Struggling, The Key Of Life-Reality Understanding

هنا الحياة بالنسبة لنا احناغالبية الرجال او الشباب السعوديين مانفضلها ع الحياة ف بلادنا

الأسباب ان ف السعودية عندنا حرية اكثر من هنا( اتكلم من ناحية الذكور وليس الإناث) . كيف؟

دائما نسمع ا في امريكا حرية. الحرية المقصودة هي الحرية الاجتماعية، كأفكار مجتمع و نظرته لك ك شخص.
لكن ك قوانين دولة انت مراقب و محاصر من كثير جهات xD

ف السعوديه، عندنا قوانين مكتوبة، لكن لما نجي للتطبيق كثير منها يتقاضون عنها. هذي القوانين
اللي تكون لها دخل بحريتك انت شخص او بالأصح دامك ذكر : D. ف بالنسبة احنا الرجال ف السعوديه
قوانين الدولة اسهل عليينا من قوانين الدولة ف امريكا. لكن ك مجتمع اكيد هنا حرية اكثر، لكن حرية مملة
يعني اذا انت راعي شرب و هالسوالف ف انت مرتاح هنا اما اذا محافظ ع نفسك ف غالبا راح تحس بالملل
وان كنت مع اصدقائك. الحالة اللي ما تحس بالملل هي لمن يكون عندك فلوس قد الدنيا تسافر و تفلها.
المهم، اما الحياة مع الامريكان نفسهم ف هي والله حياة قاتلة. الكل يتجنب الامريكان بسبب ان حياتهم ما
فيها شي. و ذا الكلام مو بس احنا السعوديين او العرب نقوله، حتى اللي يجون من مجتمعات اجنبية ثانية
ماتعجبهم الحياة هنا لأن المجمتمع ميت + قواني الدولة وراك وراك و تحاسبك ع اي خطئ وان كان طلع سهوا.

اما من ناحية الإناث السعوديات، ف طبعآ الحياة احسن لهم ع حسب كلامهم، بسبب ان المجتمع ماله شغل
فيك ولا يطالعهم زي ما المجتمع عندنا يطالعهم + قوانين الدولة المتشددة هنا توفر لهم الحماية بحيث
ان ما احد يتعرض لهم و ف حالة احد تعرض لهم ف حقهم محفوظ بإذن الله.
و فيه بعد قوانين دولية ثانية تعطيها حرية تامة ف حياتها الشخصية. بمعنى حالها حال الذكر ك حقوق من الناحية الاجتماعية.


خل انتقل لموضوع ثاني، دايم نسمع ان هنا الحياة متساوية بالنسبة للرجل و المرأة و حقوقهم وحدة.
هالكلام صحيح الا في الجانب العملي. الشغل/ الوظيفة، هنا دائما و ابدا الذكور رواتبهم أعلى من رواتب
الإناث ولو بالشي البسيط مع العلم انهم يشتغلون نفس الشغلة و نفس المنصب. مثلآ، راتب مدرس
رياضيات ف مدرسه اسمهآ (x) أعلى من راتب معلمة رياضيات تدرس في نفس المدرسة (x).
بس ما ادري هل السبب جاي من المجتمع او من قوانين الدولة. النقطة الثانية، دآئمآ ، أعلى منصب ف المكان الوظيفي يكون من نصيب الرجال. *بس في حالآت تعتبر قليلة جدا الأنثى لها المنصب الأعلى. وأظن ان يآخذون ع حسب مدى تأثيرها ع غيرها و شخصيتها و انجزاتها.
و همن ما ادري هل هو قانون من الدولة او عرف من جانب المجتمع.

و كذلك لكم يا الدمشقي (f)


-

بعد ف بالي أفكر عن الأحلام. أحيان لما أكون في الحلم، و أنا في الأحداث أكون اتذكر حاجه او شغلة.
و الشيء اللي يجي أتذكره او احاول اتذكره في الحلم أشوفه او زي ما اشوف الحاجة وانا اتذكرها و أنا مو نايم.
يعني، الحين لو احد قالي "ايش درجتك في الإختبار الماضي ؟" راح اجاوبه و أنا عارف الدرجه لانها حاضرة في ذاكرتي و اكون متذكر كيف مكتوبة مثلا في ورقة الاختبار.
ف نفس المثال ينطبق لمن أتذكر شي وأنا في الحلم.

بإختصار ان في الحلم أتذكر امور و كأني عارفها. لكن لما أصحى من نومي، واتذكر حلمي و أتذكر الشي اللي تذكرته في حلمي، أقول أصلآ ما اعرف هالشي في الحياة الواقعية ولآ عمري حلمت فيه من قبل عشان (أنا - اللي في الحلم) أتذكره و أتكلم عنه بكل ثقة في الحلم.

يا رب الفكرة وصلت، الزبدة الدعوة خبصة : D

بخاطري اتابع Hunter X Hunter الجزء القديم، بس المشكلة اني تابعته كذا مرة

لمن الشي يتكرر راح يصير ممل و يفقد قيمته. ف الانميات بالذات حدي اتابعهم مرتين بحالة كانوا اسطورية

كاكاشي الدعوة أصعب من كذا خخ

-

https://youtu.be/nHGw55CCEiA
*المقطع يحتوي موسيقى للي ما يسمع

- هذي من إحدى ذكريات الطفولة من التلفزيون السعودي
كان ما يجي يوم اﻻ و نسمعها ، قناة السعودية كانت شي رسمي ف البيوت =$
بصراحة أحس بالوﻻء و الوطنية لما أشوف هالذكريات xD

شكرا للمقيمين (f)

-

راح تنزل القوانين الجديدة لﻻبتعاث قريب
المتضرر اﻻكبر منها هو الدفعات اللي بتجي بعدنا
طبعا السبب للقوانين الجديدة هو دمج وزارات ، و بعد أسعار النفط لعبت دور
الله يعين عيالنا ف المستقبل -.-"

https://www.youtube.com/watch?v=SZtT7plcq74

*مهذل مهدي الصقور

هالآدمي يمثلني ي أخي 3>

بدايتي مع اﻻنميا هو اخوي اﻻصغر مني، هو بدأ يحمل و مع الوقت اشوفه يتابع ف صرت اتابع زيه. الحين، انا بعدي ع اﻻنميات اما هو خﻻص قطع عنهم.

ع طاري اخوي، رمضان الجاي بتكمل سنتين من آخر مرة شفنا بعض >.>"

دايم ننزل ف أوقات مختلفة

سلفر/ يس زي ما قلت، ان شآء الله أحاول اتكلم أكثر عن الحياة هنا (f)



-

هنا متى تحس انك قاعد تسوي صفقة تجارية ؟ و تحس حالك انك رجل أعمال ع غفلة ؟

لمن تجي تكتب عقد سكن، وانت رايح تتأجر سكن اهم شي تسويه انك تقلب الجلسه الى تحقيق.

بمعنى، تقعد تسألهم عن ~>
الاسعار، العربون (مبلغ تدفعه و يرجعونه لك بعد ما تخلص عقدك لكن غالبا يرجع ناقص كثير لأسباب كثيرة). ثم كم تدفع لو تبي تكسر العقد، ايش اللي عليهم و ايش اللي عليك( كهرب، ماي، غاز، نت)، مدة العقد ( كل ما قل كان أفضل). وفيه اسئلة ثانيه بحالة كنت تربي حيوانات او دايم تسوي حفلات. عموما هذي الاسئلة اللي لآزم تسألها خصوص اللي تتعلق بالفلوس xD
لأن هنا يحاولون ما يبينون لك الحالات اللي يغارمونك فيها مبالغ مالية الآ لآ جيت سألت ،او جا وقتها.

ملآحظة: ف السعودية حدك تتفق ع السعر و خلاص ما عندنا هالخرابيط حقتهم.

المهم هنا لما تجي بتشترك بخدمة نت او جوال او تشتري سيارات او تتأجرها ، او تسأجر كتب او تشتري أجهزة ، لآبد انك تقعد تسألهم اي سؤال يجي ع بالك، حتى لو تقعد نص ساعة ساكت عشان تفكر بأي شي ممكن يستغلونك فيه. و طبعآ هم ما عندهم مشكلة لأنهم عارفين ان في امور ما يقولون لك عنها إلآ لآ سألت xD طبعا ف السعودية بعد اكيد كثير عندنا نصب لكن مافيه غرمات ماليه زي اللي هنا. هنا لو ماتدفع الغرامة بيلآحقونك ف المحاكم. طبعآ الحل لو ماتبي تدفع شي هو انك تزيف معلوماتك او تغير المدينة و كذآ. بس افضل حل انك تزيف معلوماتك هنا كثير من الشركات يستغفلون هالنقطة.

هارونا/ للأسف نصب قانوني،اللي يعيش هنا غصبن عنه يحذر ._."

كاكاشي/ خخ المقصد من اللي كتبته هو ك التالي( الحياة = المرحلة ما بعد الموت و التي ﻻ موت او فناء فيها ف بالتالي هي الحياة الفعلية)

نورتوا (f)

الطلآب اللي من القارة الأمريكيه الجنوبية يتميزون بإبداعهم في الشغل اللي يسوونه.
أفكارهم دآيم تكون جديده و أساليبهم مبتكرة. ف هالشي يعطيهم جودة الشغل بسبب
إنهم يسوون الشي بكامل قدراتهم. و بعد يحبون التعبير عن أرائهم و افكارهم او النقاش فيها.
و عندهم مهارات نقاشية بحيث ما يكون في مشادات توصل لدرجة العنف و الكره.
ف بالتالي هم ممتازين للعمل الجماعي بسبب ان شخصياتهم تكون متقاربه حتى فكريا ف عندهم
ثقة انهم يوصلون لنتايج أفضل بدلآ من العمل الفردي بسبب ان لما يشتغلوا لحالهم يكونوآ مشتتين
لعدم مشاركتهم رايهم لأحد.

الطلآب اللي من القارة الأسيوية يتميزون بالهدء و التفكير بصمت. أرآئهم و أفكارهم ما يعبرون عنهآ
إلآ في حآلة إنسألوآ عنهآ. بمعنى، انهم قبل يتكلمون يفكرون في النتائج. ف هنا هم يتميزون بالحكمة
و عدم التسرع في القرارت و الأحكام بسبب تحليلهم للموقف و الوضع اللي هم فيه. و بسبب هالامور،
شخصياتهم تكون مختلفة و غير متشابهة غالبا. و تفكيرهم أكثر عمق
بالتالي، شغلهم يكون أفضل لمآ يكونون بعمل فردي أما في العمل الجماعي ف هم غالبآ يعطون الضوء للجانب الثاني.


ف بإختصار،
تبي عمل مؤثر و مبتكر > إتجه لأشخاص من دول القارة الامريكية الجنوبية

تبي شخصيات عميقة و سريعة البديهة > إتجه للأشخاص من دول قارة آسيا


* ما جبت طاري الأمريكان لأنهم لآ ذا و لآ ذآ للأسف -.-" ، إلآ لآ جآك شخص جامعي دارس دراسات عليا
او مثقف. بمعنى، مجتمعهم اللي برآ إطار الدراسة ما يساعدهم بشي مميز غير احترام الغير


الرد الجاي راح أتكلم عن امور اجابيه عنهم، احسني مصختها و انا اقول اشيا سلبيه عنهم