رد: وَ مَضيتُ وَحْدي فِي الطَريق. قدْ جِئتُ أبْحث عَن رَفيقْ ضَاعَ مِني مِن سِنينْ.. قَد ضاع في هذا الطريق ..َ
فكرتُ بالإنتحار مرة ، و شُخصت بالإكتئاب الحاد على يد 3 من الإستشاريين النفسيين قبل سنتين ،
حدث هالشي لمن أِكتَشَفَتْ زميلة-مقبلة على التخرج- حالتي وأصرت علي أن اروح المستشفى وأراجع طبيب نفسي.. هذا كان كلام أحد زملائي بمتوسط..
عرفت هالشي بليلة الفاينل ، شفت حسابه بتويتر بالصدفة وإنصدمت !!
هو الزميل اللي انقطعت علاقتي معه (أظن) بنفس السنة اللي فكر ينتحر فيها لمن تكررت مكالماته لي وكان يتذمر دائما انه (طفشان) ويسألني ضمن اسئلته مازحاً ..
"حسين مره فكرت تنتحر ؟!"
ف كنت أضحك وأقول "لا" ماوصلت لهالمستوى حتى ولو اني مضغوط. فأرد عليه نفس السؤال ويكون الجواب بالنفي .
إنصدمت جداً هذيك الليلة لدرجة ماحبيت اقول لأحد(عشان ليلة فاينل )
بس للأسف للحين أفكر فيها و كيف كان ممكن أخسر شخص ولو انه مو صديقي الا انه كان يحب يكلمني بين كل فترة ويلجأ لي .
(هذي كانت قصته بإختصار شديد)
اللي ابي اوصله، ان مهما حسيت حياتك
بائسة ، مهما ظنيت ان درجاتك نازلة كثير، أو كان عندك مشاكل أسرية أو ظروف صعبة ..
فيه ناس تحبك ويخافون يفقدونك حتى ولو أن ماقالوا هالشي، تأكد في قرارة نفسك انك مهم بالحياة وان مافي شي يستاهل وكلشي بيهون بالصبر (فما ظنكم برب العالمين) ، لا تخلي هالإدراك متأخر بليز .
وان حسيت ان صار مافي شي يخليك سعيد وضايقه نفسك كثيير و ظلت تلاحقك أفكار سوداوية تأبى ان ترحل عنك ..
فراجع أقرب طبيب نفسي للعلاج وتذكر انه مثل ان فيه أمراض تُصيب الأبدان كذلك فيه أمراض تُصيب النفوس والوضع عادي جداً وان شاء الله مع العلاجات أكيد بتصير أحسن
تفقدوا اللي حوليكم دائما،
بالنهاية انا آسف لهالشخص لانه كان يصرخ من الداخل و ماكان أحد يسمعه،
كان يبي أحد يطمنه ان بكرة أفضل وماحصل، انا آسف ل 800 الف اللي ينتحرون سنوياً
إنتهى .
أدعو لي معكم بهالأيام الفاضلة من فضلكم
كونوا بخير 
التعديل الأخير تم بواسطة d.snake ; 05-22-2020 الساعة 04:26 AM
|