Struggling, The Key Of Life-Reality Understanding

هارونا/ للأسف أغلب بنيانهم كذا ملفق -.- ، عكس المسلح اللي عندنا ١٠٠٪

أنرتي كالعادة هارونا (f)


-


أذكر مواقف لي لمن كنت صغير من عمر ٤ سنين الى ٧ سنين.

هذا الموقف صار وياي لمن كنت ٦ سنين، وقتها أبوي الله يحفظه كان راجع البيت بعد ما خلص مشاويره.

ابوي جاب لعبتين لي و لأخوي، الألعاب كانت سيارات، وحدة بريموت كنترل و الثانية بدون.

عطا اللي بالريموت الى اخوي الصغير و اللي بدون حقي أنا. يومها انقهرت =/

ف طبعا هاوشته و كذا -.-" و أذكر رميت السيارة ع الأرض و ما اخذتها، أظن اني رميتها بقوة بحيث انكسر شي منها

المهم، ف نفس اليوم، لمن جا نص الليل و كانوا كلهم نايمين،
قمت من السرير رحت أخذت اللعبة و رجعت ع سريري و نمت و هي جنبي. بمعنى إني حبيت اللعبة و قتها.

ممكن الموقف عادي، لكن اللي خلآه في ذاكرتي هو إن السبب اللي خلآني آخذ اللعبة و حبيتها إني وقتها حسيت ان قيمتها معنوية اكثر من كونها مادية. بمعنى انها كانت من ابوي و انه جابها عشاني.

طبعا ما فكرت ف هالكلام و قتها، بحم اني تو صغير ما افكر بمنطقية كذا، و إنما إحساس جاني و جاب هالأفكار لراسي،

ف الموقف ف راسي للآن أتذكره و أتذكر إحساسي و قتها هو بسبب الإحساس اللي جاني بإن هاللعبة من ابوي و ذا سبب إني أتعلق فيها

هارونا + kakashi

نورتوا (f)

+

الساعةة الحين 9 و ربع ، و الشمس تو تغرب
يعني المغرب عندنا الساعة 9 يصر xD رمضان العام كان جد طويل
هنا الفرق عن الجنوب (انا كنت ف الجنوب) هو نص ساعة ف وقت اﻻذان
يعني فرمضان لو بصومه هنا ازيد نص ساعة ع الوقت اللي ف الجنوب

المهم، حجزنا ابتذكرة و الحمدلله، اسبوع و كمن يوم ماشيين ان شاء الله من هنا =$
تقريبا 12 يوم ، هالمرة بأظل هناك حوالي 57 يوم، اطول عطلة بتكون انزلها من جيت هنا

كاكاشي/ فعلآ مآ في أحلآ من شوفتهم

نورتني كاكشي 3>


+


هنا استخدمنا للجوال يصير مضاعف بدرجات عن ما احنا في السعودية. أتكلك عن غالبيتنا الخليجيين

عني انا ف السعودية استخدامي للجوال قليل جدا جدا. أما هنا ٩٪ من وقتي ع الجوال. حتى ف الحمام و انتوا بكرامة

طبعا حتى لو صرت جالس مع ناس نظامنا نسولف من جهة و نستعمل جوالاتنا من جهة

لي الحين ٦ شهور ما اكلت دجاج او لحوم xD باستثناء السمك

لسببين،

الاول، مافيه مطاعم اصحابها مسلمين، هم اللي يوفرون اللحوم المذبوحة ع الطريقة الاسلامية

ثانيا، انا ما اطبخ + ما فيه امل اطبخ


أحيي نفسي ع القدرة اللي اقر امنع نفسي فيها عن الاكل xD اصلح لسوالف الرجيم =$

شكرا للمقيمين (f)

+

أصحابي اشتغلوا شغل النذالة الحين
كل شوي يجيك احد يكلمك عن اﻻكل وﻻ اللي يجيك يصور سناب شات

المشكلة ان وقت اﻻفطار عندهم = 11 الصبح عندي

يعني قدامي 10 ساعات ع اﻻفطار xD

انا ف السعودية + رغم حرارة الجو و الغبار الا انه لاشيء كالوطن + ساعات الصيام هنا مقارنة بهناك ولا شيء، يمكن بعد عشاني نايم طول النهار هنا خخ + أقرب أصحابي من جيت و هو مسافر ف للحين ما شفته، دايما هو اول من اقابل من اصحابي + وضعي ف البيت صاير بس مع الفوضى، اخوي الصغير وراي وين ما اروح و بنت اختي دايما وراه هو وين ما راح = الثنين وراي دايما

نومي معتفس، الحين انام بعد بعد صلاة الظهر، و اصحى عند الافطار
نظام خايس و متعب، ابي اعدل نومي لكن مدري كيف -_-"

هارونا/ لا والله ما ينفع اخذ غفوة ف الليل ._. اصير تو جالس او مشغول


+

من الاخطاء اللي الاحظها ع الناس ف مواقع التواصل او برامج المحادثات بالاخص
هي الاخطاء الاملائية لعدة حروف دايم تتكر. مثلا، بمن يكبتوا فعل ف الماضي يستخدمون نهايته "ة" بدل ال "ت"، بحيث ان ال ة ما تجي للافعال
و فيه بعد "ال" اخطاء بين القمرية و الشمسية

و حرف ال "ض" و ال "ظ"

انا بالنسية لي ذول > ء ، ئ ، ؤ ،ؤو

ذول يخبطوني >.>

اسف لكل من كلموني و ما رديت عليهم
من ايام رمضان الى الان
صارت معاي احداااااث وااااااااااجد حيل / ف صرت لما ادخل المنتدى اقرا و اطلع ع طول بلا رد

هلا
رجعت خلاص، كانت عطلة حلوة و مليئة بالاحداث اللي ما تستوعبها ال 57 يوم
طبعا بمجرد العودة لهنا رجع روتيني لما كان عليه قبل لا امشي
الصراحة روتين قاتل -.-