احترت افكر اكتب مقدمه منمقة او بسيطة ، رؤوس أقلام ولا تفاصيل دقيقه لـكن ماني من الكٌتاب ولا انا حولهم فـقررت اكتب لكم اللي بقلبي.

ان كنت بعرف عن نفسي فـانا دخلت عالم النت والمنتديات والانيمات وعمري 12 سنه تقريبا وكنت من الناشطين في منتدى نادي الانيمى العربي وملكة الانيمى ومكسات واخرها كان انيمى جوست.
مع دخول الجامعه قطعت عن المنتديات بس ما زلت مع الانيمات ومع تطور التكنولوجيا مواقع المشاهدة المباشرة ما قصرت التطبيقات صارت ع الجوال فـما رجعت للمنتديات اكتفيت بالمشاهدة فقط اول ما لقى وقت فراغ اقضيه ع مع الانيمات .

هالترم اللي انتهى انهيت فيه جميع المواد الدراسية بالجامعة وما تبقي لي فقط هو تطبيق التخرج اللي راح اخذه الترم الأول من السنة اللي الجايه بأذن الله. يعني أقدر أقول يفصلني عن التخرج بشكل نهائي 10% فقط.
خلاصة الموضوع أنى حنيت للماضي كثير بعد ما دفنت نفسي بالجامعة ورجعت ابي احمل واتفرج ع الاب بدل الجوال وبالصدفة لقيت نفسي فاتحه منتدى العاشق اللي كنت ادخله قبل 6 سنين ولكن بدون مشاركات >>> حتى عضويتي نسيتها >_<
فـأول شيء طاحت عيني عليه اول ما سجلت هو مقهى الاوتاكو، مع النقاشات والحوارات اللي قراتها كانت اول مشاركاتي فيه.

ترددت بكـتابه الموضوع، لكن أكثر من كونـي ابي ترحيب منـكم،
ابي اشكركم جميعا من إداريين ومشرفين وأعضاء وكل من ساهم بمنتديات العاشق لتظل صامده على مر سنين لتـظل مـنزل وموطن فاتحَ ابوابه لكل عٌشاق الماضي الجميل.
فشكر لكم جزيل الشكر أعزائي العشاق لإعطائي الفرصة مجددا للأبحار في مـعكم