( life will go on , do not worry )
( 10 مارس )
اهلا وسهلا بكم جميعكم ,
اتمنى ان تكونوا بخير وصحة وعافية ،
قبل فترة حصلت لي سالفة غريب
..
كنت طالع من الجامعة مبكر وقلت خليني اروح اضبط (ذقني ) ..
ف رحت للحلاق . . وحلق لي و خلصت الا يقولي لحظة !
استغربت انا ... قلت له شفيك ؟
قالي : أجلس على الكرسي دقيقة
..
قلت له سم !
قالي: وانا احلق لك لاحظت فيه فراغ ب اللحية ، واتوقع ان عندك ( داء الثعلبة)
قلت له : اصبر اذكر الله ههههههه ، قالي حاول تروح المستشفى بأسرع وقت قبل لا تسوء حالتك .
طلعت من الحلاق وانا مستغرب، مو عشان ان الحلاق شخصني هههه ، ولكن عن سبب الإصابة بالمرض - علما بأنه مرض غير معروف سببه وفيه يهاجم الجهاز المناعي بالجسم نفسه - وانا سليم ! ( ماعندي تاريخ عائلي للاصابة بالمرض ، ولا عندي مشاكل بالمناعة ولا صار لي حادث من قبل ) وكيف اني رحت لهالحلاق بالذات واهو الي شخصني !
.
بعدين رحت للمستشفى و شخصني الاختصاصي بالثعلبه ( بس شكله ثعلب صغير مو خطير ولله الحمد
) عطوني حبوب و قطاره .
من الأشيا المخيفة ، ان (يزيد نسبة الإصابة بهذا المرض اذا كان الشخص متوتر جدا )
ف الأرجح ان الجامعة بتقتلني هههههههه
قد يكون بسبب التوتر صحيح ، لذلك لاتحملون الأشياء اكثر من حجمها على حساب صحتكم ! ،
اعطي لكل ذي حق حقه ، بالنهاية مافي شي يستاهل تهدر صحتك عليه .. ف لاترتكبوا مثل خطأي و تتوترون كثير كل شي سيمضي بالنهاية
، مافي شي يستاهل.
"صحتك ياحسين بالدنيا" _(امي) تقولي
الله يبعد عني وعنكم وعن جميع المسلمين الأمراض ،
شكرا لكم .