(( أحبك كثر .........

احبك كثر ما قد صار احبك رغم ما قد صار
احبك كثر ما دنيا الزعل والصد مهجوره

احبك كثر ما تمطر بصدري من غلاك امطار
احبك كثر ما صارت اراضي العشق ممطوره

احبك كثر ما تفتح شبابيك الربيع ازهار
احبك كثر ما غنّت عشان الصبح عصفوره

احبك كثر ما تاقف على جنب الطريق اشجار
احبك كثر ما يقسى الشتا وتهاجر طيوره

احبك كثر ما ف الأرض بنتٍ تلفت الأنظار
احبك كثر ما يرتاح عطر بصدر مغروره

احبك كثر ما جاب المساء في معطفه زوار
احبك كثر ما جانا صباحٍ يشبهك نوره

احبك كثر ما تهدي كفوف الوصل من تذكار
احبك كثر ما شالت يدين العاشق زهوره

احبك كثر ما نقرا عن الفارس عن المغوار
احبك كثر ما نسمع ولا شفنا ولا اسطوره

احبك كثر ما تلعب بدنيا العاشقين اقدار
احبك كثر ما .. ذا الحظ دايم يعلن قصوره

احبك كثر ما عاثت رياح بحسبة البحار
احبك كثر ما البحار يعشق نسمة بحوره

احبك كثر ما يتلحف اللي منشغل باعذار
احبك كثر ما ف الناس ناس بجد معذوره

احبك كثر ما ملّت قصايدنا من التكرار
احبك كثر ما الشاعر تمنى حب جمهوره

احبك كثر ما شفنا على وجه الزمان اثار
احبك كثر ما في الأرض فقر وناس ميسوره

احبك كثر ما نجهل متى توقف بنا الأعمار
احبك كثر ما قلنا عن الأحوال مستوره

احبك كثر ما دارت بذهن الحالمين افكار
احبك كثر ما في الخير ناس ب خير مذكوره

احبك كثر ما نرمي حكايات الحطب للنار
احبك كثر ما نسمع حكايا حب مشهوره

احبك كثر ما ضاق السجين بلعنة الأسوار
احبك كثر ما هاج البحر واجتاحته ثوره

احبك كثر ما ننسى واحبك كثر ما نحتار
احبك كثر ما يسهر محب وفي يده صوره

احبك كثر ما تقطع شفاتك ف العسل مشوار
احبك كثر ما خدك يخلي الشمس مبهوره

احبك كثر ما روّج عليك الحسن من اخبار
احبك كثر ما صدرك يدوخ الورد بعطوره

احبك كثر ما في عينك من السحر والأغوار
احبك كثر ما فيك الغلا ما وفّت سطوره

احبك والزمن ساكن واحبك لو زماني دار
احبك يا مدينة حب وسط الصدر معموره

احبك والتفت شاعر لعينك و انطرت اشعار
حلف ما يمسي الليله قبل ما يكتب شعوره

ورتبتك بصدري وانت تستاهل وراعي دار
تفضّل قلّب اوراق الغلا وايديك مشكوره

ذكرتك وانت لو مثلك ذكرته هلّت الانوار
وقمت اجمع من اشواقي قصايد عشق منثوره

تلبّست الجمال وقلت ابهديك القصيد ازرار
غلاك وصدق حبك ما ترك لي نفس مكسوره

انا عاشق جمال وما خفاني ف الجمال اسرار
انا لامن كتبت اعطيك واعطي العشق بك دوره

كتبتك ف القصيد ابيات من حسنك عليك تغار
حروف العشق طفله في ثياب العيد مسروره

لقيتك والدلع والثقل شِلّه والحسن ثرثار
يقول اشيا كثيره للعيون ويثبت حضوره

كفايه لو تطل ويفرح اب طلّتك دار وجار
كفايه لو تشوف الناس في نظرتك مأسوره

غرامك يغري حروفٍ سقاها الصدق منك امطار
كتاباتي بتشهد للغرام وتحفظ عصوره

احبك رغم ما قد صار .. احبك حيل مهما صار
احبك دام انا طيّب واراضي العشق ممطوره

مما راق لي