أصآبَكَ عشْقٌ !

السلام عليكم ورحمة الله وبركاته ..

كيفك يا مُبدعة ؟! يارب تكوني بخير ..

ماشاء الله تبارك الرحمن شالابداع !
انا من عُشاق الرسم السوفت بالذات السكيتش
جمالوا دائما يكون خارق , ونادر ناس تجيد دا النوع
وللاسف الشديد انا ما اعرف له >< . لكن ماشاء الله عليكي
انتي حتى انتي رسمتى بالقلم الاصفر "مستحيل اغير اسمو "
وهو صعب رسم السوفت فيه , لكن انتي ابدعتي فيه
تعقيب بسيط ع هالجمال
درجة الضل خليها متسواية بكل مستوى سطح الرسم
انتي رسمك خفيف "سوفت " وشي بديهي يكون الضل خفيف
بمعظم مناطق السطح ! لكن لو لاحظتي معاي انو درجة الضل تحت الشفة السفليه
درجته داكنه اعلى من مستوى البقية !
الفايدة من هالشغلة تُبعد البهاته عن الرسم رغم انو انتي زادها التاثير من السناب
لكن حتى بدون تاثير هي متواجد لان الفرق بين شدة درجات الظل شويتين عالي .
والشيء الثاني يعطي واقعية لرسم اكثر تقربها من الواقع .
هذة حاجة الحاجة الثانية حبيبتي ضيفي تفاصيل اكثر
صحيح رسمك سكيتش ومش فاينل ارت وكثير يتوقع مالوا داعي التفاصيل !
لا التفاصيل جدا مهمة مهمة مهمة قد ايش اقولك مهمة راح اوصل لبكرى وانا اقول
ممكن بسكيتش تستغني عن التضليل لكن التفاصيل مستحيلة
باختصار خففي يدك ع القلم وارسم معالم الشفة اكثر !
الاسنان وهي سطحها ناعم وممن تكون شبة خالية من المعالم
حاولى ترسمي لها حتى لو كان جدا خفيف
وهذة فائدة حيعطي رسمة واقعة مش طبيعية وعادي لو ترسمى التفاصيل
بعشوائية بذات بالسكتش بس الجمال الي بيطلع لك مرا رائع
يعني برسم كذا وهيكلة احترافية مثل رسمك ! نفسي اشوف
كيف بيطلع مع التفاصيل بتكون خارقة
اخصار الكلام كله
1- ركزي ع ان درجة حدة الضل تكون متساوية .
2- عطي رسمك مجال اكبر برسم التفاصل حتى لو خت من الدقة .
.
واخيرا جدا جدا سعيدة اني اشوف هالابداع منك
اتمنى اشوف لك رسمات جديدة , بجد ان اُصبت بعشق رسمك
ونفسي اشوف الكثير والكثير من هالابداع .
تحياتي الطيبة لك
.
.
.
.