عسىُ « ربيِ » . . يملى بِ السسعادهہُ دنيآيْ ..

( 1 )

تستقبل بعمرك سنه
وأودع بعمري سنين !
وتقول لي : ليش النكد ؟
ليش أنت هالليله حزين ؟
وأقول بدموع الكلام …
هالعام ما مرّ بسلام
هالعام سهّرني ونام
شابت ذوايب فرحتي
وبشفّتي …
دفنت أنا وجه الفرح
اللّي من كثر همّي .. أنجرح
من بعد ما عنّي رحل …
خذ من حياتي كل شيء
حتى البكاء والـأبتسام ..
يا صاحبي .. هو أي عام أقبل ؟
وغادر … أي عام ؟؟؟

( 2 )

كيف أحتفل ويّاك بالعام الجديد؟
وما من جديد !!!
إلـآّ الحزن كل عام في عمري
يزيد !!!
والهمّ هو ضيفي الوحيد
اللّي من دلـالي يقول : هل من
مزيد ؟؟؟
يا صاحبي …
كيف أحتفل وياك وأودّع سنه ؟
عمرك سمعت بواحد
ودّع بيوم وأحتفل ؟؟!
عمرك سمعت بواحد
يضحك إذا عمره رحل ؟؟!
يا صاحبي …
تعال لي ببكي معك …
على الشباب اللّي يفوت
والعمر اللّي فينا يموت
إن كنت ناوي تحتفل
بمرور أو بقدوم عام !!

( 3 )

من " روزنامة " عمرنا
طاحت سّنه …
يعني الخريف …
يعني الصّفار …
يعني السّنين بعمرنا
صارت تهيف !!!
وين الربيع اللّي نعيشه
من سنين ؟؟؟
ليش لطفولتنا نسافر بالحنين ؟
يا صاحبي …
من " روزنامة " عمرنا
تتساقط أيام وشهور
من عمرنا تاخذ بطاقات المرور
للقبور !!!
يا صاحبي هذا أحتفالي والسّلـام
لـا تحتفل مثلي إذا ودّعت عام
روح أحتفل بالدّمع في عينك ونام
بس أدعي ربّك يجعله

في عمرنا يمرّ بسّلـام !!