجانب العاطل , وبحلظه هم ما بيطلبوها , هم طرحوا الموضوع وانا بشارك برأي وحل للمشكله لكن الحل اشي عاطل يعملوه وبلاكوا النتائج اللي تعجبهم بس بطريق مش شريف .

؛

✓_هل سبق لك ان طلبت نصيحة من احد فخذلك؟!
بافلام يالله شو انخذلت , بحياتي لأ , لان بحياتي بطلبش نصايح , عندي كم شخص طريقه نصحهم عباره عن مجريات حياتهم وتجاربهم وخلال حديثهم بلقط النصايح .
؛

✓_تكلم عن جانب ايجاابي للنصح وجانب سلبي أخر؟!

هممم سلبي انو يتدخل بحياه الناس ويتتفلسف وهو بكون مش داري راسه من اجريه وبصراحه النصح كله عبعضه سلبي عندي ,مفش ايجابيه منه , الناس بتنصح بطريقه غلط تا خلت الكل يكره النصح .

؛

✓_ بالنسبه للوالدان والاخوة الاكبر ونصائحهم هناكـــــ من يجول في ذهنه ان نصح اهله له هي محاولة لفرض سيطرتهم على الابناء وتسسير حياتهم كمايريدون؟! مارأيك بهذه الافكار؟ :\

في منه , بس لازم نحط ببالنا ان الاهل عندهم تجارب الحياه لهيك عندهم خبره , وبنفس الوكت انو كل زمن مختلف عن التاني , فا اشي صعب بصراحه لما نفكر كيف راح نربي اولادنا , مين اللي معه حك ومين اللي مظلوم , الله يعين .~

؛

✓_"لايلدغ المسلم من جحر الافعى مرتين" نصيحة هل قمت بعمل خاطيء وتأذيت منه ولكنك لم تجد نااصحاا او بلاحرى انت ذاتك لاتتقبل نصح الاخرين !!! فوقعت بمشكلة اخرى بنفس المنوال ؟!!

اه , انا اغلب حياتي مشاكل ومصايب , مرات اخطائي , مرات نصيب ان الابواب مسكره بوجهي , مرات مفش الا الناس الحرام اللي حواليا , ما اله النصح دخل بالحفر اللي بوقع فيها , بس بشكل عام الواحد لازم يكون عنده كم مبدئ بريّح راسه حتى لو وقع بالحفر كتير .
وغير انه يعني مستحيل الواحد يغلط غلط واحد ويضل عليه .

؛

✓_هل هناك اشخااص يستغلون الاخرين بحجة النصيحة ليعرفوا اسرارهم ومن ثم يبتزوهم بها؟!!

اظن وبهمنيش .

؛

✓_هناكــ من تكون لديه مشاكل جمـــا ولكنه يخجل من طلب نصح أحد !! لاسباب انه لايثق باحد او قدتكون لدية تجربه مريرة من الاخرين!! فمارأيك الى اين عليه ان يتوجه هذا الشخص ؟!!


مش خجل اطلاقا ما اله دخل باالخجل , اكيد الثقه واكيد من تجارب و كمان يا عالم اللي لازم نفهمه انو محدش بضل عحاله وانو اد اغلطت الافضل تحتفظ بغلطك اد كنت من النوع الحساس والخويف , ليش يا حزرك ؟ لان غلطك بضله ببال الشخص اللي حكتله اياه , الزمن بمشي وانت بتتغير من جاهل لشخص فهمان اكتر , بس بضل ببال الشخص موكفك وانو شو كنت وانك عسبيل المثال ضعيف , بضل بباله انك ضعيف انت بس اجتك مرحله وراحت , راحت ..~
بدك تحكي غلطك احكيه لشخص 100% عارفه , احكيه واعرف انو ما راح يأثر عليك هدا الموكف بالزمن اد انفتح ..~

وبس .. شكرا كتير عالموضوع .. واكيد ما بفوت موضوع نقاش حتي لو متأخره ~