صراع مع الذاٺ | الح‘ـلقـۃ الثالثـﮧ | الأنا

السلام عليكم ...~

كيف صحتك يا فضّي ؟؟ يا رب تكون آحلى حلاوه ~

اوه اوه شو سعيده بطرحك للحلقه التالته ؛ بتعرف قديش كُنت انتظرها !!

آلف آلف عافيه على جهودك ..~

|

نبدأ بسم الله :~

كالعاده لانه موضوع نقاش ف بيفتح ابواب كتيره ..~

بالنسبه لي أنا مع الشخص اللي يحب نفسه ويكون نرجسي .. وما يخلا من الكِبر فِ بعض مراحل حياته حتى يحافظ عَ كرامته ~

ما عندي اي اعتراض لشخص بيكثر من مدح نفسه ؛ ولشخص بيكتر من اظهار مدى ابداعه وموهبته .. عادي جداً ! هدا حقه لأن عنده موهبه , المهم انه صادق , طالما انا بعرف انه صادق ف انا بتحمل حديثه المليان بكلمه انا الخاصه فيه لأني بالفعل بعرف انه قد كلمته ؛ بس اد بلش يوجع راسي بحكيله " بكفي" ~

لكن اد تواجد شخص بيكثر من كلمة انا حتى لو كان اقرب الناس إليّ وبعرف انه كداب بنفس اللحظه بحطمه بكلمتين وبتركه لأن هاي شخصيتي وبتحملش الشخص البخرط ومش قد كلامه ؛ هو جنى ع نفسه !

||

اي شخص بينتبه على اخطاء الآخرين حتى لو كانت صغيره بكون السبب بأنه هو بنفسه اكبر خطأ ولانه عارف هدا الشي , بيبحث على زاويه يوجه نظر الكل عليها بعيد عن زاويته المعفنه الخربانه !! غير انه شي مهم وهو فش حد كامل ؛ لهيك ما تبلش تحكي عن اخطاء الدنيا والعالم والبشر .. اد ما عجبك حد اتركه وليش الحكي الناقص ؟؟ بجوز لانك ناقص ~

||

اد بتتذكر الحلقة السابقه وهي عن الشخص الهامش وكنت تدعوا بأن لازم تبلشوا السلام وتتميزوا وتتحركوا حتى ما تكونوا هامش !!!

وهون بتدعوا بالتواضع والبساطه ..~

مهي التواضع والبساطه {هامش}
والتميز هي {انا}
ف شو الحل بالله ؟ ما بيركبوا الاتنين ع بعض ؟؟ هه

||

انا مع التواضع ف حالات ومع التفاخر ف حالات .. واهم حالة تفاخر هي لما تشوف واحد مصدّي بيتفاخر انت بلش اتفاخر واتفاخر عليه حتى تدفنه بمكانه ~

||

ومع اشي تاني مهم ؛ كل واحد بالدنيا عارف نفسه ومقداره ؛ عارف اد بيستاهل يتفاخر ولا لأ !!
بس الكل حُر ؛ عقلك براسك بتعرف خلاصك لهيك بدك تتفاخر بدك تتواضع ما بأثر !!
بس اتحمل شو راح يجيك ناتج من الحواليك ؛ لان يا عزيزي الناس بطّلت زي زمان تتحمّل , كل شي طار ...~

||


بخصوص ضيفك ... عم يحكي انه بدوش يتفلسف وكل حديثه طويل وفلسفه وانت مسحت من حديثه من طوله ف كيف لو بده يتفلسف هه ~


||

شكراً شكراً يا فضى ع موضوعك الرهيب ..~

انا بتمنالك كل خير وصحه ورزقه وفرحه وتحقيق امالك واحلامك حتى لو سيئه !!

واراك ف حلقات تاينه ؛ فكركم راح لتوصل لمواسم ؟؟؟