Laugh With Me ..xD ~ [ تابع لمسابقة الترفيهي ]

السلام عليكم
كيفكم ..؟؟؟
بالاول اعرف تتسائلوا ليه الطقم حلو
> اكيد لانو من تصميمي المحترف
المهم ببدأ موضوعي وان شاءالله ماتعملوها ع انفسكم
وممكن تحكوا دمها تقيل بس بترك الامر إلكم
لان اشتركت ومابراسي فكرة
بس ان شاءالله بتوفق بتضحيكم
ابدأ ع بركة الله

|| بنر الموضوع ||







||1||

ع اللي فكر يجيبك
||2||

صح عليك > بتعرف تألف
||3||

بتخيل هاد المسلسل
||4||

حلو طبقت المطلوب
||5||

شكلو بيعاصرنا
||6||

منيح انو صادو لكان
||7||

هاد بيقرب لنا مو
||8||

طيب ممكن نايم

ملاحظة إذا لم تظهر الصور إضغطوا ع الارقام




|| الحدث الأول ||

هاد الحدث حصل مع ماما كنت انا وهي بالسوبرماركت > لا ما ناكل كنا بنقضي للبيت
وكنا خلاص بنطلع من هاد السوبرماركت وكان لازم ننزل العربية من الدرج المتحرك
هنا انا نزلت بالاول لامسك العربية من انها تتقلب وتعملنا مصيبة
وماما ورا العربية لتمسكها من ورا مشان ماتدفني وتتقلب عليا العربية
نزلنا منيح ولمن وصلنا لنهاية الدرج المتحرك انا طلعت منو والعربية علقت
وماما علقت مع العربية ما امداها تطلع متلي والرجال اللي وراها تحاشروا مع ماما
والناس اللي وراهم تحشرت معهم ومافي الا واحد ينزل من الدرج المتحرك الا يتحشر معاهم
انا المشهد ماقدرت اتحملو يعني بتشوف قدامك حشد يتحاشر متل الكوسة المحشي
فأكيد بدك تطيح ع الارض من كتر الضحك > وهاد بالضبط اللي صار معي
بالنهاية طلعوا العربية اللي حشرت هاد الحشد كلو ومشوا الناس وكأنو ماصار شي
وانا طول الطريق بضحك > من قلة الضمير



|| الحدث التاني ||

هاد الحدث صار بالمدرسة الثانوية بظن وبأولى ذكرتني فيه صديقتي > مابعرف كيف نسيتو وانا اللي سببتو
هاد الحدث صار بالحمامات الله يكرمكم
كنت انا وصديقتي رايحين نغسل ايدينا من الالوان او شي يقربلها
وتوجهنا للمغسلات وانا فتحت واحد ليتني مافتحتو > كان محبسو مكسور
لمن فتحتو مالاحظت انو مكسور غسلت وخلصت ورحت اقفلو مابدو يقفل لانومكسور المحبس
حاولت لاقفلوا بشوية قوة وفجأة
بلاقي محبسو بيدي والميا بترش ع الجدار بقوة متل الشلالات وتنتشر بالارض
انا هنا وقفت مصدومة لسببين :
الاول انها اول مشكلة اسويها
التاني لان الميا حبستني هي بترش قدامي بقوة والمخرج قدامها
يعني مشان اخرج لازم اتعدا الميا
طبعا اخدت نفسي وركضت بين الميا > والنتيجة ماكانت مرضية
صرت متل اللي خرج من المسبح
المهم مشيتها ورحت بعيد عن مسرح الجريمة ولا كأني عملت شي
وبعد ماشفت مستوى الميا زاد رحت عند المديرة وحكيت لها الميا بالحمامات محبس مكسور >
ليت كان الكلام مركب ع بعضو
حمدت ربي انها مالاحظت شي من ادلة عليا وكملت يومي بشكل طبيعي
ومن يوم هاد الحدث لهاليوم مابدخل حمامات مدارس > فيكم تحكوا تعقدت
طبعا هاد الحدث مر عليه سنتين ونسيتو
وتذكرتو لمن طلبت من صديقتي تذكرني بحدث صار وذكرتني فيه
> ما بعرف هي ليه مانسيتو
هاد مشوه لسمعتي



|| الحدث التالت ||

بذكر بأيام المدرسة الابتدائية مابعرف بأي سنة
بس كانت سنة فيها حدث بيفشل الواحد وهو :
بيوم من الايام صارت معي مخانئة مع وحدة من البنات
وانا من عادتي لمن بتضارب مع اخواني بالبيت كنت دائما بوجه ركلة ع بطنهم
بس مانفعت بالمدرسة هادي الحركة
لاننا كنا بنلبس مرايل طويلة
وطبعا انا عصبت من البنت ولا اراديا وجهت ركلة لبطنها
> بس للأسف ماوصلت بطنها لاني من لمن رفعت رجل وحدة انسحب المريول من قدام
وتعثرت وطحت ع ظهري قدام البنات
وطبعا كل البنات ضحكوا عليا
> ومن هداك اليوم وانا مافكرت اوجه ركلات لاحد مشان ما اتفشل من جديد




بالبداية اقرأوا باللهجة المصرية

||1||

||2||

||3||

||4||

||5||

||6||

||7||

> اللي لهجتو خبصت متلي يتكلم بيها
ملاحظة إذا لم تظهر النكت إضغطوا ع الارقام



||1||



||2||



||3||



||4||





- النمل له 6 ارجل يمشي بها لما يظهر بالافلام بأنه يمشي ع رجلان ...؟؟؟

- في الحدث الاول ذكرت درج متحرك فما كان نوعه درج عادي ام درج مستوي ...؟؟؟

- في التوقيع الرابع يوجد خطأ فما هو ...؟؟؟


وأخيرا وبحمد الله تم الانتهاء من موضوع المسابقة
أرجو ان يحوز هذا العمل ع اعجابكم
ومايضيع تعبي مع هباب الرياح
وان شاءالله تكونوا ضحكتوا كتير واللي ماضحك يحكي
> مشان اعطيه تقيم سلبي
ههه هه ها بمزح معكم
ان شاءالله الكل يكون ضحك
وبالتوفيق لجميع المشتركين
والسلام خير ختام
والسلام عليكم ورحمة الله وبركاته