هواني عايشلك لان دمي الاعز مابالجسد بس انت تعرف حالته
ومن مايحس ابلمستك يخلص وتبقه وشالته
تذكر جنت من تعتنيلي بلهفتك مشتاك حته اتشوفني
وتلكاني روحي مشككه ولمسات اديك اتروفني
تتركني هسه قررت!!
ينطيك كلبك ننتهي وبس بالاحلام اتشوفني
تتركني هيج بلا ذنب بررلي حته لو جذب
مليت كلني كمت امل شيحمله ليلي بوحدتي ماينحمل
بُعدك تره وجذبت كتلك ينحمل
كتلك لمن تمشي تره تتركني وحدي جن طفل

تايه وكل اهله مشوا عايش يتاني الماأجوا
كلشي اليمر ايفززه حته الشماته اتفززه
من يمشي ويهب الهوا يلتفت حسباله حجوا
لكن لمن يتذكرك حته الشماته المابجوا من شافوا ادموعه بجوا
هيج انيه من عني رحت ماتسكت ادموعي ولو
من دورتك انه بشدتي شفتك وطن حنيت الك
لكن لكيتك غربتي احتاريت منهن ياهو اصح مابين ذلي وعزتي
اختاريت اعوفك حته لاتكسر قرارك دمعتي

ونيت سكته ماردت يتشمتون بونتي
صح اضحك بنبرت فرح بس ركز بصوتي بعد
تسمع نحيب بضحكتي هم مثلي كلبك مانسه
وهم بعد من تمشي درب تذكرني خطواتك بعد تترك فراغ لخطوتي
لاتسكت اللا بينت بين اثرها بعبرتي
ولا تلتفتلي بس ردت انطيك اخر مابقه
وهو شبقه مني خذت كلشي وبقة دمعاتي بيدي وذلتي

ارجو الرد تحياتي

s.w.a.t