كوب من القهوة وقطع من السكاكر ~

اليوم كنت أتمشى شوي بالــ Gmail حقي، لي فترة ما فتحته ..

المُهم .. حصصلت رسائل من أيام المُنتدى حق وزارة التربيه والتعليم ..

وحصصلت رسائل ثانية .. مراسسلاتي مع لا يكثر - الفئة الفاله - التاسعه إلا ربع .. وكم برنامج كوميدي ثاني

القصة باختصصار :

جتني يوم من الأيام فكرة، ليش ما يكون فيه ستاند أب كوميدي بالراششد ؟ (الراشد مُجمع بالخبر، مول)، ويكون العرض خلال الإجازه ( اللي كانت راح تحصل بعد اسبوع أعتقد) ..

قعدت أفكر فيها و أعجبتني .. رحت راسسلت كذا برنامج عن الفكرة، طبعًا قومت الدنيا وقعدت لين ما حصلت
ايميل واحد منهم، وما حصلت ايميل للتواصل مع ايش اللي -,-

تواصصلت معهم وتكلمنا عن كل شيء .. التاسعه ولا يكثر اعتذروا .. أرسلو لي رقم ابراهيم خير الله يوم كان معهم .. اللي هو التمساح حاليًا .. دقيت عليه واعتذر قال مرتبطين أو شيء كذا .. ما أذكر

لكن الفئة الفالة قالوا أوكي ..

حاولنا نتفاهم عالموضوع بالايميل .. لكن ما ضبط .. قالي ما ينفع الايميل تفضل رقم عمار وتواصصل معه .. يوم أرسسل لي الرقم .. تعرفون كيف "تكيسلت" أدق عليه ؟ قلت بدق عليه .. بنقعد نتناقش .. بعدين قلق ويمكن ما نتفق على شيء محدد .. وبعدين بيكون فيه حلول ثانيه .. والسالفة مطوله -,- .. فسسحبت لين ما آخذ الرد من إدارة المُجمع ..

المُهم، كتبت الفكرة وسردتها بالتفصيل المُمل في 4 صفحات، ورحت لإدارة المجمع اليوم الثاني ..

كنت محتار بالبداية، أختار الراشد أو الظهران .. (الظهران مجمع آخر في الخبر) .. لكن بعدين قررت أختار الراشد ..

لان فيه فُندق، وقريب منه شارع كله فنادق .. غير موقعه حلو، ورواده أكثر .

رحت للإدارة ودخلت عالمُدير، سلمت له الأوراق اللي عندي، وشرحت له الفكرة بالتفصيل المُمل ..

بداية من تعريف الــ (ستاند أب كوميدي) وصولًا للفوائد التي سيجنيها المُجمع من هذا العرض ..

يوم خلصت كلام، سألني : أنت بأي صف ؟

قلت له : أول ثانوي .. قال ما شاء الله، لكن فيه كم نقطة أنت فاهمها غلط ..

خلني أشرحهم لك، أولًا إدارة المجمع مُختلفة تمامًا عن إدارة الفندق التابع له .. ثانيًا النص هذا يحتاج لمُوافقة وزارة الإعلام، وهذه العملية ستأخذ حول أسبوعين .. مما يعني انتهاء الوقت الذي حددته .. وبداية المدارس .

شرح لي نقطة ثالثة أو أكثر .. نسسيتهم

لكني استفدت من تلك التجربة صصراحه .. بتفيدني مُستقبلًا إذا حاولت أسسوي نفس الفكرة