مأساة روح {هالكه} في اوراق تائهه ~

السلام عليكم ..~


اليوم هو الاحد وعندي الساعه حوالي 10 ونص بالليل || 10\21\18

؛

امبارح بعد ما خلصت كتابه بالمدونه , حكيت مع امي وبعدين مع خواتي كميرا , وبعدين جهزت حالي واتسلهت عالشغل وكانت ليله صعبه , بس ما نمت طول الليل من كتر مهي صعبه مكدرتش اترك البنت لحالها (فرجينيا ) , وحوالي ع 7 ونص الصبح لما كان ضايل حوالي نص ساعه وبنتهي الشفت تبعي , كعدت شوي الا انا نايمه , ما اصحيت الا ع صوت شب الشفت الصباحي , حكيت اخلع ليش فرجينيا ما صحتني , هكليت بعمل فساد ومشاكل , بس يا رب لأ , بسرعه جهزت حالي بس ما مشطت شعري , حطيت هالطكيه ع راسي واطلعت , واتاخرت ع الباص الاول , والاوبر كان غالي , حكيت بديش اوبر , حوّلت طريكي لباص تاني والله هوّنها عليّا الحمد لله , وانا بالباص كنت احكي مع امي , وكنت اقرأ , واوصلت البيت حوالي 9 ونص الصبح , مكنتش جعانه ولاحتى نعسانه , بس كنت تعبانه اشي مش طبيعي , اجيت رميت حالي عالتخت وحضرت ساده بعيّط عشان محكيتش معه وكاعد بتحركش فيّا , عفكره جسمي كله مشطّب من حضرته , لانو بضل ينط عليا ويلعب معي وانا نايمه , او وانا اتحرك , او انا كاعده , المهم كل ما بشوفني الا ما يصحلّي خفشات منه , لانه زنخ اشي مش طبيعي صاير , واد محكيتش معه يضّل ينادي , بعدين اجاني تلفون من اختي اماني , اليوم كان حد من معارف اهلي بده يجي عنا , واتفكنا امبارح انو ما نعمل غدا اكل , هو انا اللي ضليت ورى الكل انو لشو نعمل اكل , لانو عنجد بديش اتعب واتعبهم والطبيخ في العزايم حاله وعجكه وانا بالاصل بكره حد يجي عندي , ف كيف اعمل طبيخ , لما اماني اتصلت حكتلي كال " طولي اللحمه من الفريزر بدنا نطبخ للضيف , وروحي شوفي المسج اللي امه الضيف باعتاه " حكيت طيب وانا مفكعه معي , طولت اللحمه وروحت اشوف المسج اللي امه باعتاه , ينعن شكلها امه , عنجد يعني اللي استحو ماتوا , كال بتحكي بالمسج انو نحترم ابنها وكل هالحكي الفاضي , انا لما قرأت المسج كنت بدي اكسر البلفون , والله ناس اخر زمن , هدا الناكص , حد يتفلسف علينا كيف نتعامل , والله شغله , طبعا ضل الحكي بتمي لوكت ما اجو عندي خواتي عالظهر , وخواتي حكو فش اشي بكلامها ؟ فش اشي ؟ لا حول ولا قوه الا بالله العلي العظيم , قبل ما يجيوا خواتي , ضليت عالتخت اتحرك واتكلّب لانامي وعالفاضي , وبعدين بحدود الظهر اجاني طلبيه من الامازون , وضل يرن بالجرس تبع البيت ينعن شكله , وسبحان الله كل شخص في رنه مميزه , يعني بعرف لما ايمان تيجي عندي من الرنه , وبعرف اخوي واحد , وبعرف لما تيجي اماني , لانو كل واحد برن شكل , بس هاي المره معرفترش مين , وطلع الامازون , اخدت الطلبيه , الا اختي اماني بتصل وبتحكي اطبخ اللحمه , حطيت اللحمه , وحكيت هلكيت بكدرش انام والغاز موّلع , بعدين اجاني تلفون من اخوي تلات انه بالطريك , اجى وبعد بشوي الا خواتي اجو , اجتمعنا وهم عملوا الاكل , وحضرت الضيوف شب مع مرته واولاده , وكان واعدنا ع 2 وبعدين اتصل وحكى ع 3 , وحضرته اجى ع 4 , يعني انا شوي بدي اقتله , لانه ربطنا , طيب كعدنا وملان حكي صار, بس انا صبيه عنجد بحبش اتعامل مع الناس لاني صريحه وبعجبهومش كلامي ودايما بالجلسات اللي بتصير بحكو عني كويه , كويه تطلع بعيونهم وارتاح منهم عمى يعميهم كلهم كلهم , لهيك بكون احكي لخواتي هي انتو موجودين ليش اطلع اسلّم واكون بالجلسه , بحكو لازم كال انا اغيّر من حالي , لازم اجامل وانافق واخفف من جواباتي , بديش .. لا اريد , عمى يعمي كل حد مش عاجبته ولعمره اعجبهم , هدا الناكص عشان امشي والكل يحكي عني منيحه لازم انافق , بديش ..~
بعدين خواتي اتسهلوا , وضلوا الضيوف حوالي كمان ساعتين بعد ما خواتي راحوا , انجلطت وانا كاعده معهم واخوي تلات , بس الاشي اللي عنجد ضحكني هو انو الشب بخاف من الهرر , ههههه , عنجد سامحوني بس اد كنت شب وتخاف من الهرر وصار موكف كدامي , انا عنجد مش راح اوكف ضحك عليك مين ما كنت , الشب وكف لما ساده اجى هيك ركاض عليه , اخ يا ربي كعدت اضحك وبصوت كمان .. وبعد ما راحوا , بتعرفوا العزايم جلي ليوم الجلي , الحمد لله اني الليله انا نايمه بالدار , وهيني ..~

||



؛



هدا هو الشط المفضل عندي لحد الان , وهو اول شط شوفته لما اجيت ع امريكا , وهو كان جمب بيتي الكديم اللي كنت مستأجره , كان بعيد بس عشر دكايك مشي وكنت دايما اروح عليه وخاصه لما اكون مدايكه , من فتره خواتي حكو بدهم يروحوا عليه وما صدكت وكديش انبسطت , في هدا الجبل بالصوره التانيه في مغاره صغيره بس مش مبيه وهي مكاني السرّي اللي دايما كنت اروح اكعد فيه وما بتسع الا اتنين , كتير كنت اتسلّق الجبال هاي وانزل عالشط لانو فش كتير عالم عليه هدا الشط , لانو لازم تتسلق الجبال , فش طريق سهله من مره , وكنت لما اوصل البيت اصحى تاني يوم مش كادره امشي لانو اجريّا راحين فيها واكل مسبات من امي ..~

السلام عليكم ..~

اليوم هو الاثنين والساعه هلكيت حوالي خمسه واشي العصر || 10\22\18

عفكره هدا الشهر من اسرع الاشهر اللي مر عليا ..~

اصحيت حوالي ع 7 الصُبح اليوم لانو في عليا شفت صباحي بارت تايم , وكنت ناويه اليوم اني اروح عالشغل بالسياره , امبارح سألت الكل "ايش رأيكم ؟" الكل بدوش عشان ما روحت قبل هالمره بالسياره عالشغل فا يمكن ما اعرف الطريك , واخربّط بالشوارع وهيك كصص , محدّش فيهم شجعني ولا حتى امي وابوي , وغير انه اخوي تلات كاين حاكي لاهلي انو " مير بتسرع وهي بتسوك " لهيك الكل كان معارض , طيب يا ربي ليش اخدت الرخصه ؟ الكل حكى " عشان مشاويرك الكريبه والكصيره بس " ومع هيك اصحيت الصبح وانا لسا مش مقرره اد اروح بالسياره ولا بالباص ؟ وحكيت بديش استنى , بديش ! لهيك اتوكلت ع الله وحكيت يا رب تحميني , المشوار من الدار لشغلي بده حوالي نص ساعه مع ازمه السير , وراح امشي من شوارع ولا عمري مشيت عليها , صح راح استخدم الجي بي اس , بس الكل كاين خايف , ما حكيت لحد بدي اروح بالسياره , جهزت حالي , واخدت فطوري معي , واطلعت قبل موعدي بساعه , عشان اول مره حكيت احسن يصير ما يصير , اجيت اطلع من الدار مفاتيح الدار ضايعين , حكيت مستحيل بالعاده بحطهم بالشنته , برميش مفاتيحي او بحطهم هان او هان لانو بعرف في صغار بيجيو عالدار , حكيت يعني هدا اشاره اني ما لازم اروح بالسياره ؟بعدين اتزكرت انهم بالشنته التانيه , الحمد لله لكيتهم وسحبت حالي واتسهلت عالسياره , وحكيت يا رب محد يتصل عليا لانو بديش حد يعرف , والحمد لله , الله هونّها عليا , وكنت مبسوطه وانا اسوك , ومركزه عالاخر , ومكنتش خايفه , بعرفش كيف مكنتش خايفه , انا خويفه بشكل من كلشي بعمله , اوصلت عالشغل قبل بنص ساعه وكان في تنظيف الشوارع مكان ما بشتغل , وكعدت ربع ساعه وانا الف بالشوارع لمكان فش تنظيف وكان بعيد عن مكان شغلي 3 شوارع , اخ يبي شو انجييت واتعبت , افطرت وانا بالسياره , وانزلت منها واتسهلت عالشغل , والحمد لله كان شغل خفيف , وقبل ما اطلع من شغلي بساعه بعتت لخواتي اني روحت عالشغل بالسياره وشو مخططاتكم اليوم , حكو راح يجيو عندي عالدار , خلصت الظهر شغلي , وكنت استنى استني عشان اروح اسوك , وانا بطريك الترويحه كنت الحمد لله كديش مبسوطه اني بسوك وكديش مبسوطه الهوا بلعب بشعري وانا بسوك واني مش خايفه , الاشي اللي دايما بتزكره وانا اسوك هو الموت , اوصلت الدار والحمد لله كمان لكيت مكان اصف السياره جمب الدار , ولكيت خواتي بستنوني باب الدار , ولما فتحت الباب الرئيسي دخلنا كلنا ع الكراج , وانتبهت انو باب الدار واكع , ويالله كديش بوكع هالمفتاح , لهيك من شهر وصيت على علّاقه مفاتيح بس لانها من الصين لسا لليوم الحمد لله وصلت , ونفلت كل الشنته تبعتي عالارض ومش لاكي المفتاح , دوّرت بالسياره كمان مش لاكيه , وخواتي تطلعيتهم ووجهم بتحكي " تزعليش يا مير ولا تتنكدي , واوعك توكفي سواكه " لانو انا هيك لما انبسط ويصير اشي مش منيح معي بخاف انبسط كمان مره , بعدين اتزكرت انو معي مفاتيح باب غرفتي من الحوش , لهيك اطلعت فتحت باب غرفتي من الحوش ومنه فتحت باب الدار , والحمد لله اتهونت عليا , افطرنا واشربنا كهوه , وحكينا مع امي وابوي , وبعدين حوالي ع 2 اتسّهلو خواتي , واجى اخوي تلات شوي عالدار , وطلع حوالي ع ال 3 , وحوالي ع 3 اتصل عليا اخوي واحد وصارلي زمان مش شايفته , اظن من وكت تامين السياره , حكى معه كم ساعه قبل ما يروح عشغله اد انا بالدار بده يجي عندي , وكانت الشمس اليوم حلوه , لهيك اطلعت كعدت باب الدار ع العتبه لاني من زمان مش كاعد بالحوش عشان ساده بهرب وضاع قبل هالمره , لهيك بطّلت افتح باب الحوش , وانا صبيه بحب اكعد برى البيت اد بالحوش او باب العتبه , كعدت اتشمست حوالي عشر دكايك الا اخوي واحد جاي , وكتير حكي وكصص حكينا , وخاصه انو حبي بمشكله وكنت بدي اشوف اد اخوي بعرف اشي انا بعرفوش , بس طلعت انا بعرف شغلات هو بعرفهاش , وحوالي ع 4 ونص اتسهل , وانا بسرعه جليت الجلي ورتبت الدار ونشرت الغسيل وهيني اجيت احكي ...~
صايره احس انو المدونه دايما بتنادي عليا , وصارت زي روتين يومي !
||


في "طيب ماشي" بمعنى تمام , وفي "طيب ماشي " لاورجيك

؛

السلام عليكم ..~

اليوم هو الثلاثاء والساعه 5 واشي || 10\23\18

اليوم من الايام اللي كانت جايتني ساعتي , يعني مكتئبه ومنكده ومش طايك حالي او حد وكله بدون سبب , امبارح بعد ما كنت عالمدونه , كان عليا شفت ليل , جهزت حالي واطلعت عالشغل , ودايما بروح عالشغل تبع الليل في اوبر , وكان في تنتين ضلوا ساعه كامله طول ما انا في الاوبر وهم يحكوا , عنجد شو وجعوا راسي , وانزلت حتى قبل مكان شغلي كم شارع , حكيت خليني امشي بالليل بالهوا والجو الحلو , لاني شوفت حالي ضايل ربع ساعه لبدايه دوامي , وجكر في (دون) بطلت اروح بدري عالشغل , حتى لو انه انا عملت مشكل معاهم ومن بعدها صار هو يجي بدري قبل الموعد في عشر دكايك , بس مع هيك لسا بدي اعد كل الايام اللي هو اتاخر عليا , حقوده انا , حتى اليوم اتصلت عليا جينفر وحكتلي اني ما اتاخر ولازم اكون قبل موعدي , لانو عرفوا اني صرت اعملها جكر , بس بديش ارد عليهم , ويطردوني زي ما هديك الشركه عملت , عادي فش اسف ع شغلي , وكانت ليله صعبه , بس كنت مجلّده بالشغل , يعني كد ما كانت الليله صعبه , كد ما انا مش فارك معي ومش معصبه , حتى امبارح زعلوا مني لاني وانا بالشغل مكنتش متابع معهم وهم يحكو وينادوا ويسألوا , وانا مرات مطنّش ومرات بحكي , لاني كنت متابعه مع حلقات فريندز , تبعت لما يعرفوا بكصه مونيكا وتشاندر , وكصه رووس, ولما فيبي تحكي " عيوني عيوني لما تشوفهم " عنجد امبارح مكدرتش الا اني اضحك واطنّش الشغل , حتى شوفت كارمليتا من اخرمره شوفتها الاسبوع الماضي وكت الطوشه واعرفت انهم اتصالحوا , وكنت متاكده انهم راح يتصالحوا , بس انا خلص كرفان (دون) وهو ملاحظ هالاشي , خلصت الشغل الصُبح وكنت تعبانه غير شكل , بعرفش ليش , مكانش فيا حيل امشي او احكي ..~
اطلعت من الشغل كالعاده ع 8 الصبح, وحكيت خليني اخد الاوبر لاني تعبانه , بس بعرفش كيف انسيت وضليت ماشي على موقف الباص , وكالعاده الباص سبقني , بس بزعلش من هدا الباص لانو بيجيو كل خمس دكايك , وحكيت مع امي بس كنت تعبانه ومكنتش عندي بال احكي , لهيك حكتلهم يسامحوني بحكي معهم بعدين ,حتى الكتاب ما طولته قرأته , مع انه كان نفسي اشوف شو بده يصير , ضليت بالباص عين مفتحه وعين مغمضه , وبالعاده باخد باصين لاوصل البيت , حمدت الله انو محدش اتصل عليا من اهلي او خواتي , وكان في شغله شاغله بالي الها كم يوم , ومأثره عليا , وبضل افكر فيها , اوفت شو اتعبتني هالشغله , اوصلت البيت , وكنت جعانه غير شكل , وكان اخوي عامل ستيك لحمه , وانبسطت لاني بعشق الستيك , ما لسا بجهّز بفطور الا امي بتتصل وحكتلها "بدي افطر وانام بحكي معك بعدين " بحكيلكم اليوم بديش احكي مع حد , ما افطرت واجيت ارمي حالي عالتخت الا جرس البيت برن , حكيت اخلع مهو محدش بعت مسج انو بده يجي عندي , كانت ايمان وشافت كيف وجهي , وجهي بحكي ليش اجيتي ؟ اجت هي وبنتها الصغيره , وبنتها الصغيره الله يخليلها اياها بتلعب كتير وبتخرّب , وكانت الدار زي الورده انا مخليها , وبحبش ارتب الدار وانا بكون عليا شغل لاني بتعب اشتغل جوى الدار وبرى الدار وفش نوم , اختي ضلت عندي للظهر , وكانت مع تلفونات مع اصحابها ومع امي , يالله هالبينت شو بضّل تستخدم البلفون وشو بضّل تحكي مع الناس وشو بتصاحب , بحكيلها كيف بتحبي وجع الراس انتي ؟ وبتحكلي "اتعرفي ع هاد واتعرفي ع هاد وهاد بده يتجوز " كصه الجيزه مشكله بحياتي , حتى اليوم هي جابت سيره حبي واني مش راح الاكي حد متله اتجوزه وانه هو وكت الجيره بصير شخص تاني وكل هالحكي , كله بأُثرش عليا لاني بعرف شو انا وشو هو وشو بدي , او يمكن بعرفش شو بدي , بس عنجد كصه الجيزه بالدار بتعملي نكد , اخر شي حكتلها "تأخرتي ع بنتك خلصت الجامعه يلا اطلعي من الدار بدي اانام ولك يلا " وحكتلي "شو كاعده بتطردي فيا" حكتلها "اه " , واتسهلت واخيرا , والله ما اجيت ارمي حالي عالتخت , الا بلفوني برن وكانت اختي اماني , حكيت اخلع , حكيت لاختي اماني " شو بدك تيجي عندي ؟ " وانا من جوى مش عاجبني الوضع , حكت "لأ بس في مشوار بده تروح عليه , من هان لساعتين اد راحت بدها تاخدني معاها " حكتلها "طيب انا بدي انام ساعه عالاقل وانتي بس تجهزي بتتصلي عليا عشان اطلع " , وسالت اد هي تيجي تاخدني ولا انا اروح بالسياره , حكتلها بروح بسيارتي احسن , بس ضليت نايمه وهي ما اتصلت , ولما اصحيت لكيت مسج منها ليوم تاني بنروح , حكيت احسن , واصحيت اكلت , وما خلصت الاكل , وبدي ارجع اعيد بفصول مانغا اللي هي مدمنه لعليها صايره , الا امي بتتصل , ما رديت عليها , لسا صاحيه من النوم والاكل بتمي وبديش احكي , مهي طول اليوم وهي تحكي مع ايمان وهي عندي , شو نامت كم ساعه واجت , رنت كمان مره , وكمان ما رديت بعدين حسيت بالذنب , روحت ارجعت اتصلت عليها وحكتلها" كنت نايمه , وليش هي مش نايمه , وفش عندي اخبار لا شوفت حد ولا اطلعت " وحكت خلص لعاد الحك عليّا صحيتك من النوم , وكد ما فهمتها اني كنت صاحيه يا يما , عالفاضي هي مفكره هي اللي صحتني , وحكت " روحي يا مريم كملي نوم " وعالفاضي كد ما احكيلها انو خلص مش راح اعرف ارجع انام , وراحت امي الله يساهل عليها , بس عندي طبع زفت عندهم وهو الكل بكرهه , اد حكى حكالي" بده يروح " بحكيله "الله معك " مين ما كان , بكعدش امسك بحد , بحكيش بعكلي " هو بس حكي بده يروح بس من جوى بده احكيله لأ ضلك " لانو عنجد عندي اصحاب بحكولي " بدي اروح " بحكيله "طيب" برجع بحكيلي " حيوانه " " لهدرجه بدكيش تحكي " " ليش مستكلعه مني " طب ما انت اللي حكيت بدك تروح , انا يا عالم بتعبش حالي عشان افهمكم , او عشان اعرف اقرا شو بعقلكم , وحكتلكم ع بلاطه كوني معي ..~

||





يعني عنجد بديش اقارن حالي في حد , حتى في الشغلات العاطله فيّا , وانا راضي بكل شي عاطل فيّا , بالاصل بحبه , وراح افتح محلات فيه كمان ..~

؛

https://f.top4top.net/m_1029ornj61.m4a

السلام عليكم ..~

خليني احكي عن مجموعه من الفضه تبعتي ..~

حكيت قبل بالمشاركات هون و هون و هون ||..~

؛

في العاده عندي هدا الصحن حاطه على طاوله التلفزيون بغرفتي , وكلشي بلبسه بالايام وبكون مستعجله اني ارجعه مكانه , عشان ما يضيع بحطه بالصحن , وكل ما افضى برتبهم مره واحده , يعني كل اسبوع او عشر ايام ويمكن اكتر , وحكيت قبل ما ارتبهم اليوم , اورجيكم ايش البست خلال الاسبوعين هدول , في منهم ما صوّرتهم لانهم موجودين بالمشاركات الكديمه ..~



؛



هدول سلاتات وبعشقهم ودايما بلبسهم بشكل يومي , مرات بشيلهم لما انام بالدار , لاني كتير بصحى بالليل من ساده وهو يلعب فيهم بإيدي , ونفسي اشتري كمان وكمان لان بحب السلاتات وبحب الصوت تبعهم , بس مش لاكي ..~

؛




كطعه مش فضه وتبعت امي , بس انا صبيه بلبس كلشي تبع امي وباخده حتى لانو بزكرني فيها , مش كتير بلبسها لانها بضّل تسحل وتتحرك ..~

؛



الخاتم البني اللي ع اليمين هدا كمان بضّل بإصبعي بشكل يومي لانه تبع امي ولنفس السبب , بشيله مرات اد بدي اجلّي لانو صعب عليا البس الكفات تبع الجلي وهو باصبعي ..~

اما الخاتم الاخضر فهو من المفضلين عندي كتير كتير , بلبسه للتشخيص ..~

؛




بلبسه بشفتات الليل وخاصه لما البس اواعي لون واحد , وهو فضه وحجر من الاحجار تبعت الحكي الفاضي , اخضر وخفيف وعملّي وملفت للانتباه ..~

؛



كمان فضه وحجر وخفيف وعملّي لشفتات الليل وابيض , بش مشكلته انو كتير ناعم , لما البسه بلبس سنسال ملفت عشان يغطّي على نعومته ..~

؛



فضه تكيل وحجر بنفسجي جواه من احجار الحكي الفاضي , بس هدا الحلق كل ما البسه واتصور بيعطيني حظ بالصور , مشكلته بس انه طويل شوي , بس لو رقبتي اطوّل كان كتير احلى ..~

؛



اووه هدا رهيب عندي , كل ما البس كحلّي بلبسه , فضّه وحجر كمان , وكديش بحلّي وجهي , خاصه لما احط الايلانير بحسه بعكس عليه , كتير بحبه , وكتير بلبسه للتشخيص , صح تكيل كتير بس ثابت ..~

؛



اووه لكمان واحد رهيب عندي فضه , كديش بحب البسه وكديش ملفت للانتباه , شو حلو لما انفل شعري ويتحرك مع شعري , مشكلته الصوت , جرس دايما صوته مزعج , بس مع هيك دايما بلبسه للتشخيص ..~

؛

اخر كطعه هي



هدا اشتريته من هان من منطقه " مدينه اليابان " وغالي , عليه الساكروا حفر على الخشب ومدهون باللون الاحمر وماده تخلّي الخشب مقوى قريب ع بلاستيك, صنع يدوي , مع الفضه من ورى , وهدا الكل بضّل يتفلسف عليا لما يشوفوني لابسته , انه شو اللون , وشو هالشكل , ومع هيك عنجد بحبه , وبحب البسه , بحب شكله الغريب , مشكلته اد كنت نافل شعري كتير شعري بعلّك فيه , لهيك لما البسه ما بنفل شعري , وتكيل ..~

؛

كصه احجار الحكي الفاضي *
هي احجار كفر اللي بتعطي طاكه او هاله لتبعد الشر والعاطل عنك وتجذب المنيح !

وبس .|.~

السلام عليكم ..~

اليوم هو السبت وعندي الساعه حوالي 1 ونص العصر || 10\27\18 ..~

اجيت بدي اعمل تسجيل صوتي بس ما اجى عبالي احكي , لاحكي عن مجريات هاليومين الهاديات الحلوات .

بالنسبه ليوم الجمعه اصحيت حوالي 8 ونص الصبح لاني كنت نايمه بالدار ونمت بدري بعد ما اخدت دوا كحا , نمت حوالي ع 9 ونص بالليل , لانو الي تلات ليالي بشتغل برى وبنام ساعه بالنهار بس , حتى اتصلت عليا جينفر وحكتلي " جهزي حالك لتشتغلي يوم الجمعه " حكتلها " نعم ؟!" انا اشتغلت يوم الاربعا بالليل عشان ما اشتغل يوم الجمعه , لما شافتني هيك حكيت حكت " خلص انا بدبر حالي " اكيد بدك ادبري حالك محنا هيك اتفكنا انو تبديل الليالي بيني وبين كارمليتا , بعد ما اصحيت عملت فطور , وافطرت , وعملت كهوه , واتصلت ع امي محدا برد عليا , حكيت يمكن رايحه عند دار سيدي تسهر , او عندي اخوي وبناته , يوم الجمعه بالعاده هي بتزور اهلها , لهيك اشربت الكهوه وكعدت اصفن شو اعمل اليوم , لانو لما شوفت خواتي الخميس اتفكنا ع انه يوم الجمعه مش راح نشوف بعض , وكنت ناويه اني انظف الحوش تنظيف مرتب لانو عنا فيه شجره انجاص , وبضلوا يوكع عالارض هو والوروق وكتير بوسخ الارض , وغير انه الحشيش بلّش يطلع ع الورد , وشوفت انو منظر الحوش مش مرتب , بما انه بديش اطلع , وبدهومش خواتي يجيو , حكيت ان شاء الله اليوم راح يكون للحوش , وبعدين امي اتصلت وكعدنا نحكي , وحتى ابوي حكى معي كمان , وبعد الظهر لما صار في ظل ع الحوش اطلعت عليه , بجبش اشتغل بالحوش ولسا في شمس لاني من النوع اللي بنصبغ من الشمس بسرعه وبحبش اسمّر لاني بدون الواسطه سمرا , وكعدت حوالي ساعتين وانا اشيل الحشيش وانظف وعنجد ظهري انكسر , وشو مر عليّا انواع حشرات وعناكب وكصص , ولما اشوفهم اكعد اضحك لانو اتزكر الناس اللي تخاف منهم , واتزكر المواكف اللي صارت معاهم كدامي , حتى طلّعت ساده معي , اول ما اشتريت ساده , طلّعته وراح حضرته هرب وغاب حوالي ساعتين وحكيت ضاع , لهيك بعدها حرّمت اطلّعه عالحوش , بس امبارح قويت قلبي وطلّعته , واول ساعه كان بس ع الدرج وحواليّا ولسا خايف , بعدين لما اخذ عالوضع بلّش يبعد وبده يروح عند الجيران , حملّته ورميته بالدار وسكرّت الباب , ولف من شباك المطبخ يعيّط , ولا سألت , كملت التنظيف , وبعدها لقطت ورد من اللونضى اللي هي مفضله عند اهلي , وحطيت بمزهريات , بعدين اتغديت وشوفت حلقه من دراما , الا صارت المغرب , اسهرت مع اخوي تلات , بعدين اسهرت لحالي لنص الليل بس هيك كهوه وصفن واغاني ..~
كديش بحب هيك ايام

اصحيت اليوم السبت الصبح حوالي ع 10 ونص او 11 الصبح , بالعاده بحطش تلفوني صامت انا ,بس بعرفش امتى حطيته او طبيت فيه بالغلط , المهم اصحيت ولكيت ع بلفوني حوالي 5 اتصالات , خوفت , وكانوا من امي , انا صبيه بكره البلفونات من الاصوات تبعات التنبيهات او حتى الاشعارات , لهيك بلغي التنبيهات من كل التطبيقات الا من خواتي بس , اما بخصوص الاتصالات دايما مفتوح على كل التطبيقات لانو اي حد بده اشي معروف بس اتصل عليا , خاصه بالطوارئ , يعني عندي صاحباتي لما يكونوا عنجد بحاجتي ما ببعتتوا مسج , عطول تلفون , خاصه انناس وصوص , لانو بلفوني مش دايما بايدي الا لما بقرأ المانغا , المهم ارجعت ع امي وبتحكي" وينك خوفتيني ؟ "حكتلها و"الله يما سامحيني كان صامت " بحكيلكم بخاف اخوّف امي لانو صحتها ع كدها , ولانو بالعاده يعني لو ما رديت من اول مره برد بعدين , وكاينه تتصل من ساعتين عليا , المهم كان في شغله مش منيحه صايره , وامي جايه تفضفضلي وزعلانه ومكهوره , كعدت حوالي ساعه معاها , بصراحه انا بعرفش اخفف ع حد , لاني مش خياليه ومش لبقه , ولاني واقعيه , بكدرش اكون حالمه معك لما تحكيلي عن احلامك , وبكدرش اعطيك امل لاني مش مؤمنه فيه بالاصل , ولا بحكيلك انو بكرا راح يكون احلى , لانو مش راح يكون , انا مدمره لاني عايشه بالدنيا بالاسباب والاثبتات اللي بتصير والتجارب , ومع هيك وهي تحكي معي , انا من النوع اللي بسب وبغلط وبدعي وخاصه اد طب في اغلى اشي عندي اللي هي امي , وانو مفش اشي عليه اسف , يعني اكيد راح احسسها انها هي ما خسرت وانو والله لو انه خير لبقى والله , فش خساره والله . وخلص نصيبنا صعب الدنيا , واحنا احسن من غيرنا الحمد لله , بعدين افطرت واشربت كهوه , وانا اشرب الا هي كمان مره بتتصل وكمان لسا مكهوره , وعفكره الكاسه الاولى مش مصحصح عليها , بس اخلص من المدونه بدي اعمل كمان كاسه , وبعدين اجت عيني على مانغا ع الرف عندي بعشقها كتير , حكيت بدي اعاود ارجع اقرئها من جديد , بلشت ومشيت وخلصت الفصل الاول وحتى وانا اشوف شو الجديد بخصوصها لكيت في انمي من حلقتين عنها , عطوّل حملتهم , وحتى لكيت عاملين مجموعه من اعماله للكاتب انمي حوالي 12 حلقه حملتهم , لانو الكاتب عندي تلات اعمال مانغا موجودين الرف وكل فتره بحب اقرائهم ,و هيني ..~



؛




هاي الضمه الكديمه من حوالي عشر ايام , بس لسا مش شايلها

؛



هون في المطبخ لما بلشت بدي احط الورد

؛



لما جهزتهم

؛



واحده بغرفه اخوي تلات

؛



واحده بالصاله

؛



واحده بغرفتي

؛

"خليكم اتزوجوا انتو , وانا خلي امي تبهدلني " ..~

السلام عليكم ..~

اليوم هو الاحد والساعه 7 ونص المسا || 10\28\18 ..~

؛

امبارح بعد ما كنت عالمدونه , بلشت اشوف بفلم ياباني تابع للدراما اللي كنت اشوفها ويالله شو كان فلم بايخ , عفكره زمان عن الافلام الحلوه , وعن البروجكتر , الي فتره مش شايفه اشي حلوه ومش بتعب حالي لاشوف اشي حلو , فد بضّل تيجي ببالي بس مش جاي عبالي احكي معاها عشان اسالها عن المقاله اللي هي بعتتها , لاني وانا اقرأ فيها كتير حرقت عن مجريات الكتاب البقرأ فيه حتى لو شوفت دراما عن الكتاب بالاول , بس بعرفش حسيت بالمقاله كتير حكي ما راح يعجبني عن الكاتب وانا بحب الكاتب كتير حتى بعشقه , مش عارف يمكن الليله اسهر ع المقاله واكمّلها واشوف شو بصير معي , بعد ما خلصت الفلم جهزّت حالي للشغل لانو كان عليا شفت ليل , ويالله شو هالليله هاي , من الليالي الزفت الزفت الزفت الزفـــــــت , بالاول اخوي تلات اجي عالبيت بدري لانو اشي مش منيح صار معه وكان منكّد , معرفتش اخفف عنه , اخ بس ليش انا هيك بعرفش اخفف ع حد , عملت حالي معيش خبر بالكصه اللي صارت , واخوي هو من الناس اللي بتحكي كتير كتير , بتعرفوا كيف في بنات بيحكوا كتير كتير وبزهكّوا الواحد وهم يحكو , هو من الشباب اللي بيحكوا كتير كتير , اللي بحكوا انو الشباب كلامهم قليل , لأ يا روح امك في شباب بغلبونا بالكلام وهو من هدا النوع , بس امبارح ما حكى ولا كلمه , ضل طول الوكت ع التلفزيون وحتى بشوف اجنبي ؟؟! هدا الاخو بحبش الاجنبي , بالاصل بحبش التلفزيون , واد فتحه ع الرياضه والاخبار , هو الاخو الوحيد اللي بحبش الاجنبي او الافلام , احنا عايله بنحب الافلام , بعد ما شوفت كيف حالت اخوي , حكيت اطلع عالشغل احسنلي لانو فش بايدي اشي , طلبت الاوبر , ولانو اسبوع الهالووين يالله ما احلى الناس ولبسهم , اوصلت االشغل وكان في شفت النهار واحد اسمه صعب عليا (فرهيليوا) بس هدا الشخص ما صارله كتير بيشتغل معنا بس منيح وبتمنى يصل منيح مش يصير زي (دون) الحيوان , اوصلت قبل ال 8 بربع ساعه ولانو (فرهيليوا) عبرت عالشغل وما لفيت بالشوارع , حتى لكيت (فرجينيا) موجوده , بلشّنا الشفت , (فرجينا) هاي الليله الرابعه الها ورى بعض , وحكتلي انها "كتير تعبانه واد بتكدر ترتاح نص ساعه " , حكتلها " اه منا نايمه بالدار ومش تعبانه , وخدي حتى اد بدك ساعه " راحت تاخد البريك وبعده بنص ساعه اجت علينا تفتيش , يا حبيبي , حوالي ع 11 ونص بالليل اجت (ستفاني) اللي هي مسؤؤله واللي هي سبب عن ترك 7 معانا من الشغل , حتى (دون) بكره الشغل بس عشانها من كتر مهي مجننته , والحيوانه (ستفاني) جايه تفتيش من الباب الخلفي , اتصلت عليّا وبتحكي " افتحي الباب الخلفي !" يا حبيبي لما اسمعت صوتها ولما اسمعتها هي بتحكي , حكتلها " الباب الخلفي , هيني جايه " وبسرعه صحيت (فرجينا) وحكتلها انو ستفاني اتصلت عليا وحكت افتحلها الباب , فرجينا كانت لسا ملخومه , ووجها منفّخ عالاخر , حكتلها " روحي غسلي وجهك " ما اجيت عالباب الخلفي الا لكيت ستفاني بوجهي , يالله فكرتها ابعد شوي من الباب , مش عنده بالزبط , خوفت تكون سمعت شو حكيت مع فرجينا , وحضرتها ضلت عنا ساعتين بنت اللزينه , ضلت حوالي لل 1 ونص او 2 الا اشي بالليل , جلطتنا في الفلسفه وانو نعمل هيك وما نعمل هيك , وانا وفرجينا نطلّع ع بعض بدنا نكتلها , كنا مش شايفين الفضى , بعد ما انكلعت لسا مصدومين منها ومن اللي صار , وبعدين فطسنا ضحك ع حالنا , عاد الله اعلم تشكي علينا , تفصل حد مننا , الله اعلم ! واجاني مسجات بالليل من صديق كديم , كديش انبسطت من كلامه , احلى كلمه هي " زمان عنك يا مريم -_- " كان نفسي اتصل عليه واحكي معه, اخ بس مكدرتش لانو ما افضيت من مره , , لانو امبين عنده حكي مشوّق وحلو ,لما اجى الصبح طبعا محدش فينا اخد بريك , كنا تعبانين , راسي بده ينفجر , صرت شاربه طول اليوم 4 حبات ادفل ..~

؛

اطلعت الصبح من الشغل ومن كتر تعبي اليوم ما روّحت بالباص , طلبت اوبر , والله بحبني مكانش غالي , وكمان اجى بس بعد دكيكتين , كان الصباح حلو , تبع الاوبر حاطط موسيقى كلاسيكي اللي بيانو و كمان , كديش كانت الموسيقى حلوه , خاصه لما تيجي المقاطه الكئيبه , وخاصه انو كان الجو الصبح رهيب , ولانو الاحد الشوارع فاضيه , عنجد هالنص ساعه بالاوبر كانت حلوه وخففت كل تعب الليل , الصباح المليان ضباب وموسيقى كئيبه وشوارع فاضيه واوبر سريع , كلشي حلو حلو , اوصلت البيت , ساده كعد ينطط عليا وفش فيا حيل احكي معه , رميت حالي عالتخت , فش فيا حيل حتى اتصل ع امي , وانا بالتخت ساده يعيّط , وينط واضربه ويرجع يفكرني بلعب معه , بعد بحوالي عشر دكايك الا امي بتتصل , حكيت معاها انو اجى تفتيش عالشغل واني تعبانه حتى روحت بالاوبر عالدار , حكتلي " اد بدك تتركي الشغل اتركيه يما , وروحي نامي بنحكي بعدين " حاولت والله اني انام , ضليت بالتخت اتحرك واتحرك , اغفى خمس دكايك واصحى نص ساعه , حتى من كتر ما كنت اتحرك ساده سحب حاله وتركني وراح ينام بالصاله , كان يطلّع عليا مش عاجبته ينعن شكله هدا الناكص , حقدت عليه وحطيت عقلي براس الهر , ضليت اتحرك واغفى بين كوابيس وبين زعل ونكد وافكار لوكت الظهر , اماني اتصلت عليا وحكت بدنا نيجي عندك هينا بالطريك , كومت وحكيت ينعن ابو النوم , وصارلي فتره بس باكل الفطور ونفسي مسكره يمكن من التعب او ابصر , ما افطرت وكعدت اقرأ بكتاب المانغا لوكت ما اجو خواتي , خواتي جابو اكل معاهم , جابولي برجر اخ يبي في محل بحب البيتزا تبعته والبرجر , لهيك اشترولي وفتحت نفسي , وبنت اختي ايمان اشترلنا كهوه , والحلو انها عملت تبعتي في حليب اللوز , اتزكرت , وعملتلي كاسه كبيره , كعدنا وبلشنا نحكي ونحكي ويالله شو كنا مكهورين عشان كصه اخوي تلات وكصه الدنيا شو صعبه , والنصيب والجيزه والحياه واخ بس , وبعدين اجى اخوي واحد عنا , وكمان صاار حكي وحكي وحكي , ضلوا حوالي عندي لل 5 ونص , وهاي اول مره بضلوا هيك , بس لانو الكل كان مكتئب ومكهور لهيك ضلينا عند بعض , حتى الدار كايمه كاعده والجلي بالمجلى بس عنجد تعبانه مليش نفس اكوم ارتب او اجلي , بعد ما روّحو امي اتصلت عليا وكعدنا نحكي حوالي ساعه ونص , وبعدها هيني اجيت عالمدونه , بعرفش شو اعمل بعدها , يا انام يا اسهر بس اكيد مش اشتغل لا بالدار ولا برى ..واجاني مسج من حاح اليوم حتى , كديش انبسطت , حاح صارله فتره بغيب وعفكره بستفقده لما يغيب لانو هو الوحيد من اصحاب النت اللي مفقدش الامل في الحكي معي وضل متابع معي ويسال عني , يالله سنين ..وبعرف اني بقرأ وبردش , بس مع هيك بضل يسأل .. رهيب هالصديق .. ما بتعامل معي زي بتعامل معه , بعرف اني شخص بقرا بس بحكيش , وبعرف مزاجي , بعرف حتى لو برجعش على مسجاتهم انه عزيز عليا , عنجد عزيز هالشب ..~

؛



" بعرفش اتأسف واد اتأسفت بتمشكل مع الشخص كمان مره " ..~

\.~

السلام عليكم ..~

اليوم هو الاثنين والساعه 5 ونص || 10\29\18

؛

امبارح الحمد لله نمت بالدار حوالي ع10 وضليت اصحى عشان جسمي اتعود عالسهر , وغير انه مرتين اصحيت بخوف , مع كل الهالويس اللي مرحله الزومبي نص نايم نص صاحي , مره من حضره ساده , وكّع اشي بالمطبخ , كان حضرت اخوي حاطط الصحن على طرف الطاوله , وهو وكّعه , وكل الاكل والكزاز معبّي المطبخ , شوفت شو هو المنظر , حكيت طز طزين ارجع انام احسن , والمره التانيه بالمنظقه عنا في حيوان الراكون , وكتير الاكي الورد تبعي مكسّر من حضّرته , كان جاي عالحوش ولاني بحّط مي للعصافير هو بيجي بشرب منها , وكان صوت واصحيت ع صوته ينعن شكله وهو طالع عالسور المشترك بينا وبين الجيران ومش عارف يوكّف عليه , فكرت بصراحه حرامي , لانو شباكي زي ما حكيت مكشوف وفش برادي عليه , وراسي بحّطه عالشباك عشان هاليومين القمر كامل بحب اشوف نوره عالشجر , المهم اصحيت عالصوت وكان الراكون , بعد خوف انو حد , ولما كعدت استوعب اضحكت ع حالي وطبعا كان ساده مستمتع وهو بشوف بالراكون , بعدين اطمنت وحطيت راسي ونمت , اصحيت حوالي ع 8 ونص الصبح , وحكيت امبين اليوم لا سمح الله راح اتاخر , بسرعه جهزّت حالي واخدت الفطور معي , وروحت عالشغل بالسياره , وكان ازمه ويالله شو بكره اسوك بالازمه , وبعرف مكان شغلي في تنظيف الشوارع كل اثنين تبا بس , بس الحمد لله لكيت الشوارع منظّفه ومخلّصه , ومع هيك فش مكان اصف السياره لانو كل الصفّات لسيارات صغيره , والحمد لله طلعت سياره كدامي وروحت صفيت مكانها , بس كانت ديكه واتغلبت بس الحمد لله عاودت صفيتها , وعبرت الشغل , وحوالي الظهر اختي ايمان اتصلت وحكتلي في لقاء مع حد عشان شغله بعدين بخبركم عنها , وكان نفسي اختي اماني تكون موجوده عشان انا شو ما احكي معناتن انو بدي الشغله تخرب هيك ايمان بضل تحكي عني , لهيك بطلت احكي اشي , مع انه كل كلامي هو بس حذر لانو اختي ايمان هبله بتحكي كلشي لكل حد , وبحكيلها ميه مره تحكيش اشي عني , بديش حد يعرف عني اشي , حتى لو هون انا بحكي كلشي , بس هون محدش بيعرفني , هون بعاد , هون محدا بيعرف حد وما راح نتلاكي , فش تعامل هون مع اي حد , لهيك كنت بدي اختي اماني تكون موجوده بالكصه لانو اللي بدي احكيه اماني بتحكيه بس عشانها الكبيره بضل عادي هي تحكيه , هيك ايمان بتحكي , لهيك صرت اكره التعامل مع ايمان عالاخر , وبكره اتصور ببلفونها لاني بضّل تورجي صوري للناس , بثقش فيها بصراحه , ولسا من يومين اعرفت انها ورجت صورتي لحد وانجيت , حكتلها هاي تاني مره بتعمليها بدون ما تحكيلي وانتي عارفه انو بحبش اورجي صورتي , بس عالفاضي , عنجد انا من جوى مكهور منها , تكون هبله وطيبه ع حالها بس تبعد عني في هبلها , واد حكيت لامي بيطّلع الحك عليا انا انو بكبّر الكصص , يعني اليوم حكت شو بشتغل وملوش حد يعرف شو بشتغل , مش لازم الناس تعرف عني اخ يا ربي , بدي افكع , مع انه مش هالاشي , بس هو اشي عندي , اطلعت من شغلي وهي اضل تتصل انو اتاخرت , اللي بكهر اني شابك السماعه ع البلفون لاني كنت بفتره بسمع لابو وديع , وكل شوي تروح الاغنيه عشان حضرتها بتتصل , ممكن يعني تبطل تتصل , كنت مبسوطه والصوت عالي وشعري يطير , واسابق واضحك معاهم عشان بسببكوني , مرتين صارت اليوم , من شباب اسبنيول , ولما شوفتها حكتلها انتي اللي حاطه الموعد غلط , منتي بتعرفي امتى بخلص شغلي , وعالفاضي طلع الحك عليا , بحكيلكم ولما احكي الكل بحكي الحك عليا والغلط مني , اكيد دايما انا ع غلط متعوده , فش الا امي حبيب ئلبي اللي بتفهمني , التقيا بالموعد , وحكت اد اطلع معاها , حكتلها الدار كايمه كاعده وعليا سهر , لانو المطبخ الكزاز معبي , لهيك اجيت عالدار واكلت , الا اختي اماني بتتصل وحكتلي جاي جمب الدار ومعيش وكت , اعملي كهوه اشرب عندك واطلع , بالزبط اجت هي وبنتها الكبيره , شربوا كهوه , وكعدوا حوالي نص ساعه واتسهلوا , بعدها رتبت الدار , وكعدت اشوف بفلم , الا اخوي تلات بيتصل اعمله اكل , اجى ياكل , وصارله حوالي شهر مجنني بواحده حيوانه , بس هو حر وعقله براسه بيعرف خلاصه , بضل يحكي صاحبه بس صاحبه , صاحبه مين يا اخوي , هي مش هيك بتفكر , اخ يا ربي انا ليش كل اهلي مهابيل وبنضحك عليهم ليش ؟؟! هاي واحد بتضحك عليه عشان تاخد مصاري منه وتخليه يشتريلها شغلات وياحدها بسيارته هان وهان وكل هالكصص , وكد ما حكتله عالفاضي , بضل يحكي " هي بحاجه وبساعدها عشان ربنا " انا بعرف اخوي من كتر مهو اهبل عنجد بيحب يعمل منيح ويساعد ويبسط الناس اللي بحاجه, وبفكر الناس زيه , بس مع هيك هو شايف انو هاي مساعده وانا شايف انها واحده عارفه اخوي اهبل وبتضحك عليه , وبضل يحكي راح ياخدوا الدار منها وراح تصير مشرده , فش عندها شغل , يعني هي " الفتاه البائسه " . انا عندي مشاكل وكصص ربنا بعلمها , وبعلم شو جوى عقلي من جنون , تيجي توجعه لراسي بواحده انا مش شايفها من ارضها , واحده نصابه , شو اعمللها يعني اد عندها مشاكل , مع الكل عنده مشاكل , من وين لوين انا اعرف كصصها , اد انا يالله يالله اسمع لاصحابي , اليوم فكعت معي من اخوي , حكتله " اضلكش تجيبب سيرتها شو بدي فيها , اللي فيني مكفيني " استغرب اخوي , مهو يعني يا ربي معنديش بال واتحملت وبديش اضل اتحمل , عنجد مرات بحكي اضل لحالي احسنلي لاني بجرح اللي حواليا , بعدين شوفت فلم و الفلم ممل , حكيت اجي اكتب المدونه ..~

؛





؛

بحبش الناس النكديه حتى لو اني منهم , انا حلو عليا , بس هم لأ ...~

السلام عليكم ..~

ايش اشتريت ؟

؛



حامي الشعر من الحراره 10$ , بعد تجربته لحوالي خمس مرات , بعرفش بصراحه اد هو بحمي الشعر لاني السشوار اللي بستخدمه لشعري هو من النوع اللي بنفس الوكت ما يحرق الشعر , بس مع هيك لما كنت اجرب انواع تانيه عنجد كنت اشوف شعري ناشف , بس مع هدا النوع لأ , بكره ريحته لانها متل ريحه صالون الحلاقه تبع الزلام , هيك كأنه في كولونيا , ومش الريحه الحلوه , وحجمه صغير , يعني بسرعه بخلص , بس البخاخ تبعه رهيبه بأنه بوزعه على كل الشعر ..~

؛



سيروح للشعر 12$ , واخيرا واخيرا لكيت اشي من كريمات الشعر رهيب , هدا السيروم كلشي فيه رهيب , يالله شو بنعّم الشعر , وبخفف الفريز , وريحته روعه , بضّل ريحته حوالي 6 ساعات , بستخدمه مرتين باليوم وعاجبني بصراحه , بس بتمنى يضل منيح لاني من النوع اللي شعري بتعود ع الكريمات وبتبطّل تعطي مفعولها ..~

؛\||..~

؛



|

كنت مكتئبه هاليومين لهيك ما اجاش عبالي احكي عن مجريات ايامي , وجاي عبالي احط راسي وانام مع انه تختي كله معبّى كتب ودفاتر وورق ووامبين راح انام عليهم , لاني امرضت اليوم وضليت بالتخت وحمدت الله انو الليله انا بالدار فش شغل , وعملت نفض لاغراضي ووكع تحت ايدي دفتر مزكراتي , لما كعدت اقرأ شوفت حكي فيه مش لازم ينحكى , ومن امتى انا بكتب اسماء الناس مش الالقاب ,وكعدت اكمّل كتابه واحط صور وكصص فيه , اليوم بعت حبي تسجيل صوتي كان طافي فيه عالاخر وكان يحكي " انزلي , روحّي " كلامه مش مفهوم , زكرني بايام زمان لما يكون طافي ويتصل بانصاص الليالي ع بلفون امي بس ليسمع صوتي بكلمه "الو" ويخلي الخط مفتوح وما يحكي اشي , اخ بس عالدنيا وع قسوه قلبي اللي اخترت اجي هان , ومشتاكه لامي لدرجه احلمت فيها وكانت مبسوطه بالحلم اللهم اجعله خير , بس احلمت اني ضميتها وعبطتها ومع هيك ما شميت ريحتها ولا حسيت بالدفى , عنجد انه حلم , كنت احكيلها "يالله يما شو اشتكتلك" وعيوني يرغرغوا فرح , اللهم اجعله خير من هالحلم ..~

|





؛