|~ نقـــاآش الـإسبۆع " المجــاآملة ومدى تأثيرهـاآ على المجتمع والفرد " ~|

السلام عليكم ..~

؛

قبل كل شي لكل واحد إله حُري الرأي ..~

تاني اشي بتمنى بكل موضوع نقاش اضيفوا "الجانب الديني " منه ؛ صح احنا هون بنحكي اراء وكل واحد إله رأي بس كمان حلو نعرف الشرع شو بحكي ..~

تالت اشي وهو صارت لخبطة مفاهيم .. بتمنى بالمرات الجاية يكون في تعريف بسيط عن معنى الموضوع اللي تم طرحه ..~

لان كل واحد عرّف المجاملة على رأيه .. وغير انه صارت هي نفاق .. واندمجت مع الصراحة .. والوقاحة والتربية ... ولخبطة ومتاهة .. يعتي كلمة المجاملة اتشوهت والتعن اساسها ..~

؛

لو نيجي نحكي ايش هي المجاملة .هي جملة قصيرة بتكون جواب على سؤال من حد فش بينك وبينه اي علاقة قوية سألك شو رأيك بصفة من صفاته سواء ملموسة او لأ .. او انت تبرع منك بتحكي لشخص جملة قصيرة شو رأيك بصفة من صفاته .. بتكون الجملة فيها كلام جميل بسيط .. غير هدا الحكي عندي ما بتكون مجاملة .. ابسط مثال هو تحكي لمديرك " قميصك حلو "

؛

عجبني النقاش اللي صار بين الاعضاء ..

نحكي عن الاهل ..~

صارت بين الاهل واولادهم مجاملة .. لأ ومليون لأ .. بين الاهل واولادهم في تربية فقط .. فش ابوي يجاملني ولا انا اجامل ابوي .. في تربية بس .. شو الصح وشو الغلط ..~

نحكي عن المعلمة والطالبات ...~

معلمة تيجي تجاملني وانا حمارة .. لأ ومليون لأ ... انا مش جاية عالمدرسة عشان معلمة تحكيلي ئديش حلوه .. لازم تكسّر راسي .. في تعليم بالمدرسة بس ..~

انا فقط متل ما عرفتلكم ايش هو مفهوم المجاملة عندي .. اشياء تانية انطرحت واندمجت مع المجاملة صارت موضوع معجون وبطل انه يحكي عن المجاملة ..~

؛

✓ - هل المجاملة نفاق أم لغة لكسب الأخرين.. وهل لها مكان في حياتك .؟؟

مش نفاق متل ما انا عرفتها عندي (جملة بسيطة) ؛ كسب الآخرين بأني اكون ودود بينهم ؛ اه مع الاشخاص اللي فش بيني وبينهم اي علاقة وعبارة عن (جملة بسيطة ) ..~

؛

✓ - لو أتاكَ شخص وأصبح يجاملكَ في مجلسٍ كيفَ ستكون ردة فعلكَ تجاهه .؟؟

اد كانت بحدود مفهومي لمعنى المجاملة وكان كلامه صح بكون كلامي " اه بعرف ؛ شكراً "
اد طلعت على مفهومي عن المجاملة .. بتطاوش معه

؛

✓ - هل الشخص الذي يجامل منافق ؟! أم لايملك النفس الطويل في أبداء وجهة نظره .؟

هو شخص ودود بجملة بسيطة ؛ ليش أظلم الشخص ؛ قصة رأيه فيّا بهمنيش ..~


؛


✓ -هل ترضى أن يتصف أحد أقاربك بصفة المجامل ..؟ ولماآذا .؟؟

اقرابي انا وياهم مش اصحاب ودايما متحاربين .. بس القراب عليا من اهل واصحاب فش فيهم اي حد فيه صفة المجامل معي .. هو حر يكون مجامل مع غيري بهمنيش .. بس معي ولا مره ..~

فا لأ .. وعطول اللي بعجبنيش بتركه .. وليش ؟ هيك عقلي بحكيلي .

؛

✓ - برأيكَ هل للمجـاآملة فروع ؟! أمـ إنهـاآ دربٌ ذو حدين أو حدٍ وحسب!؟

لأ هي حد بجملة بسيطة وبكل ود وانتهت .. اي شي غيرها ما بدخل ببند المجاملة .. بدخل ببنود اللي هي النفاق والكدب وهدول مش موضوع حديثنا .

؛

✓ - برأيكَ ماهو دور المجتمع للحد من ظاهرة المجامله وخاصةً أذا أتت على حساب الصالح العام !؟

اي دخيل الله لعنتوه للمجتمع وكل واحد عنده بلوى ومصيبة بحكيها ان المجتمع السبب ؟ بتعرفوا بدنا موضوع نعرف ايش هو المجتمع .. لان عنجد مش عارفة ايش هو المجتمع ؟

بعرفش

؛

✓ - هل تستخدمَ فنَ المجــاآملة؟! متى وأين ؟ ومَ السبب بـاآ ترى !؟

فن ؟ هو فن ؟ اه مرات بالمنتدى .. مرات مع شوفيرات الباص .. ومرات بشغلي .. جملة بسيطة لا بتزيد ولا بتنقص ولا بتأثر سواء انحكت ولا لأ .. بس هي مرافقة للابتسامة ..~

؛

✓ - أيهمــاآ تُفضل !! أن يكونَ النـاآسُ مجـاآملينَ أمـ صريحين !؟

اسمع كيف ؛ لازم كل شخص ؛ كل واحد عنده 1 % مجاملة بجملة بسيطة

عن حالي انا بعشق الصراحة بس بنسة 90% مش اكتر مع الناس

وصريح مع حالي بنسبة 99%

؛

كل الشغلة ان الواحد يبسط الامور .. ويبسيط الموضوع .. وما نشربك عرباس بدرباس .. بانه المجاملة هي نفاق وكدب .. اد بتزيد عن الجملة البسيطة بتكونش مجاملة .. انفصلت عن المجاملة .. بتكون مفهوم تاني وهو مفهوم الكدب .. وكمان النفاق هو مش مجاملة لان المجاملة بحكي لشخص كلمة حلوه يمكن لمصلحة وبتنتهي .. بس النفاق هو بكون معك منيح وبحبك ومن ظهرك انا عليك .. تتبسيط المفاهيم بس ..~

بعرفش يا حلوين موضوع نقاش منيح بس صارت لخبطة .. دخل اكتر من مفهوم بخصوص الموضوع .. انتبهوا بخصوص المواضيع الجاية ..~

وانا بكون سعيدة بمواضيع النقاش .. حتى من مشاركات الاعضاء .. فا جد شكرا ..~