~ نكـت وطرائف الثــورۃ الســوريّـۃ : )

أسماء الاسد كانت بالمسيرة شافت ولد ... قالتلو كيفك يا شطور ...

قلها أهلين خالتو ...
قالتلو انت شاطر بالمدرسة ... قلها أي ..
قالتلو طيب بتعرف نابليون ...
قلها لأ ....
قالتلو لكن لازم دير بالك على دراستك ....
قلها .. طب انتي بتعرفي الجيش الحر ...
قالتلو لأ ....
قلها ... لكن ديري بالك على جوزك ...

السلام عليكم و رحمة الله و بركاته


شكراً لك على طرح الموضوع و هاكَ نكته

بشار الاسد كان معزوم عن جماعة وهو رايح قال لصاحب البيت : شكرا على الأكل بس انزعجت من صوت نباح كلبكم ،، ما بيسكت يا أخي؟؟

صاحب البيت : هيك عادتو لما حدا ياكلّ من صحنو ،،،!!

تلفزيون الدنيا سأل ختيارة بحمص
.
.
.
.
.
.
.
.
.
.
.
.
.
.. شو يا حجة ان شاء الله ما اتضررتي .. قالت لا والله بس البيت انسرق ... قالولها ومين سرقو .. قالتلون العصابات الارهابية المسلحة ... التلفزيون انبسط كتير .. سألوها لوين رايحة هلا .. قالتلون والله رايحة جيب دهان .. ليش يا حجة ؟ قالتلون لانو العصابات المسلحة ما خلو حيط الا وكتبو عليه الاسد او لا احد.....

واحد تئييل دم ^_^

قلو ابوه روح اشتريلي شي اشربو
قلو كوكا كولا ولا بيبسي ؟؟
قلو كوكا كولا
قلو زيرو ولا عادي ؟؟
قلو عادي
قلو بلاستيك ولا زجاج ؟؟
قلو بلاستيك
قلو لتر ولا ليترين ؟؟
قلو خلااااااااااااااص ما عاد بدي... بس جبلي مي
قلو معدني ولا طبيعي ؟؟
قلو معدني
قلو بارد ولا عادي ؟؟
قلو لعمى بعيونك... بضربك هاا
قلو بالعصا ولا بالشحاطة ؟؟
قلو اخرااااااااااااااس يا حيوان
قلو قصدك إني حمار ولا كلب ؟؟
قلو انقلع من وشييييييييي
قلو مشي ولا ركض ؟؟
قلو مشي ركض زحف كواع وركب بس انقلع من هووووووون
قلو بتروح معي ولا بروح لحالي ؟؟
قلو روح احسن ما ادبحك
قلو بالسكين ولا بالساطور ؟؟
قلو بالساطور
قلو بدك تدبحني دبح ولا تقطعني تقطيع ؟؟
قلو واللللللللللللللللللله انت كارثة
قلو زلزال ولا بركان ؟؟
قلو لك يلعن روحك يا مقبور
قلو حافظ ولا باسل ؟؟

في أحد المدارس في بدايات ثورة الحرية كانت هناك مدرسة منحبكجية للصف الأول
فصارت تعلمهم أن يصبحوا منحبكجية
ثم قالت لهم مين بحب قائد الوطن متلي ؟
فطلاب الصف الأول أرادوا أن يكونوا مثل مدرستهم فرفعوا أيديهم ما عدا طالب واحد
فقالت المدرسة : لماذا لا تريد أن تكون مثلهم
فقال : لأنني سوري حر
فقالت المدرسة و هي غاضبة : ولماذا ماذا تقصد بكلمة حر ؟
قال لأني أبي و أمي أحرار
فغضبت بشدة و قالت : و فرضا كان أبوك و أمك حمقى
..
..
فقال لها بكل بساطة : سأكون منحبكجيا

شكرا لك على الموضوع الرائع
وان شاء الله النصر قريب جداً
واتمنى ان الشعب السوري الابطال يصبروا
لان الله دائما مع الصابرين
تحياتي

من زمااان ما شفنا مليونيات المنحبكجية ؟؟؟

حلوه وانشاء الله النصر قريب

بشار و ماهر راكبين بالطيارة

فطالع ماهر ألف ليرة

قله لبشار :
شو رأيك زتا من الطيارة خلينا نخلي شي واحد من هالشعب يفرح فيها ؟

قلو بشار :
هات بصرفها خمسميتين خلي تنين يفرحوا
قلو ماهر :
اسمك عجبتك الفكرة ...
هات لنصرفها ميتينات
خلي 5 يفرحو فيها

قلو بشار :
شو رأيك نخليا ميات (100) ؟

سمعهن الطيار واجا لعندن و قلن :
لك خلص أنت وياه
شو رأيكن زتكن تنيناتكون
وفرح 23 مليون واحد من هالشعب !