وَ مَضيتُ وَحْدي فِي الطَريق. قدْ جِئتُ أبْحث عَن رَفيقْ ضَاعَ مِني مِن سِنينْ.. قَد ضاع في هذا الطريق ..َ

# مسرحية_المدرسة

اليوم قرروا الكلاس ان ودهم يطلعواإستراحة مع المدرسة ويضيعون يوم دراسي ..

ولكن المفاجئ ان يوم راحوا للمسؤال عن الرحلات ( الوكيل ) ..

قال ماحد يطلع رحلة إالا اذا قدم نشاط مميز ..

فقرروا الشنبات ان يسوون مسرحية ، والمشكلة ان أبلشوني أصير معهم

وأسوي فيها دور المدرس لاني شنب ولحية وعوارض وكيذا يعني ..

انا والله ماودي.. ولكن أقول خليها يمكن تصير ذكرى سعيدة بالمستقبل غير ان ماكان ودي

أكسر بخاطراتهم (جمع خاطرهم ) ..

شرايكم بالوضع ؟؟

دعواتكم تمضي ع خير

-

# تغـريداتـكم في التـقـيـيم

قررت أنزل التقييمات بعد عراك مع نفسي ومشاورة دقيقة ,,
الزبدة نبدأ ..

http://im45.gulfup.com/T2CnF.jpg

1-2 - شكراً جزيلاً ^^ يبارك بعمرك ..
نعم جميل ولكن تحطيم لمن يكون الواحد يغني وداخل جو ودامج صوته مع صوت المغني ..
وبس تخلص الأغنية .. يحاول يغني ويكتشف أن صوته زي الدريل

حياك الله .

3- هههههههه أخذ رقم وأستنى في الطابور ..
بس ماقلت لي حق مين راح تهدي الأغنية ..

4 - يبارك بعمرك .. أسعدني مرورك عزيزي ..
حياك الله .

5- أهلاً وسهلاً .. حياك الله تعالى دوماً

6-ههههههههه شنسوي بعد .. الله يعين ,الموته وحدةه ..
أهم شي الوناسة وحب الوطن ..

7 - ههههههههههههه تباً ضحكنني من جد ..
موافق نسويها .. بس بشرط ..، تجي معنا تمثل دور فــله أوك ؟؟

شاكر لكم جميعاً مروركم أعزائي . ^^

-

# قدرٌ أراد لنا اللقاء ~

هــكَــذا كَـان القـضــاء

قــــدر أراد لنــا اللقاء

ثُــم إنـتـهى ما بيـنـنا

وبـقيــتُ وحْدِي للشقاء

_

# (تابع) نتيجة مسرحية المدرسة
.
.

اشكر كل من سأل عني ودعى لي بالتوفيق وتيسير الأمور ورسلي ع الخاص عشان يطمأن عني << طبعاً ماحد درى عني ولا أحد رسلي بس دعاية وكيذا يعني ..

الزبدة ان ولله الحمد تمت ع خير ..
وأنبسطت انها أنتهت بسلام دون حدوث أي نوع من الأعياد - غير أني يوم خلص مشهدي صفقت أبو المايكرون في الطاولة، وزيادة على كذا شوي وطاح ع الأرض , والمشرف يطالعني وانا مسوي فيها ميت - وأهو حسيته وده يلوح علي قلم يمشي 300 ..
صحيح أول مامسكت المايكرفون صار في زلزال بيدي وصار يلعب يسار ويمين ..
ولكن مع الوقت ضبط الوضع وصارت الأمور تمام ..
وبعد ماخلصنا كرمنا المدرسين وكلهم أستانسوا ..
وأهم شي سوينا هدفنا الخنفشاري و وافق الوكيل إن نروح الإستراحة الخميس الجاي ..

وبس هذا الي صار لي اليوم .

الى اللقاء في مشاركة جديدة .
_
.
.
و مضيت وحدي في الطريق..
إيوان كسرى خلفه غصن عتيق .
صوت جهير ينفجر ..
: الشعب مقبرة الغزاة ..
و كفاحنا سيظل مفخرة الحياة ..
و رأيت كل الناس تهتف في الطريق ..
و جميعهم جاءوا.. (حفاة)

# وتسأل ما معنى الوطن ؟؟!!

وتسأل مامعنى " وطن " ؟؟ .. سيقولون : هو البيت , وشجرة التوت , وقن الدجاج , وقفير النحل ,
ورائحة الخبز , والسماء الأولى ..
وتسأل : هل تتسع كلمة واحدة من ثلاثة أحرف لكل هذه المحتويات .. وتضيق بنا ؟!

_

.
.
# الإبتسامة

" تحتاج الإبتسامة الى إثنين .. لـتضيـئ "

# وكم أتمنى أن أعود أفضل مما كنت ~

قبل بداية الفصل الدراسي وصلتني نسبة المدرسة و القدرات في نفس اليوم ..
كانت نسبة القدرات ممتازة كأول اختبار ..
ولكن تفاجأت بنتيجة المدرسة
.. جبت اقل من المعدل المتعود أحصل عليه
كانت النسبة 97,60 (ثاني ثانوي )

و بالعادة تكون +98.50 طبعاً كان كل المشكلة من مادة الفيزياء ..
المهم اني تحطمت هذاك اليوم مو عشان نسبتي ..
ولكن علشان الناس الي وثقوا فيني وتأملوا ا أجيب نسبة مرتفعة ولأن بقية ربعي حصلوا على +98 ..
تحطمت وحزنت بالبداية
.. ولكن وعدت نفسي ان أعوض بقية الثلاث السيمسترات الباقية وأجيب +98.50 (نظام التراكمي ) وهذا الي أسويه من بداية هالسيميتر ..

ولكن المشكلة ماكانت هنا ..
المشكلة ان من يوم ماحصلت ع النسبة ..
بديت أفقد ثقتي بمذاكرتي و بديت أضعف عن أول ..

كنت أول اتكلم بكل ثقة ومايهمني شي لو كنت مع أصحابي وكنت مستقل بأفكاري وأرائي وطريقتي بالمذاكرة وبالأفعال
.. وكنت دائماً قوي و عندي روح إيجابية
ولكن الان أفتقد هالشعور ..
استمر هالحال الى قبل 4 ايام .. جا إختبار القدرات ،،

كنت متأمل اني أحل أحسن من أول وأجيب درجة مرتفعة وتجيني معنويات وأصير أقوى
.. ولكن الواقع اني حسيت أن هذيك المره حليت أحسن وقلق ان تطلع الدرجة أقل من هذاك الإختبار ويزيد التحطيم ،،
بينما ربعي يزيد نجاحهم ويستمرون شعور مر وربي ..

اني أشوف ربعي كلهم مبسوطين لمن نطلع لأنهم مو حاملين هم الدراسة - مثل ماكنت انا أول - وانا صاير مكتئب ..،
والحين الخوف ان تطلع نتيجة القدرات ويصيرون أعلى مني بكثير ويزيد هالشعور ..،

و بكرة عندي برزنتيشن حق مادة الأحياء طالبه مني الإستاذ .. ومالي خلق أحضر .

الله يعين

^
^
ماعندي أحد أفضفض له غير رب العالمين ،، ف خطر على بالي مدونتي العزيزة

الأحساء الحبيبة ..،

..
..

أمس بحادثة غير مسبوقة في محافظة الأحساء الحبيبة ..
هجم مسلحون على مجلس عزاء (حسينية ) بعد خروج المعزين من الحسينية عندنا وقتلوا 5 أشخاص في قرية الدالوه وأصابات كثيرة ..

ومعروف عننا اننا - في الأحساء - متعايشون سنة وشيعية يداً واحدة في المنطقة ..

ولكن الإرهاب لا ملة له ..
ولله الحمد استطاعوا رجال الأمن الأبطال بإعتقال 6 مشبوهين ..

نسأل الله ان يرحم شهدائنا ..
وان يحفظ الأمن والأمان في المنطقة ..

( 7 نوفمبر )

حياكم الله تعالى .،

اليوم دام اني ساحب ع الدوام قلت اجي اشطح لكم بسالفة سريعية ،

كل واحد فينا بس يكبر يتذكر مواقف صارت له محرجة او غريبة حصلت له بالماضي ويضحك عليها .
اليوم و رجوعاً لعام 2011 وتحديداً لمن كنت بثاني متوسط .. حدثت لي هالقصة

كان عندنا حصة لغة عربية ( ما اذكر اي مادة بالضبط ) .. المهم
كان المدرس معصب شوي الله يجزاه خير ذاك اليوم ، بينما كان طالب من الطلاب يقرأ موضوع بالكتاب .. شوي الا المدرس قال له وقف قراءة !

قال هالكلمة الفلاني ( نسيت شنو كانت ) مين يقدر يعربها لي ؟
طبعا انا تحمست وبكل ثقة رفعت يدي اول واحد ، الا ان الاستاذ هذاك اليوم كان معصب كما أسلفت ، ف طلب من طالب جالس بالزاوية انه يجاوب .. هذاك الطلاب ماعرف طبعاً .
ف عصب عليه لان الكلمة اعرابها سهل ، ف قاله .. ( ماتشوف حسين كيف ان شاطر و مجتهد و منتبه للدرس و دائما يتفاعل و درجاته عالي و و و ... ) رفعني للسماء الزبدة ذاك اليوم حتى انا ماعرفت نفسي
المهم ، بعد ما هزأ هذاك الطالب وغسل شراعه ، قالي يا حسين يلا جاوب وعلمهم !
انا من زود ما المدرس مدحني .. شكيت بجوابي الي كنت بجاوبه ، فغيرته الى جواب ثاني وقلته !
وطلع خطأ ، وجوابي الي كنت مفكر فيه اول هو الصح ههههههه
كان الموقف جدا خايس ، مااشوف الا المدرس قالي ( افااااا ) ، شوي الا جا صوت من بعيد من نفس الطالب الي كان يهزأه قاله ( هذا حتى حسين ماعرف يجاوب شفت كيف ؟! ) .
مسكين المدرس ماعرف كيف يرقع .، قاله ع الاقل هو منتبه للشرح ههههههه .

كان الوضع محرج والله ، بس يلا الحمدلله ع كل حال .

صارت لكم مواقف كذا انتوا ولا بس انا ؟ ههههه .

الى اللقاء .

(23 نوفمبر )

the mind is its own place and in itself can make a heaven of hell and a hell of heaven

السلام عليكم جميعا ، كيف الحال ؟

في اشياء زحممة ودي اتكلم عنها بس للاسف ماكان مافي وقت + ماادري شابدأ فيه وشخلي

اهم شي ان امس خلصت الاختبار الي بقيت اذاكر له في الاجازة كاملة ، وطلع صعب والله ، لدرجة ان يوم طلعنا من االاختبار ماحد له خلق يراجع الاجوبة ، كل واحد قاعد يحسب كام درجة بقى له وينجح هههههه ، كنا ك ضحايا حرب ، صرعى بالجامعة ، لان اختبار الميدتيرم كان سهل جدا ف طلعوا حرتهم بهالاختبار الادارة .
الله يستر من الدرجات بس ، اكره شي ان الواحد يكون يذاكر مدة طويلة بعدين مايلاقي هالتعب يطلع في الاسئلة لانها كانت صعبة جدا .
عموما هذا كان قبل اخر اختبار بهابلوك ، بقى شوط ثاني بكرة واختبار اخير .

بعدين بيخلص هالبلوك ونبدأ بلوك جديد الاسبوع الجاي .
الشي الغربيب انه طار والله بسرعة مخيفة ، ف لازم الواحد ياخذ حسابه ان الوقت يطير والله .
والشي الثاني ان ( سَيمُر كُل مُر) فهمهما كان حالك ، ف غدا اجمل بإذن الله ، طبعا بالنسبة لي غدا اختبار بس يلا ماعليه .

الشي الجميل المبكي ، ان بين البلوكين مافي الا ويكند بس ، ف لازم اسوي شي استمتع فيه جداا عشان استثمره صح .

ف لو انكم مكاني شنو اهم الاشيا الي بستوونها بيومين بس ؟

شكرا لكم .