سهام الغدر

**** سهام الغدر****
أحبابي ليش عن عيني بعــــــــــــــــدتو....
و ســـــهام الغدر بكليبي تركتـــــــــــــو
ونسيتو التضحيات القدمته الكــــــــــــم
هيج بكل بساطه انتو رحلتـــــــــــــــــــو
نسيتو شكد سهرة على راحتكــــــــــــــم
و تغفون على صدري كبل جنتـــــــــــــو
و جنت أحس أني الكم و ألي انتـــــــــــو
أحبكـــــــم أي أحبكـــــــــم جنـــــــــــت
بس اليوم ما تعنولي شي عدتــــــــــــو
بعد لا أحس بيكم و لا بهمكم لا حزنكم لا فرحكم
و بعد ما أريد اعرف شلون صرتـــــــــو
لان مثل ما هنت اني عليكـــــــــــــــم
علي و على كلبي حيل هنتــــــــــــــو
و لو كلبي يحن و يعطف عليكــــــــــــــم
و الله لكتل كليبي و قلمي لو كتب لحرك أشعاره
و بعد ما اريد شوفتكم ولو متـــــــــــو
خليكم بهل الدنية ألي غرتكم
و أنسو الشخص ألي حبكم و غدرتو بي انتو
خليكم من كلب لكلب مثل الماعنده وطن
و يحاول يلكاله بلد بس ابد ما تلكون
لان كلبي كان الكم وطن و انتو ألي بعتو
و شكد ما تحاولون مطلعون من بحر الحقد ألبي غركتو
هذا حال ألي يبيع و ألي يخون
يندم من يشوف وين صرنه و وين صرتو

اتمنى تعجبكم ........ هيثم التميمي