منتديات العاشق - عرض مشاركة واحدة

De.melo · 09-10-2010, 12:47 AM

السلام عليكم!
شحالك ياولد ديرتي؟!
عسى بس منت بزعلان علينا،.

اقتباس:

المشاركة الأصلية كتبت بواسطة عاشق باتيستا

يعني صراحه ولا فهمت شي من اسئلتك .

اقتباس:

المشاركة الأصلية كتبت بواسطة عاشق باتيستا

لكن حقيقه اقولها لك مافهمت اغلب اسالته وفكرته بس جاي ينفس عن نفسه

حسووووو يالبي قلبك وشفيك علينا وربي مايوزن الكلام الي قلته تراها بحسن نيه،.
لو أدري أنه المفروض يكون السؤال يتدحدر على المنتدى بس كان ماغيرت المسار،بغينا نتونس وياك ونطلع عن الروتين والكلام الجاد شوي،وسع صدرك وخلك من الرسميات يازين البساطه زيناه ،لاتشيل بخاطرك علينا،.

خلاص صافي ياكبسه،.
أها بغيت منك الله لايهينك تسردلنا أطلق موقف بمناسبة أن العيد هل علينا،وعلى طاري العيد أبي أخبرك موقفـ(ن) صارلي في السنه الي فاتت وقد كان أول أيام عيد الفطر،نتركك مع السرد :_
"مع ظهر يوم مشمس وممطر،كان العيد علينا،وكنت كأي فتى يستعد لتوجيب الضيوف،المهم أني تزهبت وكشخت وتعطرت بعطر بولو <= أقول مناك بس.
ولبست ثوبي الجميل الي كم طويل وكم قصير ومشمر من تحت =>عاد هذي دوم تحصل معي مايفتهمون البنقاله،وربي ندفع دم قلوبنا ومانحصل غير الله يوفقهم وينور عليهم <= مايعرف يحش عليهم.
المهم ألقيت نظره على نفسي في المرآه وأنا لابسـ(ن) شماغ بصمه 12 وساعه آخر موديل وثوب يبرق من البياض وجزمه الله يكرمكم أرماني <= أحد شاف العقال.
لكن للأسف الخشه ماتساعد،صدقتم ترآي زين <= قصدك شين ولوح.
المهم كنت في وقتها أعاني من الزكام مصحوبا بحساسيه في عيني الجميلتان <= قصدك المفغصه.
وأنا نازل الوالده الله يحفظها قالتلي خذ كاسات العصير حوالي 5 كاسات،وودها الله يحفظك،عليهم بالعافيه،وأنا داخلـ(ن) المقلط شعرت (بالأحراج)لا ترا وجهي مثل قفاي موبحراج،شعرت أني بعطس،أحاول أمسك العطسه ووصل الكاسات بأسرع زمن ممكن للوالد،شايفه جالسـ(ن) هناااااااااك،والمجلس في حوالي 25 راس،يومـ(ن) قربت للوالد الا وعطس ذيك العطسه الي طيرة أم الكاسات(فيمتو على بورتأين) على الضيوف الي بجنبه،وجهي صار تسذا =>"ماني بمستوعب الموقف"،وربيعي ذا الي فوقي جيسي أول واحد خرها ضحك،أما الي أنكبت عليهم الكوكتيل قالوالله يلعن أبليسك، والثاني أردف قائلا:وش ذا مدفع الفطور) وأنا وجهي قصصصصصصصم أنقلب،(عصير كوكتيل) ومن يومها وأنا متعأد من شئ أسمه عصير برتأين وفيمتو =>"ينقاله عنده عقده نفسيه".
وبس،.
يالله جاء دورك عطنا موقف حدث لك خلنا نضحك عليك أقصد نضحك وياك،.
وترآك عزيز علي وأعدك واحد من الربع،وأن مابغيت تخبرنا على راحتك الا زعلك،ومالك غير طيبة الخاطر،.

ننتظر ردك،ومن العيدين أن شالله .
_

(ياولد زايد العيد عندنا).