مأساة روح {هالكه} في اوراق تائهه ~

مجريات يوم الاثنين 18\27\2



||



||

تجربه ..~

من فتره حكتلكم عن موقع واني جربت كتير صناديق , بس دايما بكونش معي الوكت لاحكي عنهم , وبديش اتأخر اكتر , حكيت عن صندوق وعن الموقع بالمشاركه هون اكبس

||

بخصوص الصندوق هدا , فهو من الصناديق اللي عجبتني كتير , وراح ارجع اشترك بس اخلّص من الكريم والصابون تبعهم , كانت تجربتي معهم حلوه , الصندوق بخصّ نحكي الشاور والعنايه بالجسم , وكمان صناعتهم ( صناعه يدوي) , اعطوني صابون و ملح للجسم لما تاخد بانيو جاكوزي وكريم زبده , الاشي الحلو ع كد ما اغراضهم صغيره ع كد ما الريحه تبعتهم قويه حلوه .. بخصوص الصابون لحد الان بستخدمه بالبيت وبعشق ريحته , خاصه قبل النوم بتعبي الغرفه ريحه حلوه , اما الملح فا للاسف كان شوي وما كانوا كفايه فا بعرفش اد جد فادوا , بس حبيت ريحه المي عالاخر , اما بخصوص الكريم فهو كريم زبده , واكيد راح يغلّب , بس زي ما حكيت , اد كنت نايمه بالبيت وحابب انام وتكون ريحتي حلوه فا بستخدمه وبصحى تاني يوم ولسا ريحته موجوده , وحتى ريحه الغرفه بتكون رهيبه حلوه , ومش بحاجه كميه كبيره من الكريم ..~ وحبيت شكل الصندوق وعلامتهم , حست كانها هديه حلوه مقدمه الي بمصاري , كان صندوق روعه ب 4 نجوم من خمسه لانه غالي شوي ..~

مع الشحن كان سعر الصندوق 22 $





||

مجريات يوم الثلاثاء , كان من الايام الزفت عليا , وصار اشي مصيري حطَم حياتي , لدرجه التلفونات ما وكفت من اهلي من كتر ما كانوا خايفين عليا وع عقلي من قوه الصدمه , بس كأنه هاي الصدمه حولتني لشخص بارد عالاخر وقلبه ميت بزياده ..~

||



اولها روحت ع (دبل شوت) طلبت فطور وقهوه , وبحب بيغل الكريم تسيز مع السالمون المدّخن

||



اول مره بحياتي بنتبه ع انهم بنببو هدا الاشي اللي بعرفش اسمه , وحبيت اوقف خمس دكايك انتبه ع كيف بيشتغلوا


||








اخوي تلات اخدني ع الشط اللي بحبه وع المناطق اللي بجبها اللي هي البسيفكا وهاف مون

||





||








||

حبيت احكي لكل واحد عم يقرا بالكلام انو عالاغلب عم بتابعني , شكرا الك كتير , وشكرا لكل حد هتّى ع تثبيت المدونه , شكرا لكل حد قيّم , شكرا الكم حجم السما .~

السلام عليكم ..~

يوم الاربعا كان اخر يوم بشهر 2 , وكان يوم عليّا كصص فيه , اولها سحبت حالي واطلعت افطر في (دبل شوت ) وبعدها اطلعت مع اختي اماني وكان علينا موعد ضيّعنا فيها ساعات وبعدها ارجعت عالبيت و مكانش عليا شفت ليل , فا يعني نمت بالبيت الحمد لله ..~

||



طلبت بيغل سالمون مدخن مع كهوه اسبريسو , خاصه لما اكون نعسانه وبدي امخمخ بشرب يا عربي يا اسبريسو .. وتبعت (دبل شوت) مرتبه عالاخر عالاخر .. تكيله ..~

||



وبعدها بكم ساعه شوفت اختي هوبز وكمان طلبنا كهوه من ستار بوكس ..~

||



||

حكتلكم الكهوه كتير بصوّرها بالسناب

تجربه ..~

اكمل عن الصناديق اللي جربتهم من موقع CRATEJOE , جربت صتدوقين اكبس و اكبس , قبل هالمره ولسا عندي اتنينن غير هدا اللي بدي احكي عنه , الاتنين في واحد منهم مش راح احكي عنه ..~

||

هاي المره حبيت اجرب اشي من زمان نفسي اجربه , بس كل مره بحكي انه سعره غالي , وبالاخر جربته



مناكير بس بكون طُبع وبحكو عنه جلْ الطُبَع .. يعني طُبع عادي عليك تحطهم ع اظافرك بدل المناكير ولان نوعهم جل فا يعني بكون قوي , هلكيت احكي عن كصه مناكير الجل , لما جربته بالصالونات كان رهيب وكد ما تشتغل وتشيل , اظافرك ما يتكحطوا ولا اشي ويكعدوا فوق ال 10 ايام متل ما هم ولا اشي رايح , بس مشكلته لما تشيله عن اظافرك , بنفعش بالاستون العادي من مره ولا بأٌثر عليه , عليك تروح تشيله بالصالوان وهدا اشي عادي , بس اللي مش عادي انو اظافرك مكان الجل بخربوا لما يشيلوهم , بتكحط وبخرب ومنظر اظفرك بصير بشع وخشن , والاشي التاني لما اعملهم بدفع فوق 30$ وبتأخر بالصلاه لانو بزعل ع انه اشيلهم بعد اسبوع , فا بخليهم 10 ايام وبكون بالذنب اني اتاخرت بالصلاه وبذنب المصاري والانانيه , مع اني بجمع الصلوات , لهيك عشان ما اعبر بحرب مع حالي , تركت من اصله اروح اعملهم بالصالون جل ..~

احكي عن هاي التجربه مع مناكير طبع , من احلى تجارب المناكير بصراحه , سهل تحطه , بس عليك تقصع ع حجم اظفرك وتلزقه , ممكن يكون مش مرتب بس مع هيك عجبني , والرهيب بالكصه انه عنجد عنجد بتحمل , يعني خليته حوالي اسبوع وما خرب , كان شوي ع اطرافه يرفع بس شوي واظن هو لما الاظفر طال , بس كان شكله حلو وهو مظهر طرف الاظفر , وكان متحمل الصدمات والمي والجلي واي شي , وحتى سهل تشيله عادي زي اي طبعه وما بخرّب الاظفر من مره , بعد ما شلته بس غسلّت وكله يا ما احلاه , بس الاشي الغريب اللي صار انو كان نوع هدول الطّبع وانا معيش خبر انهم بيلمعوا بالعتمى يعني بضوو , وهدا لما طفيت الضو التمست من اظافري وهم بيضوو , ومكنتش اعرف انام الا وقناع ع عيوني ههه , بس جد رهيبات والشكل كمان الكتابه ولسا ضايل عندي ..~

كان سعرهم مع الشحن 20$ واكيد راح اجربه كمان مره لان النوعيه بتستاهل السعر وزياده


||

الخميس كان اول يوم بشهر 3 ..~

طبعا كنت نايمه بالبيت وصاحيه الحمد لله مرتاحه وكان عليا بارت تايم , افطرت واشربت كهوه وجهزت حالي واطلعت عالشغل , وبعدها خلصت الشغل وميّلت ع البنك مشان ادفع الاجار تبع الدار , وبعدها كنت جعانه لهيك ميّلت ع محل تشانيز فود (اكل صيني ) بالحاره عنا , هو اكله مش زاكي , بس رخيص وبشبّع وكريب عالدار وكنت جعانه , المهم اكله ما يكون زنخ , طلبت اكل واجيت عالبيت , اكلت وكنت طالبه اشي من الامازون لانه كان ع التخفيظات اللي هي نحكي غلّه او ابريق للكهوه الكلومبيا , انا ما جربتها بس بحكو انها نفس اسبريسو , ولاني بحب اسبريسو ولاني عاشقه كهوه لازم اجربها , المهم اشتريتها ولسا ما جربتها لاتو انسيت استري الكهوه الخاصه فيها , راحت عن بالي , وجهزت حالي لانه كان عليا شفت ليل ..~

||



اخوي واحد كان جاي سهران , لاني اسمعته بس انا كنت نص نايمه وكنت بدي انام , مكسور عليا نوم , لان الاثتين والثلاثا كان عليا شفتات ليل ولما اجيت عا لبيت كنت احلم بالنوم بس اول ما اوصلت البيت طار النوم لان اجتني تلفونات وكصص لازم اعملها , لهيك ما نمت بالنهار , فا كعدت يومين ورى بعض بدون نوم , لهيك ما سالت عن اخوي , وانا عارفه عن شو جاي يحكي , والله يسترنا من الجاي لانه غلط غلطه كبيره والله يستر بس , المهم اصحيت لكيته مخلّص بكيت الدخان وحبيت اخد صوره لانو عجبني كلشي زي ما هو بمكانه ..~

||



هون التشانيز فود وبحب كتير ( دجاج البرتفال ) اللي هو جاج بنكه البرتقال بتصدكوا هههه , هدا اول ما اجيت هون ع امريكا واسمعت عنه , كعد عقلي لحظه يستوعب وانا اكل فيه ( هو زاكي بس يا عمي كيف زبطت ) هيك كنت اضل افكر وانا اكل فيه ..~

||

ايش اشتريت ؟..~







اسمها ماكينه الاسبريسو , كان سعرها 35$ وصارت 27$ .. اشتريتها ب 27$ , بس اجربّها بخبركم عنها

||

اليوم الاثنين وكان من الايام النكده كتير عليا , احنا ب 5 الشهر , اتكاتلت مع اخوي واحد ومع اهلي وحاله , لدرجه انو اليوم روحت ع شغل الصبح ميّلت عليه من شفت الليل , ومع كل الطوش ضليت متحمله لوكت ما وصلت معي انو بديش اشتغل الليله شفت ليل , بعرف كلامي مش مفهوم وانا ما بحكيه ليكون مفهوم , اليوم بالبيت بدي اانام بعد ترجّي من جينفر اني اخد الليله عطله , لما اوصل لمرحله التحطم بكدرش اشتغل لان ممكن اعمل مصيبه بالشغل من عصبتي وتفشش تبعي .. ومع هيك مع هيك بديش اكطع المدونه , لان وين مكان مشاكل ودايما حياتي مشاكل وبنفعش اكون دلوعه وحساسه واحرد عن المدونه , بكفي انو محدش بيعرفني هان , برجع لهدا اليوم ..~

||

نحكي عن يوم الجمعه 18\2\3

كان عليا شفت ليل , خلصته وكان عليا مشوار بخصوص الاجار مع مكتب البلديه مع سانفرانسيسكو بخصوص الزياده من الحيوان المدير , المهم ميّلت من شغلي ع مكتب البلديه وحبيت استفهم عن كصص , بعدها اجيت ع البيت وكنت طايره من الفرحه انو اليوم انا معطله , الجمعه مع السبت !! وكنت طالبه من الامازون لاب توب والحمد لله وصلني , وبعدها حكيت مع اختي اماني اد بنطلع نشرب كهوه , بس كان اقتراحها احلى بانو تيجي عندي نشرب كهوه بالدار , اجت اختي عندي وطوّلت حوالي ساعتين وبعدها ضليت بالبيت بين الافلام والمسلسلات ..~

||

في طريق الرواح ع البيت من الشغل ..~








||

اللاب توب اللي اشتريته







ليش اشريت اللاب توب وهو عندي واحد ؟

السبب باني مرات وانا برى البيت بدي واحد احمله معي بالشنته لما اكل برى البيت او اشرب كهوه او اي شي احب يكون معي اشتغل عليه , جربت اخد معي تبعي الاولاني بس ايش صار ؟ اول شي كسر ظهري لانه تكيل وتاني شي لما ارجعت ع البيت شوضويته شوفته كأنه مخبوط وحالته حاله , وبصراحه خفت عليه لانه غالي , لهيك طلبت استشاره من طازه باشي خفيف رخيص ما يتجازو 200 $ عشان اخده معي وين مكان .

بعد التجربه هالكم يوم كيف هو ؟

شو بتتوقعوا من واحد سعره 200$ ومع هيك مبسوطه عليه وماشي الحال بس اكيد مش عملي ولاشوف كم راح يصمد معي .. يسلمو ولا طازه !

||

اشي تاني اشتريته من الامازون





اللي هو فلاش اضاءه للبلفون , هلكيت عجبني بس ما يكون فوك الكميرا بالزبط , لازم يكون بعيد شوي , لان لما يكون فوك الكميرا بعطي ضباب حواليا وكت (جوزي) اللي هي كصدي سلفي , ومع هيك الضو عالي واضح رهيب من بعيد لما اوجهه ع وجهي بس من بعيد .. عجبني كتير واعطى فرق رهيب بصور جوزي , ومع هيك بعمي العيون وسعره غالي , حبيت انو فيه تلات درحات من القوه ..~ اظن هاي الشركه منيحه لهيك غالي !! مع هيك عاجبني كتير مخليني بيضى بالصور ..~

||

من مجريات يوم السبت , كبل ما احكي عنه, صور من مجرياته بدون تعليق بهاي المشاركه ..~

||















||





||

الاحد 18\4\3







||






||

عفكره اللي اكتشفته انو الناس اللي بعرفهم عالسناب بغاروا مني وبعملوا بالزبط شو بعمل , لما احط الفيسات والنقوشات والفلاتر والثيمات , كلشي كلشي , ولما اشوف هيك احكي بعكلي وينك يما ..~

كان يوم الاحد صعب شوي لان اسمعت انو تايلر مريض وعفكره حبيته هالكلب , اكتر من فلفله وكابرييه ..~