ماهمك عذابي

ماهمك عذابي من نويت تروح..
ولاهمك دموعي الراح ابجيهه...
كلت هذا وفي وجرحه اذن مسموح..
وعشرتي وياه عادي هوايه انهيهه...
ولو مهمابعدت كلبه يظل مفتوح..
وآني بهالحجي يعشقني اعنيهه...
حقه يحجي واثق من كلامه..
لأن آني حفرت اسمه بالضلوع..
وانا الضحيت لأجله يامه يامه..
وسهرت الليل حاير وكلبي مشلوع...
وتالي ماوصلني بس سهامه..
نبتت بالكلب وخلتني موجوع...
وصفالي بس حزن وبس الملامه..
وغير الهم ابد ماعندي موضوع...
عادي انت تظل ليلك تنامه..
وانا نومي اليظل من عيني مرفوع...
خاين عشرتي وهذا وسامه..
هوه اللي غدر واني اللي مخدوع...
وخلالي الحزن والهم علامه..
وحتى الفرح صار بشعري ممنوع...

لامرتاح بس بدوني ظل مرتاح.. اهم شي راحتك لوحتى من دوني..
بس مشتاكلك موبيدي والله شلون..ذبحتني عليك تريدك عيوني..
عمت عيني حبيبي من رضيت تروح..رحت زعلان مني وباقي انالوحدي..احس كلشي اني عندي جنت وانت وياي..هسه بدون عينك كلشي ماعندي....